Марк 2:8 - Гирами Китаб

⁸ Хъа Исайи, Чан Рюгьнахьди дишла дурарин кӀван фикрар аьгъю дапӀну, кӀуру: – Гьаз дицдар фикрар ичв юкӀвариъ тӀаърачва?

Марк 2:8 ပူးပေါင်းရင်းမြစ်များ

Насигьятар 15:26

Хяви ву РАББИЙИЗ пис кьастар, хъа гъяни гафар Дугъан улихь ву марццидар.

Насигьятар 24:9

Ахмакьрин ниятар ву гуннагь, ягьсузра инсанариз ву хяви.

Матта 12:15

Хъа Исайиз мидкан аьгъю шулу ва дишла удучӀвну гъягъюру. Дугъан кьяляхъди гизафдар гъягъюру, ва Дугъу иццурайидар вари сагъ апӀуру.

Матта 16:7

Ученикар: «Му учу уьлер гъададагъиган кӀурайиб вуйкӀан», – кӀури, фикрик кахънийи.

Матта 9:4

Дурарин фикрар аьгъяди, Исайи гъапи: – Гьаз усал фикрар ичв юкӀвариъ тӀаърачва?

Марк 2:7

– Му Касди гьаз мици кӀура? Думу Аллагьдиз къаршуди улхура! Сар Аллагьдилан гъайри сарун шлихьан гунгьарилан хил алдабгъуз шул?

Марк 2:9

Паралич кайириз фу пуб рягьятди ву: «Яв гунгьарилан хил алдабгъураза», даршиш: «Гъудужв, яв ахин гъадабгъ ва гъарах?»

Марк 7:21

«Самбал алдапӀувалар», яна хилʼан адахъувалар, тӀафалвалар, йивну йикӀувалар, кьяппавалар, тямягькарвалар, угърашʼвалар, инсафсузвалар, машнаъ ягь адрувалар, гъанихвал ва хъял, футна, фурс, ахмакьвалар – гьамрарихъна хру пис фикрар инсандин кӀваан удучӀвуру.

Лука 24:38

Хъа Исайи дурариз гъапи: – Гьаз аьжайиб духьначва ва дицдар хиялар ичв юкӀвариъ гьаз учӀвра?

Лука 5:22

Исайи, дурарин фикрарин гъаври ахъну, жаваб тувру: «Гьаз дицдар фикрар ичв юкӀвариъ тӀаърачва?

Лука 6:8

Амма Исайи, дурарин ниятар аьгъяди, хил дебццнайи касдиз кӀуру: – Гъудужвну гъач, варидарин улихь дийигъ. Думу гъудужвну, улихьна гъюру.

Югьан 21:17

Ва шубубпи ражарира Исайи дугъаз кӀуру: – Я Югьаннайин бай Симон, увуз Узу ккундунуз? Дугъу, Учв ккундунуз кӀури шубубпи ражнура гьерхиган, Петриз иццру апӀуру. – Я Агъа, Увуз вари аьгъявуз, – кӀуру дугъу Исайиз. – Узуз Уву ккуниб Увуз аьгъявуз. – Йиз марччар уьрх, – кӀуру Исайи. –

Югьан 6:64

Аммаки ичв арайиъ хътругърударра а. ИкибаштӀан, Исайиз гьеле дюнʼя ккебгъайиз аьгъяйи: фужар Чахъ хъугъдайиш ва Учв шли масу тувуйиш.

Ляхнар 5:3

Гьадмуган Петри дугъаз кӀуру: – Ананай, гьаз яв кӀван аьхювал апӀуз иблисдихьди гъитунва, гьаз, Гирами Рюгьназ кучӀал дапӀну, жилихъ туву пуликан гьитӀибкӀунва?

Ляхнар 8:22

Гьаддиз яв чӀуру ният гардандиъ бис, дидлан хил алдабгъбан бадали Аллагьдиз ккараг, белки, Дугъу увлан хил алдабгъур.

Жугьдариз 4:13

Халкь дапӀнайи вари дюнʼяйиъ Аллагьдин улихь гьитӀибкӀнайиб гьич фукӀара адар. Дугъан улихь вари ачухъди ву. Дугъан улариз вари рябкъюру. Ари Гьадгъан улихь ухьу жавабра тувдихьа.

Ачмиш 2:23

Дугъан бицӀидарра аьжалихь гьирчдиза. Гьадмуган вари жямяаьтариз аьгъю хьибди: ичв юкӀвариъ ва фагьмариъ жиниди уьбхюрайиб вари аьгъюр Узу вуйиб, ва гьарсариз Узу, чан ляхнариз дилигну, тувдиза.