Марк 7:2 - Гирами Китаб

² Дурариз ученикарикан сари дижрикӀу хиларихьди ипӀури гъябкънийи.

Марк 7:2 ပူးပေါင်းရင်းမြစ်များ

Матта 15:2

– Яв ученикари ихь абйирин аьдатар гьаз кӀули гъахурадар? Дурари, уьл ипӀруган, хилар жикӀурадар!

Марк 7:5

Фарисйирина къанунчйири Исайихьан гьерхру: – Яв ученикари абйирин аьдатар гьаз хъаърадар? Хилар дижрикӀди уьл ипӀура.

Лука 11:38

Фарисей, Исайи, уьл ипӀайиз, чан хилар дижрикӀиган, мюгьтал шулу.

Ляхнар 10:28

Петри дурариз кӀуру: – Учвуз аьгъячвузки, жугьудриз жара миллетдиндарихъди ттикӀуб вая дурариин улуркьуб гъадагъа вуйивал. Аммаки Аллагьди узуз гьич сар адмикьана кифир, ясана марцци дарур вуйиб гьисаб дарапӀуб табшурмиш гъапӀунзуз.

Ляхнар 11:8

Хъа узу жаваб тувза: «Затра дициб дарапӀарза, Агъа, фицики гьич саб вахтнара чӀуру ва марцциб дару мутму гъипӀур дарза».

Рим агьларихьна вуйи кагъаз 14:14

Узуз аьгъязуз, ва дугъридан саб шак адарди Иса Месигьдин гьюкмиинди кӀураза: марцциб даруб фукӀара адар. Анжагъ марцциб дар кӀуруриз думу марцциб дар.

Жугьдариз 10:29

Хъа ичв фикриинди, Аллагьдин Бай ликриккан апӀруриз, Йикьрар гъийитӀу Гирами ифи фукӀа дарубси гьисаб апӀруриз ва ужувлан Рюгь беябур апӀруриз фукьан аьхю жаза гьадабтӀур?

Ачмиш 21:27

ФукӀара чиркинуб душвазди убчӀвидар, душвазди алчагъвал ва кучӀал апӀрур учӀвидар. Душваъ анжагъ Ччилахь хьайи Уьмрин китабдиъ дидикӀнайидартӀан учӀвидар.