Рим агьларихьна вуйи кагъаз 12:3 - Гирами Китаб

³ Аллагьди узуз вакилвал багъиш дапӀнайиган, узу учвуз варидариз кӀураза: учву ичв вуйидартӀан артухъ заанди мидисанай, учвуз гьарсариз Аллагьди туву хъугъувализ дилигну, фурс ктарди гъузай.

Рим агьларихьна вуйи кагъаз 12:3 ပူးပေါင်းရင်းမြစ်များ

Галат 6:3

Шлиз, чав фукӀа дарапӀишра, учв заанди рякъюраш, дугъу учв алдатмиш апӀура.

Насигьятар 26:12

Гъяркъюнвуз адми, учв аькьюл айирси гьисаб апӀури? Гьацир адмийикантӀан абдликан хъа артухъ хайир а.

Петрин-1 5:5

Учвура, жигьилар, аьхюдарихъ хъпехъури апӀинай; чиб-чпин гъайгъушнаъ духьну, разивалиъ кӀул ипай, гьаз гъапиш, «Аллагь фурсачйириз къаршу удучӀвуру, хъа разивал улупрудариз Думу рягьим апӀрур ву».

Рим агьларихьна вуйи кагъаз 12:16

Чиб-чпихъди албагну яшамиш йихьай. Фурс мукубчӀванай. Аьжузарихъди дуствал апӀуз нач мапӀанай. Жвувкан заанди фикир мапӀанай.

Петрин-1 5:8

Ичв фагьмихъ гъузай, мааханай! Учвуз къаршу вуйир, иблис, гашу удубтӀнайи асланси, учвкан хътӀюкьюз ужур агури либцура.

Петрин-1 4:7

Варибдин аьхир багахь шула. Гьаддиз ачухъ фикир айидар йихьай, фагьум апӀинай, хъа гьадмуган ккарагуз хьибдичвухьан.

Якьубдин 4:6

Хъа Дугъу ухьуз мутӀан артухъ ужʼвал улупну. Магьа гьаддиз, Гирами бикӀбариъ дупна: «Аллагь фурсачйириз къаршуди удучӀвуру, хъа кьисматниин рази вуйидар ккун апӀуру».

Петрин-1 4:11

Эгер шлиз гафар апӀувалин хъуркьувалар аш, гъит, дугъу Аллагьдин хабарнакан гаф рабгъри; шлиз гъуллугъ апӀбаъ хъуркьувалар аш, гъит, Аллагьди туврайи кьувватнаъ учв мюгькам ишри. Гъит, варидари Иса Месигьдилантина Аллагьдин ад бадали жафа зигри! Гьадгъаз ибшри аьсрариан-аьсрариз ад ва кьудрат, амин!

Коринф-1 7:17

Гъит гьарсар Агъайи улупнайиси яшамиш ишри, ва чаз Аллагьди дих дапӀнайиси гъузри. Му къайдйир варишвариъ айи хъугърудариз кӀурудар вуйиз.

Титдиз 2:12

Аллагьдин ужувлу ухьуз гьаму дюнʼяйиъ, аллагьсуз уьмрихьан ва му дюнʼяйин тямягьярихьан ярхла духьну, жвув хилиъ дидисну, марцциди ва намуслуди яшамиш йихь кӀурахьуз.

Титдиз 2:2

Яшлуйириз чпин кӀулʼинди фикир апӀуз улуп: ужубна-харжиб аьгъю апӀури ишри, гьюрматназ лайикьди ишри, фикирлуди ишри, ижми хъугърудар ишри, ккудудубкӀру масанвалиъ ишри, мюгькамди сабурлудар ишри.

Коринф-2 12:7

Гьациб зурба сир узухьна гъурубкьган, узуз узу заанди дярякъюз, йиз жандиъ аьзаб тувуз галам, иблисдин малайик, ивна.

Рим агьларихьна вуйи кагъаз 11:20

Думу гьякь вуяв. Дурар чпин хътругърувалиан ктуршвну. Хъа уву дурарин йишвʼин хъугъувалиан алва. Гьаддиз фурс мапӀан, хъа гучӀ кади гъуз.

Рим агьларихьна вуйи кагъаз 1:5

Гьадгъулантина узуз, Аллагь аьгъдру халкьар хъугъувалихъна ва хъпехъувалихъна хпан бадали, вакилвалин багъиш гъурубкьунзуз. Му ляхнар Дугъан ад бадали вуйидар ву.

Петрин-1 1:13

Гъит, гьаддиз ичв фагьум фагьмихъ хъади ибшри, ва ляхнар апӀуз гьаммишан гьязурди гъузай. Вари ичв умуд Аллагьдин гъянивалиин илипай, хъа гъиямат йигъан Иса Месигь гъафиган, учвуз ичв умуд кайиб вари багъиш апӀиди.

