Марк 7:9 - Гирами Китаб

⁹ Учву гьисаб апӀурашалчва: ичв къайдйир тамам апӀбан бадали Аллагьдин табшуругъар батӀул апӀуб фагьумлу ляхин вуйич, кӀури! – давам апӀуру Исайи.

Марк 7:9 ပူးပေါင်းရင်းမြစ်များ

Даниял 11:36

Хъа паччагьди, чаз фу ккундуш, гьадму апӀиди. Думу дамахлу хьиди, ва вари бутартӀан чав зиина дисиди, ва вари бутартӀан зурба вуйи Аллагьдиз аьксиди ибариз асуллагь деребхьуб пуз хъюгъди. Ажугълу йигъар ккудукӀайизкьан дугъаз ккуниси хьибди. Гьаз гъапиш, шулу дупнайиб дубхьну ккундийи.

Даниял 7:25

Думу ВаритӀанзаануриз аьксиди улхури хьиди ва ВаритӀанзаанурин марццидариз гюн тутруври хьиди, машкврар ва Къанун батӀул апӀуз кьаст хьибди. Ва марццидарра дугъан гьюкмиз тувну хьибди – саб муддатназ, кьюб муддатназ ва гьацӀ муддатназ.

Марк 7:13

Гьамци учву Аллагьдин гаф ичв аьдатназ илтӀибкӀунчва ва наслариз гьаци ктибтурачва. Гьаму мисалназ ухшар гизаф чӀуру ляхнар апӀури шулучва.

Марк 7:3

Хъа фарисйиринра, вари жугьдаринси, чпин абйириланмина гъубзнайи хъуршлихънакьан хилар дижрикӀди уьлихъ дедреъру аьдат айи.

Марк 7:5

Фарисйирина къанунчйири Исайихьан гьерхру: – Яв ученикари абйирин аьдатар гьаз хъаърадар? Хилар дижрикӀди уьл ипӀура.

Рим агьларихьна вуйи кагъаз 3:31

Ухьуз хъугъвал а кӀури гьамус Къанун тина апӀухьахъа? ИкибаштӀан, ваъ! Ухьу ихь хъугъувалиинди Къанун мюгькам апӀурахьа.

Коринф-2 11:4

Сари, учвухьна дуфну, учу дарпи жара Исайикан ктибтруган, ясана учу тутруву жара рюгь вая учву кьабул дарапӀу жара хабар кьабул апӀруган – му вари учву рягьятди кьабул апӀуручва.

Галат 1:14

Йиз таярик узукьан жугьуд дин улихь гъабхру кас адайи, абйирин аьдатар алдарди тамам апӀуйза.

Галат 2:21

Дугъу узуз гьамци дапӀнайиган, фици узу Аллагьдин му багъиш гатӀабхьуза?! Эгер Къанундихьан адми гьякь апӀуз шуйиш, Месигь давди гъакӀнуки?!

Фессалоник-2 2:4

къаршур, аллагьдинубдик вая гирами вуйибдик гъилигган, учв варитӀан зина вуза, кӀури, гьисаб апӀури хьиди, гьаци, гьеле думу Аллагьдин хулаъра кмиди деъди ва дугъу Аллагь учв вуза пиди.