Марк 2:5 - Гирами Китаб

⁵ Дурарин хъугъвал гъябкъю Исайи иццурайириз кӀуру: – Йиз бай, яв гунгьарилан хил алдабгъураза!

Марк 2:5 ပူးပေါင်းရင်းမြစ်များ

Эвел 22:12

– Дугъʼин хил мииливан, – кӀуру малайикди, – Исакьдиз фукӀара мапӀан! Гьамус Узуз аьгъязуз увуз Заанурихьан гучӀруб: уву Узуз, яв хъайина-хъадру сар бай тувуз гьяйиф гъапӀундарва!

Матта 9:2

Ва магьа Дугъахьна, паралич дубхьну, сар ахниъ ахънайир хьади гъафи. Исайи, дурарин зурба хъугъвал дябкъну, паралич кайириз гъапи: – ЮкӀв ижми апӀин, Йиз бай! Яв гунгьарилан хил алдабгъураза.

Матта 9:22

Иса кьяляхъ илтӀикӀуру ва, думу дяркъну, кӀуру: – Яв юкӀв ижми апӀин, Йиз риш! Яв хъугъували уву сагъ гъапӀунву. Ва дишагьли сабпну сагъ гъахьнийи.

Матта 9:5

Фу рягьят ву: «Яв гунгьарилан хил алдабгъураза» пуб, вая «гъудужвну лиц» пуб?

Марк 2:6

Мушваъ сакьюдар къанунчйир деънайи. Дурари чиб-чпикди фикир гъапӀу:

Марк 5:34

Дугъу дишагьлийиз кӀуру: – Йиз риш, уву яв хъугъвали сагъ гъапӀунву. Архаин духьну гъарах, ва сагъвалиъ хьидива.

Лука 5:20

Исайира, дурарин зурба хъугъвал рябкъюри, гьадму касдиз кӀуру: – Эй инсан, яв гунгьарилан хил алдабгъураза.

Лука 8:48

Исайи дишагьлийиз гъапи: – Йиз риш! Яв хъугъували уву сагъ гъапӀунву; архаин духьну, гъарах.

Югьан 2:25

Исайиз адмийирин хасиятарикан шли-вуш ктитувал лазим дайи, фицики Дугъаз гьарсар касдин кӀваъ айиб аьгъяйи.

Югьан 5:14

Хъасин Исайи, гьадму кас Чаз Аллагьдин хулаъ алахъиган, дугъаз гъапи: – Магьа лиг, уву сагъ гъахьунва, сарун гунагь ляхнар мапӀан, даршиш митӀан артухъ пис гьял хьибдияв.

Ляхнар 11:23

Аллагьди му адмийириз ужʼвал дапӀну дябкъну, дина гъафи Варнав шад шулу, ва Аллагьдиз кӀваантӀан вафалу хьувалиъ дугъу дурар ижми гъапӀнийи.

Ляхнар 14:9

Му кас Павелин гафарихъ хъпехъурайи. Павел дугъахьинди гъилигнийи. Дугъаъ сагъ хьуз хъугъвал айивал Павелиз гъябкънийи

Ляхнар 5:31

Аллагьди, Израилин халкьди чпин тахсрар гардандиъ дидисну гунгьарилан хил алдабгъуз гъитбан бадали, Иса Чан арччул хилихъна Аьхюрди ва ухьу Уьрхрюрди за гъапӀну.

Коринф-1 11:30

Магьа гьаддиз ичв арайиъ гьаци гизаф иццрудар ва аьжузар айичв; гъийихдарра цӀиб даричв.

Коринф-2 2:10

Учву хил алдабгъурилан узура алдабгъидиза. Хъа узу хил алдабгъурилан, эгер думу касдиз хил алдабгъуз ужуб фукӀа аш, Месигьдин улихь учву бадали алдабгъуб вуйиз,

Эфес 2:8

Гьаддиз Аллагьди учвуз Чан ужʼвал тувну, ичв хъугъувалилантина гъюрхюнчву. Ичв дюрхнайивал ичв гьунар дар, хъа – Аллагьдин багъиш ву.

Колосс 3:13

Эгер учвуз сар-сарикан гиран каш, сабурлуди аьгь апӀури гъузай ва Агъайи учвлан хил алдабгъиганси, учвура хил алдабгъури йихьай!

Якьубдин 5:15

ГьубкӀну хъугъвал айи ккарагували иццурайир сагъ апӀиди ва Агъайи думу ликриин апӀиди. Хъа эгер дугъу гунагь дапӀнаш, хил алдабгъиди.