Титдиз 2:4

Дурарихьди чпин жилар ккун апӀуз гъитри; чпин веледарихъ юкӀв хъипри;

Коринф-1 15:10

Амма, Аллагьдин ужувлиинди, узу йиз вуйир вуза, ва Дугъан узухьна вуйи ужʼвал давди гъюдубчӀвундар: узу варидитӀан гизаф ляхин гъапӀунза, яни, гъилихур узу ваъ, хъа узухъди хъайи Аллагьдин ужʼвал ву.

Югьан 3:34

Фицики Аллагьди Гьаънайир Аллагьдин гафариинди улхура, гьаз гъапиш Аллагьди Дугъаз бегьем Гирами Рюгь тувна.

Эфес 4:16

Гьадгъан кюмекниинди вари беден саб дубхьна ва гьар жюре аьлакьйири кибтӀна, дидин вари паяри гьарсабди чаз улупнайиб тамам апӀура. Гьамци вари беден аьхю ва масанвалиъ артмиш шула.

Лука 18:11

Фарисейи, ккарагруган, чакна гьамци кӀуру: «Я Аллагь! Увуз чухсагъул кӀураза, узу миди вуйи пис инсанарсир, тӀарашчйирсир, алдатмиш апӀрударсир, кьяппйирсир вая гьаму налукар уч апӀрурсир дарапӀбаз.

Титдиз 2:6

Гьаци жигьиларра ишри: дурариз чпи хилиъ дисуз шлуси улуп.

Тимофейиз-1 2:15

Аммаки дишагьлира уьрхиди, бицӀидар апӀури, эгер хъугъувал, масанвал, гирамивал ва намуслувал ади яшамиш шулуш.

Тимофейиз-1 2:9

Гьаци дишагьлийирира палат абурлуди ва жвуваз балгруси, къайдайиинди алабхьри; гъит дурари, аьжайибди кушар дерккри, гъизилар, жавагьирар, багьа палат алабхьури ваъ,

Тимофейиз-1 1:14

Хъа, Иса Месигьдик ктикьхъан, рябкъру масанвална хъугъвал хъайи ихь Агъайин ужʼвал Аллагьди узʼин бегьем улубзну.

Эфес 3:4

Гьаму гъурхиган, Месигьдин сирнакан узуз фу аьгъяш, йиз аьгъюваларикан учвхьанра аьгъю апӀуз шулчвухьан.

Коринф-2 12:13

Жара йишвариъ хъугърудариз, учвʼлан гъайри, узхьан гьациб фу гъурубкьну? Дициб фукӀа адар, сабдилан гъайри: узу учвʼин алалахъувал. Гьаму йиз тахсирналан хил алдабгъай!

Коринф-1 3:10

Узу, Аллагьди узуз тувнайи ужувлиинди, фагьумлу устайиси, шибритӀ ккивур вуза, хъа жарари душвʼин хулар дивра. Аммаки гьарсар, чав фици дивраш, дикъатниинди лигри.

Рим агьларихьна вуйи кагъаз 11:25

Гъардшар, узуз учву му сирнан гъавриъ адарди гъитуз, учву ичв аьгъювалиин гизаф умуд кивну гъудрузбан бадали, ккундарзуз. Израилин саб пай агьлар, чпин утӀукьну гъузувалиъ арсну, жара миллетар вари тамамди Аллагьдихьна илтӀикӀайизкьан, гъузди.

Насигьятар 25:27

Ужу дар йиччвухьди фун абцӀуб, вая жвуван тяриф апӀуз гъитуб.

Югьандин-3 1:9

Узу хъугърударин жямяаьтдиз кагъаз гъибикӀунза, хъа дурарин аьхюр хьуз ккуни Диотрефди, учу кӀурайиб кьабул апӀурадар.

Колосс 2:13

Ухди учву, ичв гунгьариз ва суннат дапӀну адрувализ дилигну, дийихнайидар, Аллагьдин халкьдик кахьри адайчва. Хъа гьамус Аллагьди учву Гьадгъахъди уьмрихьна кьяляхъ хътаъну. Дугъу ихь вари тахсрарилан хил алдабгъну.

Колосс 1:29

Гьациб метлеб бадали узу, узуъ бегьемди артмиш шулайи Месигьди тувнайи кьувватниинди дяви гъабхури, жафа зигураза.

Эфес 3:2

Учвуз, икибаштӀан, Аллагьди узуз Чан ужʼвал учвуз улупуз табшурмиш дапӀнайиваликан деебхьначвуз.

Коринф-2 10:13

Хъа алдарди ич тяриф апӀидарча, аммаки Аллагьди учуз дерккнайи терефариъ учу ич тяриф апӀидича, му терефар учвухьнакьан рукьура.

Филипп 2:13

Фицики иллагьки Аллагьди, Чаз ккуниб апӀбан бадали, ичв тямягь арайиз хуру ва ляхнарихъ хъаъру.