Рим агьларихьна вуйи кагъаз 1:3 - Гирами Китаб

³ Му Хабарнаъ, Чан жилʼин гъабхьи уьмриз дилигну, Давудрин тухмиъ бабкан гъахьи Аллагьдин Балкан кӀура,

Рим агьларихьна вуйи кагъаз 1:3 ပူးပေါင်းရင်းမြစ်များ

Эвел 3:15

Увуна дишагьли душмнар апӀидизачву, ва ичв насларра чиб-чпиз душмнар хьиди: дугъан насли яв кӀул уьбгъидияв, ва уву думу наслин швякьраз галам йивидива.

Матта 1:1

Магьа Ибрагьимдин наслиан вуйи, Давудрин тухмиан вуйи Месигь Исайин ата-бабйир:

Матта 1:16

Якьубдиз, Месигь Иса гъапӀу Марʼямдин жилир Юсуф гъахьну.

Матта 1:6

Ессейиз Ягьудия уьлкейин паччагь гъахьи Давуд гъахьну. Давудриз сифте Урияйихь хьади гъаши хпирикан Сулейман гъахьну;

Матта 12:23

Му ляхниин вари халкь аьжайиб шулу ва дурари гьамци кӀуру: «Гьаяман гьаму Давудгъярин Бай вушул гьа?»

Матта 15:22

Магьа Хананей уьлкейиан вуйи сар дишагьлийи, ишури дуфну, Исайиз кӀуру: – Я Агъа, Давудгъярин Бай, йиз язухъ апӀина! Йиз риш, жинар кучӀвну, аьхю балайикк кка.

Матта 26:63

Исайи чӀалкьан гъапундайи. Маллйирин аьхюри гъудужвну Исайиз кӀуру: – Узу Аллагьдин улихь Увкан дишди пуб тӀалаб апӀураза: Аллагьдин Бай Месигь Уву вуна?

Матта 27:43

Дугъу Аллагьдик миж кивнайи. «Узу Аллагьдин Бай вуза», – КӀурайир, Думу, Аллагьдиз Гирамир вуш, Аллагьди уьрхри.

Матта 3:17

Ва завʼан дих шулу: «Му Йиз масан Бай вуйиз, Узу Дугъʼин гизаф рази вуза!»

Матта 9:27

Иса гьадушвʼан гъягъюрайиган, «Ич язухъ апӀина, я Давудгъярин Бай!» – кӀури, Дугъан кьяляхъди кьюр кур кас гъюз хъюгъю.

Лука 1:35

Малайикди Дугъаз гъапи: – Аллагьдин Рюгь учӀвди увуъ ва ВаритӀанзаанури уву Чан кьувватнакк ккаъди, гьаддиз бабкан шулайи Гирамийиз Аллагьдин Бай пиди.

Лука 1:69

Дегьзаманайи гъахьи марцци пайгъамбрарин мелзналан мялум гъапӀубси, Дугъу Чан лукӀ вуйи Давудрин тухмиан Кьудратлур – ухьу гунгьарикан азад АпӀрур – адаъну.

Югьан 1:14

Гаф Инсандиз илтӀикӀуру ва ухьухъди яшамиш шулу. Ухьуз Дугъан Аллагьвалин зурбавал ва кьувват гъябкъюнхьуз, масанвали ва гьякьвали ацӀнайидар – Дугъаз дурар, Адашдихъ хъайи сар Бай вуди хьпаз гъурукьну.

Югьан 1:34

Магьа узу адмийирин улихь шагьидвал апӀураза: Ари Гьадму ву Аллагьдин Бай».

Югьан 1:49

– Агъа! Уву Аллагьдин Бай вува – Израилин Паччагь! – гьевесниинди гъапи Нафанаили.

Югьан 10:30

хъа Узуна Йиз Адаш сар вуча.

Югьан 10:36

«Узу Аллагьдин Бай вуза», гъапну кӀури, фици учвхьан Узуз пуз шулчвухьан: «уву рихшанд апӀурава», кӀури. Шлиз кӀурачва гьаци? Узуз? Адашди гирами дапӀну, гьаму дюнʼяйиз гьаънайириз?!

Югьан 20:28

– Йиз Агъа ва йиз Аллагь! – гьарайниинди гъапи Фомайи.

Югьан 20:31

Аммаки гьаму вари дибикӀнайиб, учву Иса Месигь вуйибдихъ, Думу Аллагьдин Бай вуйибдихъ хъугъри пну ва Дугъахъ хъугъбиинди учвуз зат ккудудубкӀру уьмур хьпан бадали дибикӀнайиб ву.

Югьан 5:25

Гьякьлу вуйи гьякь кӀуразачвуз: вахт улубкьура – сану улубкьнура ву! – дийихнайидариз Аллагьдин Балин дих ебхьиди, ва гъеебхьдар гьаргандин уьмрихьна чӀиви хьиди.

Югьан 7:42

Гирами китабариъ, Месигь Давудрин насликан ва Давуд бабкан гъахьи Вифлеем шагьриъ Думу бабкан хьиди, кӀура.

Ляхнар 2:30

Учв пайгъамбар вуди хьпаз дилигну, дугъаз, учв али тахтниина чан насларикан сар дитуз Аллагьди аьгьт дапӀнайиваликан аьгъяйи.

Ляхнар 3:13

Му Аллагьди гъапӀуб ву: Ибрагьимдин, Исакьдин ва Якьубдин Аллагьди, ихь абйирин Аллагьди Чан Гъараваш Иса адлу гъапӀну. Хъа учву Думу йикӀуз гъитунчва ва, Пилатдиз Думу азад апӀуз ккун гъабшиган, Думу нигь гъапӀунчва.

