Марк 8:34 - Гирами Китаб

³⁴ Чахьна халкьдизна ученикариз дих дапӀну, Исайи гъапи: – Шлиз Узухъди гъягъюз ккундуш, думу, чан тямягьяр дирчну, чан хач гъадабгъну, Узухъди гъюри.

Марк 8:34 ပူးပေါင်းရင်းမြစ်များ

Паччагьлугъар-3 14:8

Узу Давуддин тухумдихьан паччагьлугъ тадабгъунза ва думу увухьна тувунза. Хъа уву Йиз амрар тамам апӀру ва, Йиз улариъ дюзиб вуйибтӀан дарапӀру, кӀваантӀан Узухъди гъюру Йиз лукӀ Давуддиз барабар гъахьундарва.

Матта 10:38

Хъа фуж, хач чан кьялʼин алди, Йиз кьяляхъди дарфиш, гьадмура Узуз лайикьлу дар.

Матта 16:24

Хъасин Исайи Чан ученикариз гъапи: – Шлиз Узухъди гъюз ккундуш, думу, чан тямягьяр дирчну, чан хач гъадабгъну, Узухъди гъюри.

Матта 27:32

Шагьриан удучӀвурайиган, дурариз Симон кӀуру сар Киринеяжви алахъуру. Думу Иса дариз зигру хачсиб дарагъаж гъабхуз мажбур апӀуру.

Марк 10:21

Иса дугъахьинди лигуру ва дишла Дугъаз думу ккун шулу. Исайи кӀуру: – Сабсана увуз гьубкӀрадар: гъарах, увуз айиб вари масу тув ва пул касибариз пай апӀин, гьадмуган аьршариъ яв девлет хьибдивуз. Хъасин Узухъди гъач.

Марк 7:14

Исайи, хъана Чахьна халкьдиз дих дапӀну, кӀуру: – Вари узухъ хъебехъай ва гъаври йихьай.

Лука 13:24

– Ккуру урнариантина учӀвуз гьялак йихьай, фицики гизафдариз учӀвуз ккунди, хъа учӀвуз хьибдар.

Лука 14:33

Гьамци учвкан гьарурихьан, чаз вари айибдихьан гьудудучӀвиш, Йиз ученик хьуз хьидар.

Лука 18:22

Гьаму деебхьну, Исайи дугъаз гъапи: – Сабсан увуз гьубкӀрадар: увуз айи-адру девлет масу тувну, касибариз пай апӀин, гьадмуган аьршариъ увуз девлет хьибдивуз. Хъасин Узухъди гъач.

Лука 20:45

Вари халкь хъпехъурайиган, Исайи Чан ученикариз кӀуру:

Лука 9:23

Вардарихьинди илдицну, Исайи кӀуру: – Шлиз Узухъди гъягъюз ккундуш, думу чан тямягьяр дирчну, гьар йигъандин хач гъадабгъну Узухъди гъюри.

Югьан 10:27

Йиз марччариз Йиз дих ебхьуру ва Узуз дурар аьгъязуз, дурар Узухъди гъюру.

Югьан 19:17

Дугъу «УнтӀаъ» (жугьуд чӀалниинди «Голгофа») кӀуру йишвахьнакьан Чаинди Чав карсру хачра дубхну ккундийи.

Ляхнар 14:22

Душвариъ дурари чпин ученикарин юкӀвар хъугъвалиъ ижми хьпан бадали, дурар гьевеслу апӀуйи. Дурари гьамци кӀуйи: – Ухьуз Аллагьдин Паччагьлугъдиъ учӀвайиз гизаф аьзабар алахьиди.

Рим агьларихьна вуйи кагъаз 6:6

Ихь гунагькар хасиятну ухьʼин гьюкум дарапӀбан бадали ва сарун ухьу гунгьарин лукӀар дархьбан бадали, ихь йирси уьмур Исайихъди сатӀиди хачрак кабсуб аьгъяхьуз.

Рим агьларихьна вуйи кагъаз 8:17

Ухьу Аллагьдин веледар вуйиган, Месигьдихъди ухьузра ад хьпан бадали, Дугъан аьзабар ухьу кьабул апӀурайиган, Месигьдизси, Аллагьдин ирс ухьузра рубкьиди.

Коринф-1 15:31

Узу гьар йигъан аьжаликк ккахъраза. Узу ихь Агъа Иса Месигьдин улихь учвʼинди фици фурс апӀураш, гьациб кьувватнаъди му кӀурайибра кучӀал дариз, гъардшар.

