Якьубдин 1:1 - Гирами Китаб

¹ Аллагьдин ва Агъа Иса Месигьдин лукӀ Якьубдихьан вари дюнʼя вуйибси дарагънайи Израилин йицӀикьюб тухмин Аллагьдин адмийириз – саламар!

Якьубдин 1:1 ပူးပေါင်းရင်းမြစ်များ

Паччагьлугъар-3 18:31

Илʼяс пайгъамбри йицӀикьюб гъван гъадагънийи, Якьубдилан тина гъахьи тухмарин кьадаркьан. Думу Якьубдихьна РАББИЙИН «Яв ччвур Израил хьибди» гаф гъафнийи.

Эстер 3:8

Аманди паччагь Ахашʼверушдиз гъапну: «Яв паччагьлугъдин вари вилаятарин халкьарин арайиъ сабсан халкь а. Думу халкьдин къанунар вардаринстар дар, мидланра савайи дурари паччагьдин къанунарра тамам апӀурадар. Паччагь му аьгьвалатнахъди рази духьну ккундар.

Матта 10:3

Филип ва Варфоломей, Фома ва налукар уч апӀру Матта, Алфейин бай Якьуб ва Фадей,

Матта 13:55

Думу харатчийин Бай даринхъа? Дугъан дадайиз Марʼям кӀурдаринхъа, Дугъан чвйирра Якьуб, Юсуф, Симон ва Ягьуда даринхъа?

Матта 19:28

Исайира дурариз гьамци кӀуру: – Дюзди кӀуразачвуз: цӀийи дюнʼяйиъ, Инсаниятдин Бай Чан тахтниин деиган, Узухъди гъафи учвура йицӀикьюб тахтниин деъну, Израилин йицӀикьюб тухмин суд апӀидичва.

Марк 3:18

Андрей, Филип, Варфоломей, Матта, Фома, Алфейин бай Якьуб, Фадей, Кананит кӀуру лакӀам хъайи Шимон,

Лука 22:30

Йиз Паччагьлугъдиъ Йиз суфрайихъ ипӀури-убхъидичва ва, тахтниин деъну, Израилин йицӀикьюб тухмин суд апӀидичва.

Лука 6:15

Маттана Фома, Алфейин Якьубна Зилот кӀуру лакӀам хъайи Шимон,

Югьан 12:26

Фуж Йиз гъуллугънаъ аш, гъит гьацир Йиз шилнаъди гъюри! Ва Узу наан аш, гьадушваъ Йиз гъуллугъчира хьиди. Фуж Йиз гъуллугънаъ аш, гьацир Йиз Адашди за апӀиди.

Югьан 7:35

Жугьдари чпин арайиъ кӀури гъахьну: – Думу, ухьхьан агуз даршлуси, наана гъягъюз ккайкӀан? Белки Дугъаз, Грек уьлкейин шагьрариз душну, дурарин арайиъ яшамиш шулайи ихь агьалйириз вая грекариз аьгъювалар улупуз ккунди ашул гьа?

Ляхнар 1:13

Чпи дергнайишваз дуфну, дурар заан хулаз удучӀвуру. Душваъ Петр, Югьан, Якьубна Андрей, Филипна Фома, Варфолемейна Матта, Алфейин бай Якьуб, Женгчи кӀуру лакӀам хъайи Симон ва Якьубдин бай Ягьуда айи.

Ляхнар 12:17

Хили ишара дапӀну, дурариз ккебехъ дупну, Петри, учв Агъайи дустагъдиан фици адаънуш, ктибтуру, хъа кӀуру: «Мидкан Якьубдиз ва миди вуйи гъардшариз кидибтай». Хъасин дилин думу жара йишваз гъягъюру.

Ляхнар 15:13

Дурарин улхуб ккудубкӀиган, Якьуб улхуз хъюгъру: – Гъардшар, узухъ хъебехъай!

Ляхнар 15:21

Фицики дегьзаманайин насларихъанмина гьарсаб шагьриъ Мусайин къанундикан улупрудар ва гьар султ йигъан мистариъ Къанун урхури шлу адмийир а.

Ляхнар 15:23

ва дурарихьди гьамциб кагъаз хътапӀуру: – Вакиларина хъугънайидарин аьхюдари, ичв гъардшари Антиохияйиъ, Сирияйиъ ва Киликияйиъ айи жугьуд дару гъардшариз саламар гьаъра.

Ляхнар 2:5

Гьадму вахтна Ерусалимдиъ дюнʼяйин жюрбежюр юрдариан вуйи динагьли жугьдар яшамиш шулайи.

Ляхнар 21:18

Хъайигъан Павел учухъди Якьубдин хулаз гъафнийи. Душваъ вари хъугънайидарин аьхюдар уч духьнайи.

