Марк 11:1 - Гирами Китаб

¹ Дурар Ерусалимдиз багахь шулайиган, Вифагия ва Вифания гъуларихьан ярхла дарди, Элион кӀуру дагъдин багахь хьимиди, Исайи гьамци дупну, кьюр ученик гьаъру:

Марк 11:1 ပူးပေါင်းရင်းမြစ်များ

Паччагьлугъар-2 15:30

Хъа Давуд Зейтундин дагъдикна, ишури, гъушну; дугъан кӀулʼин улубкӀнайи, ликар гъяцӀалди вуйи, ва думу дерднак кахънайи. Дугъахъди хъайи вари адмийирра дерднак кахънайи ва, дагъдиина за шули, ишуйи.

Матта 21:17

Дурар гьадушвʼин илмиди, Иса Вифания кӀуру гъулаз гъушнийи ва душваъ йишв адапӀнийи.

Матта 24:3

Иса Елион дагъдиин деънайиган, Дугъахьна ученикар гъюру ва жарадар алдру йишвʼин дурари Дугъхьан гьерхру: – Йип учуз, дици фила хьибди? Уву хъадакну гъюрувал ва гъиямат йигъ улубкьруб учуз фицдар лишнариинди аьгъю хьибди?

Матта 26:30

Хъасин Аллагьдин тярифназ мяъли дапӀну, дурар Елион дагъдиз удучӀвуру.

Марк 11:2

– Гьатму ихь гъаншариъ айи гъулаз гъарахай. Гъулаъ учӀвайиз ярхла дарди, дибтӀнайи жигьил дажи рябкъидичвуз. Дидʼин мегьел фужкӀара элеундар. Тудубчну, думу гьамина аьбкъинай.

Марк 13:3

Хъасинси, Думу Элион дагъдиин Аллагьдин хулаз гъаншарди деънайиган, ялгъузди гъузнайи Петрина, Якьубдина, Югьандина Андрейи Дугъхьан гьерхру:

Марк 14:13

Гьадмуган Дугъу, гьамци дупну, кьюр ученик гьаъру: – Шагьриз гъарахай. Учвуз шид айи гажин гъабхурайи сар кас гьахъдичвуз, гьадгъан кьяляхъди гъарахай,

Марк 6:7

Исайи Чахьна йицӀикьюрид вакилариз дих дапӀну, дурариз чиркин рюгьяр утӀурккуз шлу гьюкум тувну, кью-кьюрди аьгъювалар улупуз гьаъру.

Югьан 8:1

Хъа, Иса Елион дагъдиина гъягъюру.

Ляхнар 1:12

Хъасин вакилар шагьрихьан саб километр манзилиъ айи Елион дагъдилан Ерусалимдиз хътаркуру.