Тимофейиз-1 1:4 - Гирами Китаб

⁴ Чпин вахт дурари гьубкьу жюрейин махъварихъди ва ккудудукӀру архйир агури гьадрапӀри. Миди арайиз хрудар гьюжатартӀан дар, хъа хъугъували арайиз хурайи Аллагьдин ляхин улихь гъабхурадар.

Тимофейиз-1 1:4 ပူးပေါင်းရင်းမြစ်များ

Коринф-2 1:12

Учу, гьаму дюнʼяйиндарихъди, иллагьки учвухъди ич аьлакьйир, намуслуди ва дугъриди дерккри гъахьунча, – ич марцци намуснура гьаци кӀура, – учу гьамдиинди тяриф апӀурача. Му учуз Аллагьдихьан дурубкьнайиб ву.

Эфес 3:2

Учвуз, икибаштӀан, Аллагьди узуз Чан ужʼвал учвуз улупуз табшурмиш дапӀнайиваликан деебхьначвуз.

Тимофейиз-1 3:16

Саб гаф адарди ихь хъугъувалин сир зурба ву: Думу бедендиъди гъафну, Рюгьну гьякь гъапӀну, Думу малайикариз гъяркъну, Дугъкан халкьариз ктибтну, Думу дюнʼяйиъ хъугъувалиинди кьабул гъапӀну, Думу адлуди завариз за гъахьну.

Тимофейиз-1 4:7

Кьаби хпариз лайикь вуйи махъварихъди вахт давди маадапӀан, хъа гьарган хъугъувалин тӀалабарихъ йихь.

Тимофейиз-1 6:11

Хъа уву, Тимофей, Аллагьдин адми вува, гьаддиз гьацдарихьан гьерг. Дюзвал, хъугъувал, хъугъувалин тӀалабар тамам апӀувал, масанвал, сабур, умунвал бисуз хилар гьачӀаркк.

Тимофейиз-1 6:20

Тимофей, яв хилиъ ивнайиб вари уьбх. Аллагьсузвалин улхбар-рахбарихьан ва кучӀлин аьгъюваларин гьюжатарихьан гьудучӀв.

Тимофейиз-2 2:14

Гьаму вариб адмийириз кӀваин апӀбаъ яваш ва инжик махьан. Аллагьдин улихь дурарикан гьюжаткарвал дебккуб ккун апӀин. Дурарихъ хъпехърудариз, аьжалихъна хувалтӀан, хайир адар.

Тимофейиз-2 2:22

Жигьилвализ хас вуйи тямягьярихьан ярхла йихь ва, Агъайихьна марцци юкӀвариинди илтӀикӀрударихъди сабси, дюзвалихьна, хъугъувалихьна, масанвалихьна, мясляаьтнахьна варидарихъди гьачӀаркк.

Тимофейиз-2 2:23

Ахмакъ ва абдал гьюжатарихьан ярхла йихь, увуз аьгъявуз: дицдар гьюжатар элегбариинди ккудукӀуру.

Тимофейиз-2 4:4

Гьякьʼвализна дюзвализ чпин ибар гьеркну, дурар, махъварихъ хъпехъбан бадали, дурарихьан гьидициди.

Титдиз 1:1

Узу, Аллагьдин гъуллугънаъ айи ва Иса Месигьдин вакил Павел, Аллагьди кадагънайидар хъугъувалихъна хуз, гьякьʼвалин кӀулиъ тӀауз, дюзди Аллагьдиз гьюрмат фици апӀуруш улупуз ва

Титдиз 1:14

гъит, жугьдари кадагънайи махъварихьан дурар ярхла ишри ва гьякьналан улдугнайидари кӀурайиб дарапӀри.

Титдиз 3:9

Аммаки ахмакь улхбарихьан, архйирикан вуйи гьюжатарихьан, гъярхьуваларихьан ва Къанундин кӀуллан кчӀихуваларихьан ярхлади гъуз. Мурар ичӀи ва хайирсуз ляхнар ву.

Жугьдариз 13:9

Ужувлан хабарназ къаршу гьар жюре каламари учву гьякьʼвалихьан гьадауз мигъитанай. ЮкӀвар, фициб хураг ипӀуруш, гьаддин къайдйириинди мюгькам дарапӀди (дурар тамам апӀрудариз дурари хайир гъабхундар), хъа Аллагьдин ужувлиинди апӀуруш, ужу шул.

Петрин-2 1:16

Учу учвуз, ихь Агъа Иса Месигь кьудрат хъади кьяляхъ гъиди, гъапиган, учу шлин-вуш аьмалдар махъвар текрар гъапӀундайча. Ваъ, Дугъан зурбавал учуз ич улариинди гъябкъюнчуз!