Коринф-1 8:13

Гьаддиз, узу ипӀурайи хурагналантина йиз гъардаш алдакураш, думу гунгьихъна дархбан бадали, йикк дирипӀди гъузарза.

Коринф-1 9:19

Гьеле узу азад адми вушра, узу йиз хушниинди, Аллагьдихьна шлубкьан гизаф адмийир хпан бадали, варидариз лукӀвал апӀури гъахьунза.

Галат 2:20

сарун яшамиш шулайир узу дарза, хъа узуъ яшамиш шулайир Месигь ву. Ва, узу жилиин илмикьан гагьди, Аллагьдин Балихъ хъугъну яшамиш шулайир вуза. Гьаци узу яшамиш хьузди Дугъу, узу ккун дапӀну, Чан жан узхъанди тувну.

Галат 5:24

Месигь Исайиндари, чпин гунагькар бедендин вари дерккуз даршлу ва чиркин тямягьяр хачрак карсна.

Галат 6:14

Хъа узуз, ихь Агъа Месигь Исайин хачрииндитӀан гъайри, жарабдиинди фурс апӀуз ккундарзуз. Узуз – дюнʼя думу хачрак кабсна ва дюнʼяйиз – узу думу хачрак карсна.

Филипп 3:10

Иса Месигь аьгъю апӀуб, яни Думу чӀиви гъапӀу кьудрат аьгъю апӀуб. Узуз гьацира, Дугъан аьзабар пай апӀуз ккундузуз ва, Гьадму гъачӀибси дукӀну,

Филипп 3:7

Аммаки гьадмуган узу гъазанмиш дапӀнайи вари хъуркьувалар Месигь бадали гьамус узхьан гьадахьу мисал апӀураза.

Колосс 1:24

Гьамус узу учву бадали аьзабарикк ккуркьбиин шад вуза. Узу Месигьдин Беден бадали кьадар адру аьзабар аьгь апӀурайир вуза. Дугъан думу Беден – Чахъ хъугърудар ву.

Колосс 3:5

Гьаддиз, учву гьаму дюнʼяйихьан дибиснайи учвуъ айиб вари: кьяппавал, чиркинвал, ктирсуз даршлу тямягьяр, асккан тямягьяр, кьискьисвал – гатӀахьай. Мицдар тӀулар идолариз икрам апӀувал ву.

Фессалоник-2 3:11

Хъа гьамус учуз, учвухь лихуз даккнидар а, ляхин апӀуз даккунди, уьргъну, жарадарин ляхнаригъ гъючӀврайидар а, кӀури, ебхьурачуз.

Титдиз 2:12

Аллагьдин ужувлу ухьуз гьаму дюнʼяйиъ, аллагьсуз уьмрихьан ва му дюнʼяйин тямягьярихьан ярхла духьну, жвув хилиъ дидисну, марцциди ва намуслуди яшамиш йихь кӀурахьуз.

Жугьдариз 13:13

Гьаддиз гъачай ухьура, Гьадму ккахъу беябурвал ухьура пай апӀруси, Дугъахьна шагьрин урнарин чӀатинди удучӀвидихьа.

Петрин-1 4:1

Гьаци вуйиган, беден аьзабарикк ккабхъбиинди Месигьди фици аьзиятар гъизигнуш, учвура гьацдар фикрар гьисабназ гъадагъай. (Гьаз гъапиш, беден аьзабарикк ккабхърури гунгьар апӀуб гъибтру).

Петрин-1 4:13

Хъа гьатцидарихъинди, учву Месигьдин аьзабариъ иштирак шулачва ва, гьаддиз, шад йихьай, хъа гъиямат йигъан, Иса Чан аднаъди гъафиган, шадвали ацӀдичва ва гьарай ипдичва.

Петрин-2 1:14

Узуз аьгъязуз, аьхир, гьаму йиз хал узхъан хътибтру вахт багахь шула – му узуз ихь Агъа Иса Месигьди ачмиш гъапӀунзуз.

Югьандин-1 3:16

Масанвал фу вуш, ухьуз, магьа, наънан аьгъяш: Месигьди ухьхъанди Чан уьмур тувну. Ухьура гьаци ихь гъардшарихъанди ихь уьмрар тувну ккунду.

Ачмиш 2:10

Увʼин улукьуз ккайи аьзабарихьан гучӀ мапӀан. Магьа багарихьди иблисди учвкан сакьюдар ахтармиш апӀуз, кӀури, дустагъдиъ ирчди, ва йицӀуд йигъан учву аьзабар зигидичва. ЙикӀайизкьан вафалуди гъуз ва Узу увуз уьмрин паччагьвалин таж тувдиза.