Тимофейиз-1 2:2 - Гирами Китаб

² Ухьу мясляаьт ади ва ужувлаъ архаинди, лайикьлуди яшамиш шлуси, пачгьарихъанди ва гьюкмихь хьайи варидарихъанди ккарагай.

Тимофейиз-1 2:2 ပူးပေါင်းရင်းမြစ်များ

Паччагьлугъар-2 20:19

Узу Израилиъ ислягьвал ва вафалувал уьрхрударикан сар вуза; хъа уву Израилин аьхюдарсдар ва асас шагьрарикан саб гьисаб апӀру шагьур терг апӀуз чалашмиш шулава. Увуз РАББИЙИН ирс рабгъуз гьаз ккундувуз?

Насигьятар 24:21

РАББИЙИХЬАН ва паччагьдихьан гучӀ апӀин, жан бай, гьюкмиз къаршу гъедергрударихьан гъирагъ йив,

Лука 1:6

Дурар кьюридра, Аллагьдин вари табшуругъар ва къайдйир уьрхюри, Дугъан улихь дугъри агьлар вуди гъахьну.

Лука 2:25

Думу деврин Ерусалимдиъ Симеон кӀуру сар кас айи. Думу Израилиз Аллагьдихьан кюмек рубкьайиз ккилигурайи дугъри ва аьдалатлу адми вуйи. Дугъʼин Аллагьдин Рюгь алийи.

Ляхнар 10:22

Дурари жаваб тувру: – Учу юзбаши Корнилийи, вари жугьдари гьюрмат апӀурайи гьякьлу ва Аллагьдихьан гучӀру касди, гьаунчу. Марцци малайикди дугъаз, увуз чан хулаз дих апӀуз ва яв гафарихъ хъпехъуз, амур дапӀна.

Ляхнар 24:16

Гьаддиз Аллагьдин ва инсанарин улихь йиз намус марцци хьпан бадали, узхьан шлукьан чарйир зигураза.

Рим агьларихьна вуйи кагъаз 12:18

Учвхьан шлубкьан варидарихъди мясляаьтниинди яшамиш йихьай.

Филипп 4:8

Аьхирки, гъардшар, гьарган гьякь вуйибдикан, лайикь вуйибдикан, дюзваликан, марццибдикан, бегелмишубна гьяйранубдикан, намуслуваликан ва тярифариз лайикьубдикан фикир апӀинай.

Фессалоник-1 4:11

ва, гизафна-гизафси, архаинди яшамиш хьуз чара абгай. Жарадари ичв гьюрмат уьбхбан ва ичвра сабдиъра ул ади дархьбан бадали, гъит гьарсари чан ляхин апӀри ва уьмриз уьлин кьацӀ гьарди, учу учвуз мугагьназ гъапиганси, чан хилариинди гъазанмиш апӀри.

Жугьдариз 12:14

Вари адмийирихъди мясляаьт ади яшамиш хьуз ва гирамидар хьуз ял апӀинай – гирамивал адарди, гьич сарихьанра Агъа рякъюз хьидар.