Марк 2:16 - Гирами Китаб

¹⁶ Фарисйирикан вуйи къанунчйири, Думу гунагькрарихъди ва налукар уч апӀрударихъди уьл ипӀури дяркъну, Дугъан ученикариз кӀуру: – Мугъу налукар уч апӀрударихъдина гунагькрарихъди гьаз уьл ипӀура?

Марк 2:16 ပူးပေါင်းရင်းမြစ်များ

Матта 18:17

Дурарихъра хъпебехъиш, мидкан хъугънайидариз йип; хъа хъугънайидарихъра хъпебехъиш, сарун думу аллагьсузсир, ясана налук гъюдюбхрурсир гьисаб апӀин.

Матта 5:46

Фицики анжагъ учву ккунидартӀан ккун апӀдарш, учвуз фтин бадали пешкеш хьибди? Налук гъадабгъурайидарира гьаци апӀурадаринхъа?

Матта 9:11

Му аьгьвалат дябкъну, фарисйири Исайин ученикариз кӀуру: – Ичв Мялимди налукар уч апӀурайидарихъдина гунагькрарихъди гьаз ипӀура?

Марк 2:15

Саб ражари Исайи Левийин хулаъ лисун апӀурайи. Исайихъдина Чан ученикарихъди налукар уч апӀрудари ва хъана гизаф гунагькрари уьл ипӀурайи, дурар гьаци Исайихъди хъахънайидар гизаф вуйи.

Марк 2:7

– Му Касди гьаз мици кӀура? Думу Аллагьдиз къаршуди улхура! Сар Аллагьдилан гъайри сарун шлихьан гунгьарилан хил алдабгъуз шул?

Лука 18:11

Фарисейи, ккарагруган, чакна гьамци кӀуру: «Я Аллагь! Увуз чухсагъул кӀураза, узу миди вуйи пис инсанарсир, тӀарашчйирсир, алдатмиш апӀрударсир, кьяппйирсир вая гьаму налукар уч апӀрурсир дарапӀбаз.

Лука 19:10

Инсаниятдин Бай пуч шулайидар агуз ва ккадагъуз дуфнайир ву.

Лука 19:7

Му гъябкъю халкьдик гъал кабхъру ва, Иса гунагькар касдихь дергну кӀури, наразиди улхури гъахьну.

Лука 5:30

Аьлимарина фарисйири наразивал кади Исайин ученикариз: «Учву налукар уч апӀрударихъдина гунагькрарихъди гьапӀуз ипӀури-убхъури шулчва?» – кӀури гъахьну.

Ляхнар 23:9

Варидари чӀигъар апӀуз хъюгънийи, хъа фарисйирикан сакьюдар аьлимари, гьамци кӀури, гьюжат апӀуз хъюгъру: «Учуз му касдик саб чӀуру фикирра бихъурадарчуз. Белки рюгь, ясана малайик дугъахъди гъулхнушул?»

Коринф-1 2:15

Рюгь кӀваъ айи касдиз варибдиз кьимат тувуз аьгъя, хъа адруриз – рюгь айириз кьимат тувуз аьгъдар,

Жугьдариз 12:3

Гьамциб даккнивал гунагькрарин терефнаан аьгь ГъапӀурикан сацӀиб фикир апӀинай. Миди учвуз, ичв юкӀв-рюгь усалвалиъ адрабхъуз ва рюгь дурубгуз кюмек апӀидичвуз.