Якьубдин 1:3 - Гирами Китаб

³ фицики, ичв хъугъувал читинвалариантина удубчӀвруган, сабурлувал арайиз гъюруб аьгъячвуз.

Якьубдин 1:3 ပူးပေါင်းရင်းမြစ်များ

Лука 21:19

Ичв сабур апӀувалиинди ичв рюгь-юкӀв уьрхидичва.

Рим агьларихьна вуйи кагъаз 15:4

Гирами китабариъ дибикӀнайиб вари, диди туврайи сабурлувалин ва ккарцрувалин кюмекниинди ихь умуд ктадабтӀбан бадали, ухьуз насигьят вуди, дибикӀнайиб ву.

Рим агьларихьна вуйи кагъаз 2:7

Гьаммишан ужувлар апӀури, аднахъ, гьюрматнахъ ва аьжалсузвалихъ хъергнайидариз Дугъу гьаргандин уьмур пешкеш апӀиди.

Рим агьларихьна вуйи кагъаз 8:25

Ухьу ухьуз адрубдик миж кади гъузрахьа ва сабурлуди дидиз ккилигурахьа.

Рим агьларихьна вуйи кагъаз 8:28

Ухьуз, Аллагь ккунидариз, Чаз ккуниси Дугъу дих гъапӀдариз, вариб ужувлаз ачухъ шлуб аьгъяхьуз.

Коринф-2 4:17

Фицики ич пчӀу ва вахтназтӀан дару аьзабари учуз артухъ ва гьаммишандиз вуйи адлувал хура.

Колосс 1:11

гъит, учву гьаци хьпан бадали, Чан зурбавалина кьудратну учвуз сабурна ижмивал туври ва вари терефарихъанди учву мюгькам апӀри;

Фессалоник-2 1:4

Гьаддиз Аллагьдин жара хъугърудариз, учву вари гьаму хъергувалариъна аьзабариъ аьгь апӀури арайиз хурайи ва мюгькам апӀурайи хъугъувал улупури, ичв тярифар апӀури шулча.

Фессалоник-2 3:5

Гъит ичв юкӀвар Агъайи Аллагьдин масанвалихьна ва Месигьдин мюгькамвалихьна илтӀикӀри!

Жугьдариз 10:36

Аммаки Аллагьдин ният тамам апӀбан бадали ва Дугъу тувурза гъапиб рубкьбан бадали учвуз ккундайиб – аьгь апӀуб ву.

Жугьдариз 12:1

Лигай, ухьлан, дифаркьан, шагьидар илтӀикӀна! Гьаддиз гъачай, ухьлан ухьуз гьергуз машат апӀурайиб ва гьацира ухьу алдакуз гъитрайи гунагь вари илдипурхьа ва сабурлуди ухьуз кадабтӀнайи манзил ккадапӀурхьа.

Жугьдариз 6:12

Учуз учву тӀагъру дапӀну ваъ, хъа жвуван хъугъувалииндина аьгь апӀбиинди Аллагьди тувнайи ирс рубкьрударси учвура духьну ккундучуз.

Петрин-1 1:7

Аьгъю йибхьайки, гъизилра цӀиинди таза алапӀурайиб. ЦӀихьан гьеле думу зат имдарди деебцӀну гъядапӀузра шулу, хъа ичв хъугъувал гъизилтӀан лап артухъ багьа ву, ва думу, гьякьди вуйиб вуш, ясана – дарш, Иса Месигь кьяляхъ гъафи вахтна гъиямат йигъан жвуван тяриф, ад ва заанвал жвувахьна рубкьбан бадали, ахтармиш дапӀну ккундарин?!