Марк 8:2 - Гирами Китаб

² – Узуз адмийирин язухъди вузуз. Магьа, дурарин Узухъди хъади шубуд йигъ ву, хъа дурариз ипӀруб адар.

Марк 8:2 ပူးပေါင်းရင်းမြစ်များ

Паччагьлугъар-3 19:6

Илʼяс пайгъамбар кьяляхъ илдицну гъилигнийи – ва магьа дугъан кӀулихъ аржлариин дубжнайи лаваш ва шид айи гажин хъайи. Дугъу уьл гъипӀнийи, шид гъубхънийи ва хъана дахънийи.

Матта 14:14

Люткейиан удучӀву Исайиз аьхючӀвеъ халкь уч духьнади рябкъюру ва, дурарин язухъ дубхьну, Дугъу уьзрар кайидар сагъ апӀуру.

Матта 20:34

Исайи, язухъ дапӀну, дурарин уларик хил кучу, ва сабпну дурарин улариз рябкъюз хъюгъю, хъа дурарра Дугъахъди гъягъюру.

Матта 9:36

Халкьарин дестйир гъяркъган, Исайиз дурарин язухъ шулу, гьаз гъапиш дурар марччлихъан хътру марччарси, улдугну, кюмексузди айи.

Марк 1:41

Дугъан язухъ гъабхьи Исайи хил гьачӀабккну, дугъак кубкӀну, кӀуру: – Ккундузуз, марцц йихь!

Марк 5:19

Хъа Дугъу ихтияр тувундайи. – Хулаз гъарах явдарихьна. Аллагьди фици яв язухъ гъизигнуш ва Дугъу увуз гъапӀубдикан дурариз кидибт, – кӀуру Исайи.

Марк 6:32

Гьаддиз дурар люткейиъди халват йишваз гъушу.

Марк 6:34

Люткейиан удучӀву Исайиз аьхючӀвеъ халкь рякъюру. Дугъаз дурарин язухъ шулу, гьаз гъапиш дурар марччлихъан хътру марччарси айи. Дугъу дурариз гизаф ляхнарикан ктибтуру.

Марк 8:3

Эгер Узу дурар хулариз гашди гьаиш, рякъюъ зяиф хьиди, хъа гьацӀар ярхлариан дуфнайидар даринхъа.

Марк 9:22

– Гизаф ражари жиндиз думу пуч апӀуз ккун гъабхьну: саспиган цӀигъна гатӀархьури, саспиган – штуз. Хъа эгер Увхьан фукӀа-мукӀа апӀуз шулуш, ич язухъ зиг, кюмек апӀин!

Лука 15:20

Гьамци дупну, думу чан адашдихьна хътакуру. Думу ярхлаъ имиди дяркъну, адашдиз дугъан язухъ шулу ва, жаргъну душну, дугъан гардандиъ архьру ва макар апӀуру.

Лука 7:13

Агъайиз, балин дада гъяркъиган, язухъ шулу ва дугъаз, мишан, кӀуру.

Жугьдариз 2:17

Гьаддиз Месигь, Учв халкьарин гунгьарихъанди ккахъбан бадали, вари терефарихъанди, Чан гъардшар фицдар вуш, гьацдарсир духьну ккундийи. Гьацир хьубʼинди Дугъкан ужʼвал ккуни ва дугъриди Аллагьдин гъуллугънаъ шлу заан Гъуллугъчи ктучӀвнийи.

Жугьдариз 4:15

Ихь заан Гъуллугъчи ихь камиваларин гъавриъ адрахърударикан дар. Думура, ухьуси, гунгьариъ ктарди, вари аьзаб-аьзиятариъ Ахъур ву.

Жугьдариз 5:2

Гьацир гъуллугъчи чпин аьгъдрувалиан улдугнайидарин гъавриъ ади духьну ккундийи, гьаз гъапиш чавра чан тямягьярикк ккахънайир ву.