Титдиз 2:4 - Гирами Китаб

⁴ Дурарихьди чпин жилар ккун апӀуз гъитри; чпин веледарихъ юкӀв хъипри;

Титдиз 2:4 ပူးပေါင်းရင်းမြစ်များ

Тимофейиз-1 5:14

Гьаци вуйиган, узу жигьил ачӀни дишагьлийирикан швуваз гъягъюб, бицӀидар апӀуб, чан хулахъ зегьмет зигуб ва душмнар чпикан чӀуруди дулухруси апӀуб ккун апӀураза.

Тимофейиз-1 5:2

Аьхю дишагьлийир – дадйирси; жигьилдар чйирси дис, дурарихъди вуйи яв аьлакьйир лап марццидар шлуси гъуз.

Тимофейиз-1 5:11

Жигьил ачӀни дишагьлийир думу гьисабнак макаан, гьаз гъапиш чпин юкӀв хъипнайивал Месигьдихьан ярхла шлурихъ дурариз швуваз гъягъюз ккун хьибди,

Титдиз 2:3

Гьаци улуп яшлу дишагьлийиризра: намуслуди яшамиш шлуганси, футнийир дарагъди, убхърубдиъ улар адрахьруси; гъит, жигьил швушвариз ужувлар апӀуз улупри.

Титдиз 2:5

аькьюллуди фикир апӀрудар ишри, чӀат ул адрударди вердиш ишри, хулан гъайгъу кайидар ишри, ужʼвал кайидар ишри, Аллагьдин Хабар аскан даршлуси, чпин жиларихъ хъпехърудар ишри.