Рим агьларихьна вуйи кагъаз 8:3 - Гирами Китаб

³ Ихь гунагькар бедендиинди Къанун зяиф гъабхьну. Гьаддиз Аллагьди Чан Бай гунагькар адмийириз ухшар ади, гунгьарихъанди гъурбан хьуз жилариина гьаъну. Гьаци Дугъу адмийирин бедендиъ айи гунгьар тахсирназ гъахну.

Рим агьларихьна вуйи кагъаз 8:3 ပူးပေါင်းရင်းမြစ်များ

Ляхнар 13:39

Мусайин къанундиинди учву гьякьлу апӀуз даршлуган, варибдиъ гьарсар хъугънайир Исайилантина гьякьлу апӀиди.

Галат 3:13

Месигьди ухьу, Къанун тамам дарапӀруган, ухьʼин улубкьру агьнаккан ккадаъну. Дугъу Чав Къанундиъ улупнайи кьаза-балйир ухьу бадали Чаина гъадагъну, гьаз гъапиш гьамци дупна: «гьарикк ккерхнайир агьнакк ккахъна».

Коринф-2 5:21

Гунагь ктру Месигь Аллагьди ихь гунгьарихъанди гъурбан гъапӀну. Аллагьди гьаци, Чан улихь ухьу, Месигьдихъди саб духьну, гьякь хьуз кӀури, гъапӀну.

Жугьдариз 10:14

Саб ражари гъурбан хубʼинди Дугъу гирами шулайидар Аллагьдин улихь гьякь гъапӀну.

Петрин-1 2:24

Дугъу Чав, ухьу гунгьариз дийихнайидарси хьуз ва гьякьвал бадали яшамиш хьуз, Чан хусуси бедендиъди ихь гунгьар хачриина гъухну. Учву Дугъан зийнариинди сагъ гъахьунчва.

Рим агьларихьна вуйи кагъаз 6:6

Ихь гунагькар хасиятну ухьʼин гьюкум дарапӀбан бадали ва сарун ухьу гунгьарин лукӀар дархьбан бадали, ихь йирси уьмур Исайихъди сатӀиди хачрак кабсуб аьгъяхьуз.

Галат 3:21

Дици вуш, Къанун, Аллагьди тувнайи гафназ къаршу вуйинхъа? ИкибаштӀан, ваъ! Эгер адмийириз, уьмур тувуз шлу Къанун гъабхьнийиш, икибаштӀан, дурар гьякь апӀувал гьациб Къанундилан асиллу хьибдийи.

Рим агьларихьна вуйи кагъаз 8:32

Ухьу вари бадали, Чан Бай, гьяйиф дарапӀди, аьзабнакк Ккитури, Чан Балихъди сатӀиди ухьуз вари имбубра тувидаринхъа?

Рим агьларихьна вуйи кагъаз 3:20

Саб Къанундиъ айиб тамам апӀури гьич сарихьанра Аллагьдин улихь гьякь хьуз хьибдар, гьаз гъапиш, Къанундиан удубчӀвурайиб вари инсан гунагькар вуйиб улупурайиб ву.

Жугьдариз 2:14

Хъа веледар йиккканна ифдикан духьнайидар вуйиган, Дугъу Чахъра гьациб беден хъивну. Дугъу дици, Чан аьжалниинди аьжалин зиин гьюкум али иблисдихьан гьюкум бисузди,

Филипп 2:7

Хъа, Чаина лукӀвал гъадабгъну, Учв асккан гъахьну. Думу адмийириз ухшар айир гъахьну. Думу зиълан адмиси духьну,

Жугьдариз 10:12

Хъа му Гъуллугъчи, гунгьарихъанди гьаммишандиз кьувватнаъ гъубзрайи саб гъурбан дубхну, Аллагьдин арччул терефнахъинди деъну.

Жугьдариз 4:15

Ихь заан Гъуллугъчи ихь камиваларин гъавриъ адрахърударикан дар. Думура, ухьуси, гунгьариъ ктарди, вари аьзаб-аьзиятариъ Ахъур ву.

Жугьдариз 2:17

Гьаддиз Месигь, Учв халкьарин гунгьарихъанди ккахъбан бадали, вари терефарихъанди, Чан гъардшар фицдар вуш, гьацдарсир духьну ккундийи. Гьацир хьубʼинди Дугъкан ужʼвал ккуни ва дугъриди Аллагьдин гъуллугънаъ шлу заан Гъуллугъчи ктучӀвнийи.

Рим агьларихьна вуйи кагъаз 9:3

Йиз гъардшар, йиз миллет уьрхбан бадали, Узу Месигьдихьан гьудучӀвузра гьязур вуза.

Югьан 1:14

Гаф Инсандиз илтӀикӀуру ва ухьухъди яшамиш шулу. Ухьуз Дугъан Аллагьвалин зурбавал ва кьувват гъябкъюнхьуз, масанвали ва гьякьвали ацӀнайидар – Дугъаз дурар, Адашдихъ хъайи сар Бай вуди хьпаз гъурукьну.

Югьан 9:24

Ва магьа кьюбпи ражарира, кур вуди гъаши адмийиз дих дапӀну, дугъаз кӀуру: – ГьякьтӀан пидарза дупну, ху апӀин! Учуз аьгъячуз Гьадму Кас гунагькар вуйиб.

Марк 15:27

Дугъахъди сатӀиди кьюр гъачагъра дариз гъизигнийи: Дугъхьан сар – арччул, тмунур – гагул терефназди. [

Рим агьларихьна вуйи кагъаз 7:18

Узуъ, йиз гунагькар бедендиъ, ужʼвал яшамиш шули адрувал аьгъязуз. Ужудар ляхнар апӀуз ккунди шулзуз, хъа дицдар ляхнар апӀурадарза.