Марк 7:4 - Гирами Китаб

⁴ Базариан гъафидари сабан хилар дижрикӀкьан гагьди уьл ипӀдар. Гьамцдар хъана гизаф аьдатар дурари уьрхюйи, мисалназ, захар, гажнар ва йифрин гъаб-гъажагъ жикӀбан аьдатар.

Марк 7:4 ပူးပေါင်းရင်းမြစ်များ

Матта 23:25

Ичв гьял пис хьибди, кьюб маш гъяйи къанунчйирна фарисйир, гьаз гъапиш учву захна бушгъаб заълан марцц апӀури шулучва, хъа дурарин айитӀишв угърашʼвалинна тямягькарвалин йимишари абцӀри шулучва.

Матта 23:26

Эй кур фарисей! Сифте захранна бушгъабан айитӀишв марцц апӀин, дурарин чӀатан терефра марцциб шлуганси.

Матта 27:24

ФтикӀа кюмек дарапӀрайиб ва халкьдик гъалабулугъ кабхърайиб дябкъну, Пилатди, шид хуз гъитну, чан хилар дижикӀну, кӀуру: – Узу Му марцци Касдин ифи удубзбан тахсиркар дарза, учвуз ккуниси апӀинай.

Марк 7:8

Учву адмийири ктагъу къайдйирихъан хъичӀихначва, хъа Аллагьдин табшуругъар тина апӀурачва.

Югьан 2:6

Гьадушвахь жугьдари чпин диндихъди жикӀувалариз ишлетмиш апӀури шлу йирхьуб гъвандин латар хьайи, дурарикан гьарубдиъ кьюб-шубуб гаргун шид гъябгъюйи.

Югьан 3:25

Гьадмуган Ягьʼяйин ученикарикан сакьюдари жугьдарихъди штуан хьпан гьякьнаан гьюжат ккебгъру,

Жугьдариз 9:10

Думу къайдйир ипӀрубдизна убхърубдиз ва жара жюрейин жикӀбан аьдатаризтӀан кайидар дар. Мурар, цӀийи къайда дебккайиз кьувватнаъ гъузнайи, зиълан апӀурайи аьдатартӀан дар.

Якьубдин 4:8

Аллагьдихьна багахь йихьай – Аллагьра учвухьна багахь хьиди. Хилар жикӀай, гунагькрар, юкӀвар марцц апӀинай, кью-кьюб юкӀв айи адмийир!

Югьандин-1 1:7

Эгер, Аллагь аквнаъ айиси, ухьура аквнаъди яшамиш шулаш, ихь арайиъ аьлакьйирра хьиди, ва ихь гьарсаб гунагьнахьан Дугъан Балин – Исайин ифди марцц апӀура.