Лука 5:34 - Гирами Китаб

³⁴ Исайи дурариз кӀуру: – Швушв хурайирихъди хъайи сумчрин хяларихьди учвхьан ушвар дисуз гъитуз шулинхъа?

Лука 5:34 ပူးပေါင်းရင်းမြစ်များ

Матта 22:2

Аьршарин Паччагьлугъ сар гьамцир паччагьдиз ухшар ву. Сар паччагьди, гизафдариз сумчрик дупну, чан балин сумчрин мярака дюзмиш гъапӀнийи.

Матта 9:15

Исайи дурариз кӀуру: – Швушв хурайир чпихъди хъимбукьан гагьди, сумчрин хялар гьич пашман даршлуб аьгъданчвузхъа! Хъа дурарихьан швушв хурайир гужназ гъадагъру вахт гъибди, ари гьадмуган дурари ушвар дисиди.

Лука 5:33

Дурари кӀуруш Исайиз гъапи: – Гьаз Ягьʼяйин ва гьацира фарисйирин ученикар кми-кмиди ушвар дисури ва ккарагури шулу, хъа Явдар чпиз ккун гъабши вахтна ипӀури-убхъури гьаз шулу?

Лука 5:35

Хъа швушв хурайир гужназ гъадагъру вахт гъибди, ва гьадму йигъари ушварра дисиди.

Югьан 3:29

Швушв анжагъ швушв хурайириз ву, хъа дугъахъ хъебехъну, дугъу гъапиб апӀурайир швушв хурайирин дуст ву. Швушв хурайирин дих кубкӀиган, шад шулу: узура гьаци шадвали ацӀназу.

Коринф-2 11:2

Узу учвхъан Аллагь хъюгъруси хъюгъраза. Узу учвук, сар Жилириз – Месигьдиз, Дугъан улихь тахсир ктру швушвси дугъужвбан бадали, лишан кипунзачвук.