Тимофейиз-1 2:6 - Гирами Китаб

⁶ Дугъу вари адмийирихъанди кайи буржнан ерина Учв тувну. Думу Аллагьди, вахт гъафиган, дюнʼяйиз гьау шагьидвал ву.

Тимофейиз-1 2:6 ပူးပေါင်းရင်းမြစ်များ

Матта 20:28

Гьаци Инсаниятдин Байра Чаз жарадари гъуллугъ апӀбан бадали ваъ, хъа Чав гъуллугъ апӀбан бадали ва гизафдарин гунгьарилан хил алдабгъуз кӀури Чан уьмур тувбан бадали Дуфнайир ву.

Марк 1:15

Дугъу кӀуйи: «Вахт улубкьна. Аллагьдин Паччагьлугъ багахь дубхьна! Ичв гунгьар гардандиъ дидисну, уьмур дигиш апӀинай, Ужувлан хабарнахъ хъугъай!»

Марк 10:45

Инсаниятдин Байра Чаз жарадари гъуллугъ апӀбан бадали ваъ, хъа Чав гъуллугъ апӀбан бадали ва, гизафдарин гунгьарилан хил алдабгъуз кӀури, Чан уьмур тувбан бадали Дуфнайир ву.

Югьан 10:15

Адашдиз Узу фици аьгъяш, гьаци Узуз Адашра аьгъязуз. Узу Йиз уьмур марччарихъанди тувдиза.

Югьан 6:51

Узу вуза аьршариан гъафи чӀиви уьл. Шли думу Уьл гъипӀиш, гьадму зат ккудудубкӀрубкьан яшамиш хьиди. Узу туврайи уьл – му йиз беден вуйиз. Узу думу, дюнʼяйин уьмур бадали, тувраза.

Рим агьларихьна вуйи кагъаз 16:26

сир, гьамус гьаммишандин Аллагьдин амриинди пайгъамбрарин китабариланмина, халкьар Дугъахъ хъугъбан ва хъпехъбан бадали, дурариз ачмиш гъапӀну.

Рим агьларихьна вуйи кагъаз 5:6

Ухьу зяифди айиган, Месигь ухьхъанди гъакӀну. Ухьу Аллагь гьясбикк ккадарди яшамиш шули гъахьунхьа, гьаци вушра Месигь улупнайи вахтна ухьхъанди гъакӀну.

Коринф-1 1:6

фицики Месигьдикан вуйи ич шагьидвал учвуъ мюгькам гъабхьну.

Коринф-2 5:21

Гунагь ктру Месигь Аллагьди ихь гунгьарихъанди гъурбан гъапӀну. Аллагьди гьаци, Чан улихь ухьу, Месигьдихъди саб духьну, гьякь хьуз кӀури, гъапӀну.

Галат 1:4

Дугъу, Адаш Аллагьдин ният тамам гъапӀну, писвали агъавал апӀурайи гьаму дюнʼяйин гьюкмиккан ухьу азад апӀбан бадали ихь гунгьарихъанди Чан жан тувну.

Галат 4:4

Аммаки Аллагьди, вахт гъабхьиган, Къанундиккди яшамиш шулайи дишагьлийи гъахи Чан Бай гьаъру.

Эфес 1:17

Ихь Агъа Иса Месигьдин Аллагьди, адлу Адашди, фагьум туврайи Рюгь ва Чан гъавриъ ахъуз шлу ачмишʼвал учвуз тувуз кӀури, узу сикин дарди ккарагураза.

Эфес 1:7

Гьадгъахъди саб гъахьиган, Дугъан ифди ухьу дюрхна ва Аллагьдин аьхир адру ужʼвали ихь гунгьарилан хил алдабгъна.

Эфес 3:5

Му сир аьгъю хьуб гьамусдизкьан айи инсаниятдиз тувнайиб дайи. Хъа гьамус Рюгьну Аллагьдин гирами вакиларизна пайгъамбрариз думу аьгъю гъапӀну.

