Лука 5:8 - Гирами Китаб

⁸ Му гъябкъиган, Петр кӀуру лакӀам хъайи Симонди, Исайин кьамкьариина ис духьну: «Я Агъа! Узхьан гьудучӀв, гьаз гъапиш узу гунагькар вуза», гъапи.

Лука 5:8 ပူးပေါင်းရင်းမြစ်များ

Паччагьлугъар-2 6:9

Думу йигъан Давуддиз РАББИЙИХЬАН гучӀ гъабхънийи, ва дугъу гъапнийи: – Узухьна РАББИЙИН сундух фици хуз шулухъа?

Паччагьлугъар-3 17:18

Думуган дишагьлийи Илʼяс пайгъамбриз гъапнийи: – Узкан фу ккундувуз, Заанурин инсан? Узуз йиз гунагь кӀваин апӀуз ва йиз бай йикӀуз гъафунва?

Матта 17:6

Му сес гъеебхьу ученикариз яманди гучӀ гъабхьнийи, ва дурар, икрам апӀури, жилʼина ахьнийи.

Матта 2:11

Ва хулаъ учӀвган, дурариз БицӀирна Дугъан дада Марʼям рякъюру ва жилʼина ис духьну, Дугъаз икрам апӀуру. Хъасин, чпин пешкешар адагъну, БицӀириз тувру: гъизил, ладан кӀуру ицци ниъ хъайи ягъ ва смирна кӀуру багьалу дармансиб шейъ.

Матта 8:8

Юзбашийи жаваб вуди гъапи: – Я Агъа! Уву йиз хулаъ учӀвбаз узу лайикь дарза, анжагъ Уву саб гаф йип, ва йиз гъуллугъчи сагъ хьиди.

Лука 5:7

Дурари тмуну люткейиъ айи юлдшаризра кюмекназ дих дапӀну, дурарра дуфну кьюбиб люткйирра гьаци арцӀруки, люткйир ккадрахьди саб нуфт гъубзнийи.

Лука 5:9

Фицики Симон ва дугъахъ хъайидар, чпи гъидису аьхючӀвеъ балугъариз лигну, русвагь гъахьнийи.

Югьан 11:32

Хъа Марʼям, Иса хьайишвахьна дуфну, Думу гъяркъюбси Дугъан ликарикк ккархьру ва кӀуру: – Я Агъа, эгер Уву мушваъ айиш, йиз чве йикӀидайи.

Коринф-1 13:12

Гьаму ражари ухьуз, кьалу гюзгдиан рябкъюрайиси, ачухъди рябкъюрадархьуз, хъа гьадмуган машна-машди рябкъюри хьибдихьуз. Сабан сацӀибтӀан аьгъдарзуз, хъа думуган, Аллагьдиз узу фици аьгъяш, гьаци тамамди аьгъю хьибдизуз.

Ачмиш 1:17

Думу гъяркъиган, дукӀнайирси, Дугъан ликарикк дахъунза, хъа Дугъу, Чан арччул хил йиз гъюниин иливну, гъапи: – ГучӀ мапӀан! Узу вуза Сарпирра, КкудукӀрурра.

Паччагьлугъар-1 6:20

– Шлихьан РАББИЙИН, гьаму Гирами Заанурин, улихь дурум тувуз шул? – кӀуйи дурари. – Ухьхьан Думу шлихьна-вуш жарарихьна гъушнийиш!