Марк 2:1 - Гирами Китаб

¹ Сакьюдар йигъарилан Иса Кафернагьумдиз кьяляхъ гъюру. Думу хулаъ а, кӀури, хабар абхъру.

Марк 2:1 ပူးပေါင်းရင်းမြစ်များ

Матта 4:13

Думу, Назаретдиан удучӀвну, Забулун ва Нафталим кӀуру юрдарин аьтрафариъ айи Галилей гьюлин гъирагъдихъ хъайи Кафернагьумдиъ дергру.

Матта 9:1

Гьаддихъан Иса, люткейиъ эъну, тмуну гъирагъдихъ хъайи Чан шагьриз гъюру.

Марк 1:45

Хъа дугъу, душну, гьеле чаз макӀан гъапнушра, варишвариъ чаин улубкьуб ктибтуру, гьаддиз Исайихьан сарун ашкарди шагьриз гъюз шули гъабхьундайи, Думу адмийир адрушвариъ гъузуйи. Гьадушваризра кмиди Дугъахьна варишвариан гъюйи.

Марк 2:2

Дина гьадмукьан халкь уч шулуки, гьеле урчӀарихъкьан йишв бихъури гъабхьундар. Дугъу дурариз аьгъювалар улупуйи.

Марк 3:20

Мурар хулаз хътакуру. Хъана халкь уч шулу, Исана Чан ученикар ушв гьибтузкьан хъуркьнадайи.

Марк 7:17

Думу, халкь гъитну, хулаз гъафиган, ученикари Дугъхьан гьадму гафарин мяна ачухъ апӀуб ккун апӀуру.

Марк 7:24

Гьадму йишвар дирчну, Иса Тир юрднан жилариина гъягъюру. Душваъ Думу садар хулариъ дергру. Дугъаз мидкан гьич саризра аьгъю дубхьну ккундайи, аммаки гьитӀибкӀну гъибтуз гъабхьундайи.

Марк 9:28

Иса хулаз гъафиган, Дугъахъди гъузу ученикари гьерхру: – Хъа учхьан думу утӀубккуз гьаз гъабхьундайи?

Лука 4:23

Исайира дурариз гъапи: – Гьелбетки, учву Узуз, абйирин мисалик дупнайиганси, пидичва: «Эй духтир! Сифте Жвуву Жвув сагъ апӀин!» «Уву Кафернагьумдиъ гъапӀу аьламатнан ляхнарикан учуз деебхьначуз, гьамус гьадму ляхнар мушваъ, Яв абайин ватандиъра, апӀин» пидичва.

Лука 5:18

ва магьа Дугъахьна ахниин алди паралич кайи сар кас хуз хъюгъю. Думу хулаз духну, Исайин улихь дитуз ккун гъабхьи.

Югьан 4:47

Иса Ягьудия уьлкейиан Галилейиз дуфнайибдикан деебхьну, думу Дугъахьна гъюру ва, чан йикӀру гьялнаъ айи бай сагъ апӀуз Кафернагьумдиз гъач, кӀури, Исайиз миннатар апӀуру.

Ляхнар 2:6

Гьадму сес гъабшиган, дурар уч шулу ва гизаф мюгьтал шулу, гьаз гъапиш вакиларикан гьарсар дурариз чан чӀалниинди улхурайиси гьибгърайи.