Эфес 5:2

Кабалгру ицци ниар адаури, Аллагьдиз Месигь Учв фици гъурбан гъахьнуш ва фици ухьу ккун гъапӀнуш, гьаци масанди яшамиш йихьай.

Тимофейиз-1 6:15

Вахт гъабхьиган, Думу ухьухьна Аллагьди, хушбахтавар ва сар вуйи Гьюкумдри, паччгьарин Паччагьди ва агъйирин Агъайи, лик кубкӀуз даршлу аквнаъ айи ва адмийирикан гьич саризкьан дярякъю ва рякъюз даршлу, аьжал хътру Сари гьаъди. Гьадгъануб ву гьюрмат ва кьудрат гьаммишандиз! Амин.

Тимофейиз-2 1:8

Гьаддиз, ихь Агъайикан ктибтуз нач мапӀан, ва Гьадму бадали дустагъдиъ айи узхьан нач мапӀан, хъа узухъди Ужувлан хабар бадали, узʼин улукьнайи аьзабарин пай гъадабгъ. Фицики Аллагьди ухьуз Чан ужувлакан ктибтуз кӀури кьувват тувна.

Титдиз 1:3

Чав дебккнайи вахт гъафиган, Дугъу дюнʼяйиз Чан Гаф гьаъну. Гьадму Гафнакан вуйи Хабар рабгъувал Аллагьдин, ухьу Уьрхрурин, ниятниинди узʼина ихтибар дапӀна.

Титдиз 2:14

Ухьу законсузваликкан азад апӀбан бадали, Чаз дурукьнайи халкь марцц апӀбан бадали ва думу халкь, вари юкӀв хъипну, ужʼвал апӀуз улихь гъягъбан бадали, Гьадгъу ухьхъанди Чан жан тувну.

Жугьдариз 9:12

Думу душваъ кьунаринна кӀарарин ифи хьади, учӀвнадар; Думу, адмийирин гунгьарилан хил алдабгъувал гъазанмиш дапӀну, „Лап Гирамишваъ“ саб ражари ва гьаммишандиз Чан ифи хьади учӀвну.

Петрин-1 2:24

Дугъу Чав, ухьу гунгьариз дийихнайидарси хьуз ва гьякьвал бадали яшамиш хьуз, Чан хусуси бедендиъди ихь гунгьар хачриина гъухну. Учву Дугъан зийнариинди сагъ гъахьунчва.

Петрин-1 3:18

Гьаци Месигьра, ухьу гъапӀу гунгьарихъанди, сабан ва гьаргандиз, Гьякьлур гьякьсузарихъанди, учву Аллагьдихьна хпан бадали, ккахъундаринхъа! Дугъан беден аьжализ тувну гъабкӀну, хъа Рюгь уьмрихъна кьяляхъ хътакну.

Югьандин-1 4:10

Дугъри вуйи ккунивал, ухьу Аллагь ккун гъапӀну кӀури, гьаддиъ адар, хъа Аллагьди Чав ухьу ккун гъапӀну ва Чан Бай ухьу гъапӀу гунгьарихъанди гъурбан хьуз гьаъну – магьа гьякь вуйи ккунивал.

Ачмиш 1:5

Иса Месигьдихьанра – гьякь Шагьид вуйирихьан, гъийихдарик сарпирди чӀиви Гъахьирихьан ва дюнʼяйин паччгьарин зиин агъавал АпӀурайирихьан ужʼвал ва мясляаьт ибшричвуз. Ухьу Ккунириз, Чан ифдиинди ухьу ихь гунгьарихьан азад ГъапӀуриз,

Ачмиш 5:9

Дурари цӀийи мяъли апӀурайи: «Уву лайикь вува китаб бисуз ва дидлан печатар алдагъуз, гьаз гъапиш, Уву духьну гъурбан, Яв ифдиинди Уву Аллагьдиз адмийир гъадагъунва гьарсаб тухмиан ва чӀалнаан, гьар жюре миллетарикан ва халкьарикан.