Лука 2:4 - Гирами Китаб

⁴ Галилей уьлкейиъ айи Назарет шагьриан Ягьудия уьлкейиъ айи Давуд бабкан гъахьи Вифлеем кӀуру шагьриз Юсуфра гъягъюру, фицики думу Давудгъярин тухмиан вуйи.

Лука 2:4 ပူးပေါင်းရင်းမြစ်များ

Эвел 35:19

Гьамци Рахил гъакӀнийи. Думу Эфратайиз, яни Вифлеемдиз, гъябгъюрайи рякъюхъ кивнийи.

Эвел 48:7

Узу Паддандиан кьяляхъ хъадакну гъюрайи вахтна Ханаандиъ, Эфратайихьан ярхла дарди, рякъюъ йиз Рахил гъакӀнийиз. Узу думу гьадушваъ, Эфратайиз (гьамус душваз Вифлеем кӀура) гъябгъюрайи рякъюхъ, кивунза.

Матта 1:20

Дугъу гьамциб хиял гъапӀиган, нивкӀукди дугъахьна Агъайин малайик дуфну, гьамци гъапну: «Давудгъярин бай Юсуф! Марʼям хпирди гъадагъуз гучӀ мапӀан, фицики Дугъак кайи БицӀир Гирами Рюгьналан ву.

Матта 2:23

Ва душваз дуфну, Назарет кӀуру шагьриъ бин ккебгъну. Гьамци: «Месигьдиз Назарей ччвур тувди», – кӀуру пайгъамбрарин гафарра кӀулиз удучӀвнийи.

Лука 2:3

Гьаддиз вари, чпи дикӀбан бадали, гьарур чан шагьриз гъушнийи.

Лука 2:5

Думу чаз хъирснайи ва гъагъдиъ айи Марʼямдихъди чпи дикӀуз душнайир вуйи.

Лука 4:16

Хъа Иса, Учв тербияламиш гъаши Назаретдиз дуфну, Чан аьдат вуйиси, султ йигъан мистаъ учӀвру ва Гирами китаб урхуз гъудужвуру.

Югьан 1:46

– Назаретдиан? Назаретдиан фукӀа ужуб удубчӀвур кӀурана? – наразиди кӀуру Нафанаили. – Гъач гъягъюхьа, ва уву лигара, – кӀуру дугъаз Филипди.

Югьан 7:42

Гирами китабариъ, Месигь Давудрин насликан ва Давуд бабкан гъахьи Вифлеем шагьриъ Думу бабкан хьиди, кӀура.

Рутдикан китаб 1:19

Хъа, Вифлеемдиз гъяйизкьан, кьюридра рякъюъ гъаши. Дурар Вифлеемдиз гъафиган, вари шагьур гьяракатнаъ абхъу. Дишагьлийири гьамци кӀуйи: «Му Науми дайин?»

Рутдикан китаб 2:4

Магьа, Вифлеемдиан Вуаз гъюру ва иган убгрудариз: – РАББИ учвухъди ишри! – пну салам тувру. Дурари дугъаз: – РАББИЙИ увуз ужʼвал апӀри! – пну жаваб тувру.

Рутдикан китаб 4:11

Урарихь хьайи адмийири ва агъсакълари гъапи: – Учу шагьидар гъахьунча. Гъит РАББИЙИ увуз яв хулаъ учӀвру хпирикан, Израилин хал ккебгъу кьюрид дишагьлийирсир, Рахилна Лиясир, хпир кадаъри! Ефрафайиъ девлет уч апӀин, ва гъит Вифлеемдиъ яв ччвур адлу ибшри!

Рутдикан китаб 4:17

Гъунши дишагьлийири кӀури гъахьну: «Наумийиз бай гъахьну». Дугъаз Обед кӀуру ччвурра тувнийи. Думу Давуддин адаш вуйи Ессейин адаш ву.

Паччагьлугъар-1 16:1

РАББИЙИ Шамуилиз гъапну: – Саулин кьаназ дерд зигури гъуздива? Узу думу ярхла гъапӀунза – думу сарун Израилин паччагь хьидар! Зейтундин ччимдихъди кӀарч абцӀ ва рякъюъ учӀв – Узу уву Вифлеемдиан вуйи Ессейихьна гьаъраза. Дугъан баярикан сар паччагь апӀуз ктагъунза.

Паччагьлугъар-1 16:4

Шамуили, чаз РАББИЙИ амур гъапӀганси, гъапӀу. Думу Вифлеемдиз гъафиган, аьхюдар гъалабулугъ кади дугъан улихьна удучӀву. – Ислягьвалиинди уву учухьна гъафунва? – гьерху дурари.

Паччагьлугъар-1 17:12

Давуд Ягьудайин Вифлеемдиан вуйи эфратлу Ессейин бай вуйи. Ессейихъ миржир бай хъайи. Саули паччагьвал апӀруган, Ессе лапра кьаби духьнайи.

Паччагьлугъар-1 17:58

Саули дугъхьан гьерху: – Уву шлин бай вува, живан? Ва Давудди жаваб туву: – Вифлеемдиан вуйи яв лукӀ Ессейин бай.

Паччагьлугъар-1 20:6

Эгер яв адашдиз узу адрувал аьгъю гъабхьиш, йип: «Давудди, чан тухумди гьарисан апӀру гъурбан апӀбаъ иштирак хьпан бадали, узхьан жикъи вахтназ чахьна, Вифлеемдиз, гъягъюз ихтияр гъадабгъну».