Тимофейиз-1 2:5 - Гирами Китаб

⁵ Аллагь сар ву, ва Аллагьдинна адмийин ара сатӀи АпӀурайирра сар ву. Думу Кас – Месигь Иса ву.

Тимофейиз-1 2:5 ပူးပေါင်းရင်းမြစ်များ

Матта 1:1

Магьа Ибрагьимдин наслиан вуйи, Давудрин тухмиан вуйи Месигь Исайин ата-бабйир:

Матта 1:23

«Магьа, шурак БицӀир киршди, Бай апӀиди ва Дугъʼин Эммануил, яна „Ухьухъди Аллагь хъа“, кӀуру ччвур иливиди».

Лука 14:22

ЛукӀрура, душну гьаци дапӀну, кӀуру: «Агъа, яв буйругъ тамам гъапӀунза, вушра саб хъана йишв ими».

Югьан 1:14

Гаф Инсандиз илтӀикӀуру ва ухьухъди яшамиш шулу. Ухьуз Дугъан Аллагьвалин зурбавал ва кьувват гъябкъюнхьуз, масанвали ва гьякьвали ацӀнайидар – Дугъаз дурар, Адашдихъ хъайи сар Бай вуди хьпаз гъурукьну.

Югьан 17:3

Хъа гьаргандин уьмур – му Уву, сар вуйи, гьякьлу вуйи Аллагь, ва Уву гьау Иса Месигь аьгъю апӀувал ву.

Ляхнар 4:12

Фицики заварин кӀанакк инсанариз тувнайидарикан, ухьуз уьрхювал тувру, сарун жара ччвур ккадар.

Рим агьларихьна вуйи кагъаз 1:3

Му Хабарнаъ, Чан жилʼин гъабхьи уьмриз дилигну, Давудрин тухмиъ бабкан гъахьи Аллагьдин Балкан кӀура,

Рим агьларихьна вуйи кагъаз 10:12

Жугьдарна жара миллетар саб ву, фицики Агъара варидариз Сар ву, ва Чаз дих апӀру варидариз Дугъу ужʼвал тувру.

Коринф-1 8:4

Гьаци вуйиган, аллагьсузарин идолариз гъурбан гъапӀу хурагнакан пидихьа. Ухьуз варидариз, дюнʼяйи икрам апӀурайи идолар фукӀа даруб ва Сарилан гъайри гьич саб жюрейинра аллагь адруб, аьгъяхьуз.

Коринф-1 8:6

аммаки ухьуз айир сар АллагьтӀан дархьуз – Адаш Аллагь. Ари Гьадгъу дюнʼяйиъ вариб ккебгъну, ва, Гьадгъаз кӀури, ухьу яшамишра шулахьа. Агъара сартӀан дар – Иса Месигь. Ари Гьадгъуинди дюнʼяйиъ вариб арайиз удубчӀвну, ва Гьадгъулантина ухьуз уьмурра гъабхьунхьуз.

Галат 3:20

Ара сатӀи апӀрур, аьлакьа йибтӀуз ккайи кьюб тереф айигантӀан шлур дар. Хъа Аллагь сартӀан дар, аьхир.

Эфес 4:6

Айир – сар Аллагь. Думу варидарин Адаш ву. Думу ихь варидарин зиин Алир ву, Дугъан ляхнар ухьʼинди варидариинди ву, ва Думу ухьуъ варидариъ яшамиш шула.

Тимофейиз-1 6:13

Гьамус узу увуз, Понтий Пилатдин унтӀаъ кӀубанди гьаму хъугъуваликан шагьидвал гъапӀу Месигь Исайин ва варибдиз уьмур тувру Аллагьдин улихь дих апӀуразавуз:

Жугьдариз 12:24

Учву, Исайихьна, ЦӀийи Йикьрар Дерккурихьна, Авелин ифитӀан ужуди улхурайи кибчру Дугъан ифдихьна дуфначва.

Жугьдариз 7:25

Гьаддиз Дугъʼан, Чан кюмекниинди Аллагьдихьна гъюрудар гьуркӀну уьрхюз удукьуру. Думу Гьаммишанур ву ва Дугъу гьарган дурарихъанди гафра йивура.

Жугьдариз 8:6

Хъа гьаму ражари Месигьдиина, жилиин гъуллугънаъ гъахьидариина аманат гъапӀу гъуллугътӀан лап артухъ Гъуллугъ аманат дапӀна, фицики мугагьназдинтӀан ужудар шартӀар айи Аллагьдинна адмийин арайиъ гъийитӀу мугагьназдинтӀан ужудар гирами Йикьрар Гьадгъулантина ву.

Жугьдариз 9:15

Ари гьаддиз Месигьдилантина ЦӀийи Йикьрар, дих дапӀнайидариз тувнайи гафниинди гьаммишандиз вуйи ирс рубкьбан бадали, гъийитӀну. Дурариз думу ирс, гьеле сабпи Йикьрар кьувватнаъ имидитӀан гъапӀу чпин гунгьарилантина рубкьру аьжалихъанди Исайи Учв аьжализ тувиган, гъурубкьуб ву.

Югьандин-1 2:1

Йиз веледар, узу му, учву гунагь дарапӀбан бадали, бикӀураза. Хъа эгер шли аьгъдарди гунагь гъапӀишра, Адашдин улихь ухьхъан гаф Йиврур хьа. Думу – Иса Месигь, дугъри Кас ву.

Ачмиш 1:13

Гьадму акв апӀрударин арайиъ, ярхи палат алди, мухрилан гъизилин чӀул идибтӀнайи, Инсаниятдин Бализ ухшар айирсир кас гъяркъюнзуз.