Тимофейиз-1 2:1 - Гирами Китаб

¹ Сифтена-сифте увкан ккун апӀурайиб гьаму вуйиз: вари адмийирихъанди ккарагай, тӀалаб апӀинай, гаф хъипай, Аллагьдиз чухсагъул йипай.

Тимофейиз-1 2:1 ပူးပေါင်းရင်းမြစ်များ

Ляхнар 17:30

Аллагьди ихь аьгъдруваларин вахт ихь тахсир вуди гьисаб апӀурадар, хъа гьамус Дугъу варишвариъ вари адмийириз чпин тахсрар гардандиъ дисуб амур апӀура.

Рим агьларихьна вуйи кагъаз 1:8

Сифте нубатнаъ, учвхъан варидарихъанди, Иса Месигьдилантина узу йиз Аллагьдиз баркаллагь кӀураза, фицики, вари дюнʼя вуйибси, адмийириз ичв хъугъуваликан ебхьура.

Рим агьларихьна вуйи кагъаз 6:17

хъа учву улихьди гунагьвалин лукӀар вушра, Аллагьдин кюмекниинди ичв марцци кӀваан учвуз улупурайи аьгъюваларихъ хъпехъури гъахьунчва!

Коринф-1 15:3

ВаритӀан важиблуб, узухьна тувуб, тувунзачвухьна: Гирами китабариъ улихьмиди дупнайиси, Месигь ихь гунгьарихъанди гъакӀну.

Коринф-2 8:6

Гьаддиз учу Титдикан, гъардшариз кюмек апӀури, чав ккебгъу гьадму ужуб ляхин учвухьра кӀулиз адабгъуб, тӀалаб гъапӀнийча.

Эфес 3:13

Гьаддиз, учву бадали узу аьзабарикк ккахъна кӀури, ккун апӀураза, юкӀв макадабтӀанай, дурар ичв адлувализ ву.

Эфес 5:20

Ихь Агъа Иса Месигьдин ччвур дибисну, Адаш Аллагьдиз гьаммишан ва варибдихъан чухсагъул йипай.

Эфес 6:18

Гьубкьу жюрейиинди ккарагай ва Рюгьнаъди учвуз ккуни вахтна Аллагьдикан тӀалаб апӀинай. Гьаци хьуз гьязурди ва Аллагьдин вари гирами халкьдихъан гьаммишан ккарагури гъузай.

Филипп 1:3

Гьар ражари учву кӀваин апӀури, узу йиз Аллагьдиз баркаллагь кӀураза.

Филипп 4:6

Гьич сабдинна гъайгъушнаъ махьанай. Аммаки фицдар гьялариъ ашра, ккарагай, ккуниб ккун апӀури, илтӀикӀай, ясана, чухсагъул кӀури, илтӀикӀай, гъит ичв тӀалабар Аллагьдиз аьгъю ишри.

Фессалоник-1 3:12

хъа ичв чиб-чпихьна ва жарадарихьна вуйи масанвал, ич учвухьна айи масанвалси, Агъайи гьубкӀну ва артухъра кади туври.

Фессалоник-2 1:3

Вари учвуз гъапӀубдиз учу гьаммишан Аллагьдиз баркаллагь дупну ккунду, гъардшар. Му гьякь ву, гьаз гъапиш ичв хъугъувал кьадар адрубкьан аьхю шула ва учвкан гьарсари вари ккун апӀурайи ва чиб-чпи ккун апӀурайи масанвал айибтӀан артухъ шула.

Тимофейиз-1 2:4

Фицики Дугъаз вари адмийир дюрхну ва гьякьвалихъна дуфну ккунду.

Тимофейиз-1 5:5

Хъа гьякь ачӀни дишагьли, яни фужкӀа хътрур сар Аллагьдихъ йирфар хъирчнайир ва, йигъ-йишв ккарагури, Дугъкан кюмек ккун апӀурайир ву.

Тимофейиз-2 2:24

Агъайин гъуллугъчийиз гьюжатаригъ гъючӀвуб лайикь дар. Думу варидариз гъюдлир ва ужур, аьгъювалар улупуз аьгъюр духьну ккунду. ЧӀурувал кӀваъ гъибтну ккундар,

Титдиз 2:11

Фицики Аллагьдин зурба вуйи ужувлу вари инсаният уьрхюз шлу аквнахьди ккапӀнийи.

Титдиз 3:2

гьич затра люкьнар дарапӀри, гьюжатар гъитӀитӀиккри вари адмийирихьна ккунивалиинди ва гъюдливалиинди ишри.

Жугьдариз 6:11

Учуз ккунди айиб, учвкан гьарсар ичв кӀван метлебар бадали, аьхиризкьан гьяракатнаъ хьуб вуйич.

Якьубдин 5:16

Гьаддиз чиб-чпин улихь жвувкан ктахьу гунгьар кӀулʼин дисай ва, Агъайи учву сагъ апӀбан бадали, чиб-чпихъанди ккарагай. Гьякь уьмур хъапӀрайирин ккарагбаъ гизаф кьувват а!