Лука 24:4 - Гирами Китаб

⁴ Дурари, мидʼин мюгьтал духьну, фикрар апӀури имиди, сабпну дурарин улихьна вацӀрацӀар апӀру палтар али кьюр жви ачмиш шулу.

Лука 24:4 ပူးပေါင်းရင်းမြစ်များ

Эвел 18:2

Ибрагьимди улар за дапӀну лигуру ва дугъан улихь ярхла дарди шубур жви дийигънади шулу. Чан чадризди учӀврушвхьан гъедергу Ибрагьим дурарихьна жаргъури гъягъюру, дурариз жилиинакьан икрам апӀуру ва кӀуру:

Марк 16:5

Накьвдиъ учӀвдариз, арччул терефнаъ лизи палтар алди деънайи жигьил рякъюру ва сабпну гучӀ шулу.

Лука 2:9

Сабпну дурарин улихьна Агъайин малайик гъафнийи. Агъайин гьяйбатнан нурну дурар варишварихъанди аку гъапӀнийи, ва дурарик гучӀ кабхънийи.

Лука 24:5

Дурари гучӀбаан ис алахъдариз кӀуру: – Учву чӀивир гъачӀидарин арайиъ гьаз агурачва?

Ляхнар 1:10

Дурар дикъатниинди завариз лигури имиди, дурарин улихьна лизи ккурттар али кьюр жви ачмиш шулу.

Ляхнар 12:7

Сабпну дустагъдиз Агъайин малайик гъюру ва душвайишв аквну абцӀру. Петрик хил кучну, «Ухди гъудужв!» – пну, малайикди думу хъиргру. Ва дугъан хилариин али зунжрар алдахьуру.

Тимофейиз-1 3:16

Саб гаф адарди ихь хъугъувалин сир зурба ву: Думу бедендиъди гъафну, Рюгьну гьякь гъапӀну, Думу малайикариз гъяркъну, Дугъкан халкьариз ктибтну, Думу дюнʼяйиъ хъугъувалиинди кьабул гъапӀну, Думу адлуди завариз за гъахьну.