Марк 2:21 - Гирами Китаб

²¹ Гьич сарира йирси палатдик цӀийи парчайикан кадабтӀну цӀил ктривур, даршиш цӀилну, палатдиз зигури, урхъ хъана аьхю апӀиди.

Марк 2:21 ပူးပေါင်းရင်းမြစ်များ

Матта 9:16

Гьич сарира йирси палатдик цӀийи цӀил ктривур, фицики, цӀийиди киву цӀил кубчӀвган, хъана аьхю урхъ адабхъди.

Коринф-1 10:13

Гьамусдиз учвʼин алахьу читинвалар адмийириин улукьру аьдати читинвалартӀан дар. Аллагь Чав туву гаф тамам апӀрур ву. Дугъу учвʼин аьгь апӀуз даршлу читинвалар алахьуз гъитдар. Читинвалар алахьруган, Дугъу учвуз дурариан удучӀвуз шлу рякъра улупидичвуз. Гьаци дурариан учвхьан кӀул адабгъуз хьибдичвухьан.

Марк 2:20

Хъа дурарихьан швушв хурайир гужназ гъадагъру вахт гъибди, хъа гьадму йигъан дурари ушвар дисиди.

Марк 2:22

Гьич сарира таза чяхир йирси иржариъ удрубзур, даршиш таза чяхри иржар гьутӀурччвиди, чяхирра удубзиди, иржарра пуч хьиди. Таза чяхир цӀийи иржариъ убзру.

Лука 5:36

Мидихъди сабси Дугъу саб тахалус ктибтуру: – Гьич сарира, цӀийи палатдикан кадабтӀну, йирси палатдик цӀил ктривур, даршиш дугъу цӀийи палатра чӀябгъиди, хъа гьацира дидкан ктабтӀу цӀил йирсибдик балгидира дар.