Рим агьларихьна вуйи кагъаз 10:3 - Гирами Китаб

³ Гьаз гъапиш дурариз Аллагьди багъиш апӀру гьякьвал аьгъдайи, хъа чпин хусуси гьякьвал арайиз адабгъуз чарйир зигури, Аллагьдин гьякьвализ мютӀюгъ гъахьундар.

Рим агьларихьна вуйи кагъаз 10:3 ပူးပေါင်းရင်းမြစ်များ

Даниял 9:24

Яв халкьдиз ва гирами Шагьриз ургцӀур ражари ургуд йис ккилигури гъузуб улупна. Гьадму вахтнан арайиъ Аллагьдихьна вуйи яв халкьдин аьксивал кӀваълан гьархиди, гунагь ккебкиди ва жазайиинди тахсирнахьан марцци хьиди. Гьадмуган даима гьякьʼвал гъубзиди, гъябкъюб ва гъюз имбуб ачухъ хьувал къайд апӀиди, Аллагьдиз бахш апӀбан лишан вуди, варитӀан Марцци йишвкан ччим кадатиди.

Лука 10:29

Хъа дугъу, учв дюз алауз ккунди, Исайиз кӀуру: – Хъа йиз багахь хьайир фуж ву?

Лука 16:15

Дугъу дурариз гъапи: – Учву инсанарин улихь гьякьлудар вуди улупурачва, хъа Аллагьдиз ичв юкӀвар аьгъя, фицики инсанариз фу заан вуш, Аллагьдиз думу алчагъвал ву.

Рим агьларихьна вуйи кагъаз 1:17

Му Ужувлан хабарну, Аллагьди хъугъувалилантина, сифте бинайиан ккудубкӀайизкьан, адмийирикан фици дугъри касар ктауруш, улупура. Гирами китабариъ дибикӀна: «Дугъри касдиз хъугъвали уьмур тувди».

Рим агьларихьна вуйи кагъаз 10:2

Фицики узу шагьидвал апӀураза, чпи Аллагьдихъ юкӀв хъипну янашмиш шулашра, дурариз дюз рякъ аьгъдар.

Рим агьларихьна вуйи кагъаз 10:20

Хъасин Ишаяйин китабдиъ кӀубанди кӀура: «Узу дарагди гъахьидариз Узу гъидихъну. Узу гьедрерхри гъахьидариз Узу ачмиш гъахьунза»,

Рим агьларихьна вуйи кагъаз 11:7

Гьамус фу шула? Израилин халкьдиз чпи абгурайиб гъибихъундар. Анжагъ кадагънайидаризтӀан гъибихъундар, имбударин инсанвал гъудубгну.

Рим агьларихьна вуйи кагъаз 3:22

Аллагьди адмийир Чан улихь гьякь апӀура Иса Месигьдихъ хъугъбиинди. Му хъугърудариз варидариз кайиб ву, гьаз гъапиш дурарин арайиъ гьич саб фаркьвалра адар,

Рим агьларихьна вуйи кагъаз 3:26

Дугъу адмийирин гунгьар аьгь дапӀну, Учв гьаму сяаьтдира гьякь вуйивал, ва Учв гьаммишандиз гьякьди гъузрувал ва дидихъди сабси Месигьдихъ хъугъру гьарсар кас гьякь апӀувал улупну.

Рим агьларихьна вуйи кагъаз 5:19

Гьаци вуйиган, сарин мютӀюгъ дарували гизафдар гунагькрар гъапӀубси, Сарин мютӀюгъвали гизафдар гьякь апӀиди.

Коринф-2 5:21

Гунагь ктру Месигь Аллагьди ихь гунгьарихъанди гъурбан гъапӀну. Аллагьди гьаци, Чан улихь ухьу, Месигьдихъди саб духьну, гьякь хьуз кӀури, гъапӀну.

Филипп 3:9

узу Гьадгъахъди хьуб вуйиз. Сарун узу, Къанунди улупнайиб тамам апӀидиза, кӀури, жвуван жафайиинди Аллагьдин улихь гьякь хьуз хьибдизухьан кӀури, гьаддихъ хъачӀарккну имдарза. Месигьдихъ хъугъигантӀан Аллагьдин улихь гьякь хьуз шлуб дар – узу гьаддихъ хъачӀарккназа. Гьациб хъугъвал туврайирра Аллагь ву. Узуз ккуниб сабтӀан дарзуз:

Петрин-2 1:1

ЛукӀвал апӀурайи Иса Месигьдин вакил Петрихьан – Аллагьди гьякь апӀбиинди ва Уьрхрурин – Иса Месигьдин кюмекниинди ухьуз гъабхьибсиб багьа хъугъувал гъабхьидариз – саламар.