Титдиз 2:2 - Гирами Китаб

² Яшлуйириз чпин кӀулʼинди фикир апӀуз улуп: ужубна-харжиб аьгъю апӀури ишри, гьюрматназ лайикьди ишри, фикирлуди ишри, ижми хъугърудар ишри, ккудудубкӀру масанвалиъ ишри, мюгькамди сабурлудар ишри.

Титдиз 2:2 ပူးပေါင်းရင်းမြစ်များ

Галат 5:23

гъянивал, жвув хилиъ дисувал кахьра. Гьамцдар ляхнариз закон лазим дар.

Петрин-1 4:7

Варибдин аьхир багахь шула. Гьаддиз ачухъ фикир айидар йихьай, фагьум апӀинай, хъа гьадмуган ккарагуз хьибдичвухьан.

Тимофейиз-1 3:11

Аьхюдарин кюмекчйирин хпарра гьюрматназ лайикьдар духьну ккунду, футнийир дарагърудар, тямягьяриъ адрахърудар, варибдиин хъугъвал алидар.

Петрин-1 5:8

Ичв фагьмихъ гъузай, мааханай! Учвуз къаршу вуйир, иблис, гашу удубтӀнайи асланси, учвкан хътӀюкьюз ужур агури либцура.

Титдиз 1:13

Му дугъридан гьякь ву. Гьаддиз дурарин, саб гьяйифвал ктарди, гьякьяр унтӀаъ атӀри апӀин; гъит, дурар сагъ хъугъувалихьна гъюри;

Тимофейиз-1 3:2

Аммаки аьхюр кипуз саб тягьна ктру уьмрин адми духьну ккунду: саб ражаритӀан швушв дархир, сабурлур, аькьюллур, намус кайир, хялар ккунир, аьгъювалар улупуз удукьрур,

Насигьятар 16:31

Лизи кӀул – акв туврайи таж: гьякьлу жилгъайиъ хьувалин лишан.

Фессалоник-1 5:8

Хъа ухьу, йигъан аквнак кахьрайидар, ачухъ фагьум ади хьидихьа ва хъугъвалинна масанвалин халариъ учӀвдихьа, кӀулʼин ухьу уьрхру пӀапӀах улубкӀидихьа!

Рим агьларихьна вуйи кагъаз 12:3

Аллагьди узуз вакилвал багъиш дапӀнайиган, узу учвуз варидариз кӀураза: учву ичв вуйидартӀан артухъ заанди мидисанай, учвуз гьарсариз Аллагьди туву хъугъувализ дилигну, фурс ктарди гъузай.

Петрин-1 1:13

Гъит, гьаддиз ичв фагьум фагьмихъ хъади ибшри, ва ляхнар апӀуз гьаммишан гьязурди гъузай. Вари ичв умуд Аллагьдин гъянивалиин илипай, хъа гъиямат йигъан Иса Месигь гъафиган, учвуз ичв умуд кайиб вари багъиш апӀиди.

Коринф-1 15:34

Учвуз лайикь вуйиси, фикриз гъачай, гунгьар апӀуб гъитай, фицики ичв арайиъ гьамусра Аллагь аьгъдрудар имийичв – мици учвуз нач хьуз кӀураза.

Титдиз 2:7

Уву дурариз вари яв алдабгъурайи ликдииндина ляхнариинди чешнеди гъуз. Гъит, уву улупурайи аьгъювалар лап кӀваантӀан ва гьюрматназ лайикь ишри,

Титдиз 1:8

Хъа, гьатци, дицир кас хялар кьабул апӀрур, ужʼвал апӀрур, фикирлур, дюзвал ккунир, намус-гъирʼят айир, учв чан хилиъ дисуз шлур вуди ккунду.

Тимофейиз-1 3:4

Дугъу чан хал-хизан ужуйи гьюле гъабхури ккунду, хъпехъру ва чан гьюрмат уьбхру баяр-шубар ади ккунду.

Тимофейиз-1 1:5

Гьаму йиз тӀалабнан метлеб – марцци кӀваан, гъяни намуснаан ва дугъри хъугъувалиан удубчӀвурайи масанвал вуйиз.

Фессалоник-1 5:6

Гьаддиз, имбударси, даахну гъуздархьа! Ачухъ фагьум ади ва кӀубанди гъуздихьа!

Филипп 4:8

Аьхирки, гъардшар, гьарган гьякь вуйибдикан, лайикь вуйибдикан, дюзваликан, марццибдикан, бегелмишубна гьяйранубдикан, намуслуваликан ва тярифариз лайикьубдикан фикир апӀинай.

Коринф-2 5:13

Шли учу фикрихъан душна, кӀураш, Аллагь бадали гьаци духьнача. Хъа эгер учу ужуйи фикир апӀураш, мици учву бадали апӀурача.

Коринф-1 9:25

Иштракчйири, вари чпин тямягьяр дирчну, чӀур дубхьну гъябгъру кунцӀ бадали, гьар йигъан гьязурлугъар гъахуру, хъа ухьу – чӀур даршлу кунцӀ бадали гьязур духьну ккундарин!

Ляхнар 24:25

Хъа Павел гьякьваликан, сабурлуваликан ва аьхирзамандихъан шлу дивандикан улхуз хъюгъиган, Феликсдиз гучӀ шулу ва кӀуру: «Гьелелиг гъарах. Хъа вахт гъабшиган, дих апӀидизавуз».

Лука 8:35

Хъа му гьякьикьи гъабши ляхниз лигуз халкь Исайихьна гъюру. Жинар ктучӀву кас Исайин ликарихъ деънади, палатра алди ва чан фикрихъ хъади гъяркъиган, дурарик гучӀ кабхъру.

Марк 5:15

Дурар Исайихьна гъюру ва, фу лигурва: кьушумкьан жинар кади гъашир, палтар алди, чан фикрихъ хъади деъна. Дурарик гучӀ кабхъру.

Тимофейиз-1 3:8

Гьаму дурарин кюмекчйиризра кайиб ву. Дурар гьюрмат айи, кьюб маш гъядру, чяхрихъ юкӀв хъадру ва пулиъ ул адру касар духьну ккунду.

Тимофейиз-1 1:2

хъугъувалиъ йиз гьякь бай Тимофейиз – ужʼвал, рягьим ва мясляаьт увуз Адаш Аллагьдихьан ва Иса Месигь ихь Агъайихьан!

Тимофейиз-1 1:10

кьяппавалиъ айидариз, жилир жилирихъ хъайидариз, адмийир лукӀʼвализ масу туврудариз, кучӀляхяриз, кучӀалди шагьидвал апӀрудариз ва дюз аьгъювалариз къаршуди удучӀврудариз ву.

Тимофейиз-1 1:14

Хъа, Иса Месигьдик ктикьхъан, рябкъру масанвална хъугъвал хъайи ихь Агъайин ужʼвал Аллагьди узʼин бегьем улубзну.

Тимофейиз-1 5:1

Яшлу адмийириз хъжагъру саягъниинди макӀан, яв адашси, гъавриъ тӀаъ. Жигьил адмийирихъди, яв гъардшарихъдиси, гафар апӀури йихь.

Филимондиз 1:9

узу увухьна, тӀалаб апӀури илтӀикӀуб хъана ужу ву кӀури, гьисаб апӀураза, фицики узуз уву масанди вузуз. Узу, Павели, Месигь Исайи гьаънайири ва Гьадгъулантина дустагъ дапӀнайири,