Ляхнар 8:36

Рякъ давам апӀури, дурар штухъна гъюру ва хасижвуву Филипдихьан гьерхру: – Магьа шидра: узуз штуан хьуз фти машат апӀидихъа? [

Ляхнар 9:20

Дугъан Дамаскдиъ ученикарихъди садшвнуд йигъ шулу, хъасин дугъу Иса Аллагьдин бай вуйиваликан, жугьдарин мистариз гъягъюри, аьгъювалар улупури гъахьну.

Рим агьларихьна вуйи кагъаз 1:9

Вари йиз юкӀв хъипну, Аллагьдин гъуллугънаъ аза. Дугъан Балкан варидариз Ужувлан хабар дебккри, гьарган узу учву кӀваин алауразачву. Магьа дидин шагьид Аллагь.

Рим агьларихьна вуйи кагъаз 4:1

Ихь абйирин аба Ибрагьимдикан фу пухьа?

Рим агьларихьна вуйи кагъаз 9:3

Йиз гъардшар, йиз миллет уьрхбан бадали, Узу Месигьдихьан гьудучӀвузра гьязур вуза.

Рим агьларихьна вуйи кагъаз 9:5

Гьамрар ву ихь зурба абйирин наслар. Гьамрар ву варибдин зиин Аллагь вуйи, аьсрариан аьсрариз ужувлакк ккайи Месигьдин жилин хизан. Амин!

Коринф-1 1:9

Чан Бай вуйи ихь Агъа Иса Месигьдихъди саб хьуз ухьуз дих дапӀнайи Аллагь хъугъвал Алир ву.

Коринф-1 10:18

Израил халкьдиз лигай, гъурбан апӀрушвахьна гъурбан гъапӀу мутму дубхну ипӀрудар, гъурбан гъапӀушвахъди саб шуладарин?

Галат 4:4

Аммаки Аллагьди, вахт гъабхьиган, Къанундиккди яшамиш шулайи дишагьлийи гъахи Чан Бай гьаъру.

Фессалоник-1 1:10

Дурари гьацира Аллагьди чӀиви гъапӀу Чан Бализ – гьамус гъюз ккайи Суддин хъялнаккан ккадаъру Исайиз, аьршариан Думу гъяйиз, учву ккилигури гъузну ккуниваликан ктибтури шулчуз.

Тимофейиз-1 2:5

Аллагь сар ву, ва Аллагьдинна адмийин ара сатӀи АпӀурайирра сар ву. Думу Кас – Месигь Иса ву.

Тимофейиз-1 3:16

Саб гаф адарди ихь хъугъувалин сир зурба ву: Думу бедендиъди гъафну, Рюгьну гьякь гъапӀну, Думу малайикариз гъяркъну, Дугъкан халкьариз ктибтну, Думу дюнʼяйиъ хъугъувалиинди кьабул гъапӀну, Думу адлуди завариз за гъахьну.

Тимофейиз-2 2:8

Давуддин тухмиан удучӀву, дукӀну чӀиви гъахьи Иса Месигь кӀваин апӀин. Узу рабгъурайи Хабарнан мяна гьаддиъ а.

Югьандин-1 1:3

Учуз гъябкъюбдикан ва гъеебхьубдикан, гьамус учвура учук ктикьбан бадали, учвуз хабар дебккрача. Хъа учу Адаш Аллагьдик ва Дугъан Бай Иса Месигьдик кидикьнайидар вуча.

Югьандин-1 3:23

Магьа ухьуз Аллагьди фициб табшуругъ дебккнаш: ухьу Дугъан Бай – Иса Месигьдихъ хъугъну ккунду, ва Исайи ухьуз табшурмиш гъапӀиганси, ухьу сари-сар ккун дапӀну ккунду.

Югьандин-1 3:8

Гунгьар апӀрур иблисдинур ву, фицики иблисдира, чан сифте бинайианмина гунгьар апӀуйи. Аллагьдин Бай жилариина магьа гьамциб метлеб ади гъафир ву: иблисдин тӀулар терг апӀуз.

Югьандин-1 4:15

Эгер фуж Иса Аллагьдин Бай вуйивалихъ хъугъраш, гьадму касдиъ Аллагь яшамиш шула, ва учвра Аллагьдиъ гъузра.

Югьандин-1 5:1

Иса – Аллагьдин Месигь вуйивалихъ хъугънайидарикан Аллагьдин веледар ктучӀвура. Адаш ккунириз, Гьадгъулантина гъахьирра ккунду.

Югьандин-1 5:20

Ухьуз, Аллагьдин Бай гъафиваликан ва гьякь Аллагь аьгъю хьуз ухьу гъаврикк ккауваликанра аьгъяхьуз. Ухьу гьякь Вуйириъ айибра аьгъяхьуз, фицики ухьу Дугъан Бай – Иса Месигьдиъ ахьа. Думу – гьякь вуйи Аллагь ву. Думу – гьаргандин уьмурра ву.

Югьандин-1 5:5

Дюнʼяйин зиин гъалиб фуж шулу? Иса Аллагьдин Бай вуйивалихъ хъугърур.

Югьандин-2 1:7

Ихь арайиан дюнʼяйиз гизаф кучӀляхяр душна. Дурари Иса Месигь, инсан духьну, жилиина гъювал кьабул апӀурадар. Дицир адми кучӀлях ва Месигьдиз къаршур ву.

Ачмиш 2:18

Фиатирайин хъугънайидарин малайикдиз бикӀ: «Гьамци кӀура Аллагьдин Бали, гъизгъин цӀаси улар айири ва крабчӀурайи рукьстар ликар ккайири: