Лука 17:2 - Гирами Китаб

² Думу касдиз, тямягьвал кипну, зяифдарикан саркьан рякъʼан адаайиз, чан гардандиъ рягънин ахал ипну, учв гьюлиз гатӀахьнийиш, ужу шлийи.

Лука 17:2 ပူးပေါင်းရင်းမြစ်များ

Матта 17:27

Амма ухькантина дурар инжик дархьбан бадали, гьюлихъна душну, гъармах ккипну, сифте хъабхъу балугъ гъянзуйихъан хъадабгъ; ва дидин ушв абццган, душваъ лазим кьадар арсран пул бихъидивуз; думу балугъин ушвниан адабгъну, Узхъандина увхъанди вуйи налукнаанди дурарихьна тув.

Матта 18:10

Лигайгьа, бицӀидар вара улʼан миидитанай, фицики дугъриданра дурарин малайикар Аьршарин Йиз Адашдин машнахь шулу. [

Матта 18:14

Гьаци ичв Аьршарин Адашдизра гьаму бицӀидарикан саркьан дургну ккундар.

Матта 26:24

Гьамци, Гирами китабариъ улупнайиганси, Инсаниятдин Бай масу тувди, амма шли Инсаниятдин Бай масу тувраш, дугъаз бала хьибди: думу касдиз, учв бабкан гъахьундайиш, ужу шуйи!

Марк 9:42

Хъа шли саркьан гьамцдар аьдатидарикан ва зяифдарикан хъугъувалихъан хътаиш, дугъаз чан гардандиъ рягънин ахал ипну, гьюлизди гатӀархьнийиш, ужу шуйи.

Югьан 21:15

Дурари гьирин уьл ипӀбалан кьяляхъ, Исайи Симон Петриз кӀуру: – Я Югьаннайин бай Симон, увуз Узу гьамраризтӀан гизаф ккундунуз? – Ав, Агъа, узуз Уву ккуниб Увузра аьгъявуз, – жаваб туву Петри. – Йиз ччилар уьрх, – кӀуру Исайи.

Коринф-1 9:15

Гьаму узуз айи ихтиярар гьич сабкьан узу ишлетмиш гъапӀундарза. Я гьамус, гьациб кюмек ккун апӀури, бикӀурайиб дариз. Йиз тяриф дубгайиз, узу йикӀуз гьязур вуза.

Коринф-1 9:22

Зяифдариз узу, дурарра хузди, зяифурси гъахьунза. Варидиз узу, аьхирки гьадрарикан сакьюдаркьан уьрхбан бадали, варибди гъахьунза.