Лука 15:6 - Гирами Китаб

⁶ Ва хулаз дуфну, дустарна гъуншйир уч дапӀну, дурариз «Узухъди шадвал апӀинай, гъудубгу чарва гъибихъунзуз», – пидарин?

Лука 15:6 ပူးပေါင်းရင်းမြစ်များ

Лука 15:10

Гьамци Аллагьдин малайикарра чан тахсрар гардандиъ гъидису сар гунагькриканра шад хьиди.

Лука 15:24

Фицики му йиз бай дукӀну айи ва чӀиви гъахьну, дудургну айи ва гъидихъну». Гьамци вари шадвал апӀуз хъюгъну.

Петрин-1 2:25

Учву саб фила-вуш, марччарси, улдугнайчва, хъа гьамус учву ичв Марччлихънихьна – гъайгъу Зигрурихьна кьяляхъ хътакунчва.

Ляхнар 11:23

Аллагьди му адмийириз ужʼвал дапӀну дябкъну, дина гъафи Варнав шад шулу, ва Аллагьдиз кӀваантӀан вафалу хьувалиъ дугъу дурар ижми гъапӀнийи.

Филипп 2:17

Аллагь бадали апӀурайи ляхнариъ ичв хъугъувалин гъуллугънаъ хьпаъ йиз ифи удубзурушра, узу шад хьидиза, учвухъди сабси шадвал хъапӀдиза.

Ляхнар 15:3

Гьамци хъугънайидари дурар рякъюъ аънийи. Финикияйианна Самарияйиантина гъягъюрайиган, дурари, фици жугьуд дарудар хъугъувалихъна гъафнуш, ктитури гъахьну, ва мидʼин гъардшар шад шуйи.

Югьан 15:14

Эгер Узу учвуз табшурмиш гъапӀуб учву тамам апӀуруш, учву Узуз дустар вучва.

Югьан 3:29

Швушв анжагъ швушв хурайириз ву, хъа дугъахъ хъебехъну, дугъу гъапиб апӀурайир швушв хурайирин дуст ву. Швушв хурайирин дих кубкӀиган, шад шулу: узура гьаци шадвали ацӀназу.

Лука 15:7

КӀуразачвузки, гьамци аьршариъра чан тахсрар гардандиъ гъидису гунагькрикан, урчӀвцӀурна урчӀвур гунгьар ктарзук кӀурайи марцци касарикантӀан, артухъ шад хьиди.

Петрин-1 2:10

«Саб вахтна, халкь ву дупну – халкь дарудар, хъа гьамус – Аллагьдин халкь. Улихьди – ужʼвал дархьидар, хъа гьамус думу учвуз гъабхьунчвуз».

Фессалоник-1 2:19

Учву дарди, сарун фужар шул ич миж кайидар, ич шадвал алидар, ич адлувалин заанвал хьайидар. Учвʼинди учу ихь Агъа Исайин улихь, Думу кьяляхъ гъафиган, фурслу хьидича?!

Филипп 4:1

Магьа гьаддиз, йиз ккуни ва дярякъди ктирсуз даршлу гъардшар, ккунидар, йиз шадвал ва гъалибвалин таж, Агъайихъди сатӀиди, ижмиди дийигъну гъузай!

Филипп 1:4

Гьар ражари учвхъан ккарагруган, узу шадвалиинди ккарагури шулза,

Лука 1:58

Агъайи рягьим дапӀну думу за апӀбакан гъуншйиризна майил-мадатдиз гъеебхьнийи ва дурар дугъахъди сабси шад гъахьнийи.

Лука 15:5

Хъа дибихъну, думу гъюнариина шадди за апӀидарин?