Тимофейиз-1 1:3 - Гирами Китаб

³ Македонияйиз гъярайири, увкан Эфесдиъ гъузуз ижмиди ккун гъапӀнийза. Уву душваъ кучӀлин аьгъювалар рагъурайи сакьюдар касар дерккну ккундийзуз.

Тимофейиз-1 1:3 ပူးပေါင်းရင်းမြစ်များ

Ляхнар 18:19

Дурар Эфесдиз гъафиган, Павели Прискилана Акила душваъ гъитну, учв жугьдарихъди сюгьбатар апӀбан бадали, мистаз гъюру.

Ляхнар 18:21

УдучӀвну гъягъруган, «Эгер Аллагьди амур гъапӀиш, узу учвухьна хъадакну гъидиза», – пну, Павел Эфесдиан, баркаллагь дупну, гъягъюру.

Рим агьларихьна вуйи кагъаз 15:26

Фицики Македония ва Ахая уьлкйирин хъугърудари Ерусалимдиъ касибди айи Аллагьдин адмийириз, пул уч дапӀну, кюмек апӀуз кьаст гъапӀнийи.

Рим агьларихьна вуйи кагъаз 16:17

Учвкан миннат апӀураза, гъардшар, учвуз улупу аьгъювалариз къаршу удучӀвури, гьюжатар апӀрударихьан ва машат апӀрударихьан ярхлади гъузай.

Коринф-2 11:4

Сари, учвухьна дуфну, учу дарпи жара Исайикан ктибтруган, ясана учу тутруву жара рюгь вая учву кьабул дарапӀу жара хабар кьабул апӀруган – му вари учву рягьятди кьабул апӀуручва.

Эфес 4:14

Хъа думуган ухьу сарун лепйири ккалакьурайи ва гьар жюре каламарин микӀарихь гьитнайи, инсанар улдугуз гъитри, аьмалдар кучӀляхярикк ккахъру бицӀидарси хьидархьа.

Филипп 2:24

Агъайи, багарихьди узхьанра учвухьна гъюз шул, кӀури, умуд тувразуз.

Тимофейиз-1 4:11

Адмийириз магьа гьамдихьна дих апӀин ва гьамдикан аьгъювалар улуп.

Тимофейиз-1 4:6

Эгер уву, Тимофей, гъардшариз гьацдар кӀури гъабшиш, уву хъахънайи сагъ аьгъюваларин ва хъугъувалин гафари ацӀрайи Иса Месигьдин ужур гъуллугъчи хьидивукан.

Тимофейиз-1 5:7

Гьич саб жюрейин тягьнийир дархьбан бадали, хъугърудариъ тӀапӀ.

Тимофейиз-1 6:10

Вари жюре чӀуруваларин ччив – пул ккун апӀувал ву. Пул ккун дубхьну, хъугъувалихьан гьудучӀву адмийир гизаф бахтсуз гъахьну.

Тимофейиз-1 6:17

Гьаму дюнʼяйиин девлетлу вуйидариз йип: фурсар дарапӀри ва чпин девлетарихъ йирфар хътричри – думу мюгькам вуйиб дар. Уьмрикан кьукь ктабгъури яшамиш хьуз вари лазим вуйиб артухъра кади тувру Аллагьдихъ йирфар хъирчиш, хъа ужу ву.

Тимофейиз-1 6:3

Шли, Аллагьдиз лайикь вуйи гьюрмат хурайи ихь Агъа Иса Месигьдин сагъ гафар ва аьгъювалар тина гьадаъну, фу-вуш жараб улупураш,

Тимофейиз-2 1:18

Гъит, Агъайи дугъаз гьадму Йигъан Чан ужʼвал туври! Хъа дугъу узуз Эфесдиъ фукьан кюмек гъапӀнуш, варидаризтӀан увуз ужуйи аьгъявуз.

Югьандин-2 1:7

Ихь арайиан дюнʼяйиз гизаф кучӀляхяр душна. Дурари Иса Месигь, инсан духьну, жилиина гъювал кьабул апӀурадар. Дицир адми кучӀлях ва Месигьдиз къаршур ву.

Ачмиш 2:14

Гьаци вушра, Узуз увуз къаршу вуйибра азуз: увуъ Балам пайгъамбрин каламарихъди гъярайидар а. Думу каламари чан вахтна Валак паччагьди Израилин халкь гунагьарихъна хуз гъитнийи. Дугъу дурар, идолариз гъурбан гъапӀуб ипӀуз хъаънийи; дурариз намуссузвалиинди уьмур гьапӀуз улупнийи.

Ачмиш 2:20

Хъа магьа увуз къаршуди Йиз фу аш: пайгъамбар вуза, кӀурайи Изавел кӀуру дишагьли аьгь апӀурава. Дугъу Йиз гъуллугънаъ айидар улдугуз гъитра: дурар кьяппавалихъинди илтӀикӀура ва идолариз багъиш гъапӀуб ипӀуз улупура.