Ляхнар 23:26

– Яв аьхювал гьякимдар Феликс! Узу, Клавдий Лисийи, увуз саламар хътаураза.

Ляхнар 26:7

йигъ-йишвди Аллагьдиз гъуллугъ апӀури, ич йицӀикьюб тухми думу гаф тамам хьпак умуд кивбаз лигну, суддин улихь дийигъназа. Магьа гьаму умудназ лигну, Агриппа паччагь, жугьдари узу тахсиркар апӀура.

Ляхнар 8:1

Стефан йикӀбиин Саул рази гъахьнийи. Гьадму йигъан Ерусалимдиъ айи хъугънайидарихъ зурбади хъергбар ккергънийи ва дурар, вакилар ктарди, вари Ягьудия ва Самария уьлкйир вуйиси гъарагънийи.

Рим агьларихьна вуйи кагъаз 1:1

Иса Месигьдин лукӀ вуйи, Аллагьди вакил хьуз кадагънайи ва Чан пайгъамбрарилантина Гирами китабариъ Чав гаф тувнайиганси, Аллагьдин Ужувлан хабар гъабхуз дих дапӀнайи Павелихьан саламар.

Галат 1:19

Хъа имбу вакиларикан узуз, Агъайин гъардаш Якьубдилан гъайри, фужкӀара гъяркъюндарзуз.

Галат 2:12

Якьубди дина адмийир гьаайиз улихьна думу, жугьуд дарударихъди деъну, ипӀури вердиш вуйи. Хъа Якьубдихьан вуйидар Антиохияйиз гъафиган, Петр жугьуд дарударихьан гьудучӀвнийи. Дугъу дици, аьдатариинди суннат дапӀну ккунду, кӀурударихьан гучӀ кайивалиан гъапӀнийи.

Галат 2:9

Узуз вакилвалин багъиш тувнайиб дурариз аьгъю гъабхьиган, хъугърударин гъваикк ккудукьнайи мурхьлар вуйи Якьубдина, Петрина, Югьанди, узузна Варнавдиз чпин хилар гьачӀарккунчуз. Му дурарин чпихъди учура саб ляхин апӀурайивалин лишан вуйи. Учу – Аллагь аьгъдрудариз, хъа чпи – жугьдариз Ужувлан хабарнакан ктибтуз гъягъюз дурар рази гъаши.

Филипп 1:1

Месигь Исайин гъуллугъчйир вуйи Павелихьанна Тимофейихьан – Филиппдиъ айи Месигь Исайихъди саб вуйи Аллагьдин хъугърудариз, гьадму хъугърударин аьхюдариз ва дурарин кюмекчйириз.

Тимофейиз-2 4:21

Кьюрд хьайиз гъюз чара апӀин! Увуз саламар хътаура Эвбули, Пудди, Линди, Клавдияйи ва вари гъардшари.

Титдиз 1:1

Узу, Аллагьдин гъуллугънаъ айи ва Иса Месигьдин вакил Павел, Аллагьди кадагънайидар хъугъувалихъна хуз, гьякьʼвалин кӀулиъ тӀауз, дюзди Аллагьдиз гьюрмат фици апӀуруш улупуз ва

Петрин-1 1:1

Иса Месигьдин вакил Петрихьан гъурабйирди жара жилариин Понтдиъ, Галатдиъ, Каппадокияйиъ, Азияйиъ ва Вифанияйиъ дарагънайи, Аллагьди Чан рябкъювалиинди кадагънайи хъугънайидариз, учву, Рюгьну гирами дапӀнайидар, Иса Месигьдихъ хъпехъбан ва Дугъан ифдиинди марцц хьпан бадали, учвуз гьуркӀну вуйи ужʼвал ва мясляаьт ибшричвуз!

Петрин-2 1:1

ЛукӀвал апӀурайи Иса Месигьдин вакил Петрихьан – Аллагьди гьякь апӀбиинди ва Уьрхрурин – Иса Месигьдин кюмекниинди ухьуз гъабхьибсиб багьа хъугъувал гъабхьидариз – саламар.

Ягьудайин 1:1

Иса Месигьдин гъуллугънаъ айи Якьубдин гъардаш Ягьудайи Адаш Аллагьдиз масан вуйи ва Иса Месигьди уьрхюрайи дих дапӀнайидариз саламар хътаура.

Ачмиш 7:4

Ва узуз, печать йивну жара гъапӀдарин кьадар варжна ягъчӀвурна юкьуд агъзур кас вуйиб, гъеебхьунзуз. Израилин баярин вари тухмариан печатдихьди жара гъапӀдар гьадмукьан вуйи.