Лука 14:3 - Гирами Китаб

³ Мициб дюшюшназ лигну, Исайи къанунчйирихьанна фарисйирихьан гьерхру: – Султ йигъан духтирвал апӀуз хай шулин?

Лука 14:3 ပူးပေါင်းရင်းမြစ်များ

Матта 12:10

Душваъ хил деебццнайи сар кас айи. Исайик саб тахсир кипбан бадали, маллйири Дугъхьан гьерхру: – Мусайин Къанундиинди султ йигъан иццурайир сагъ апӀуз хай шулин?

Матта 12:2

Му гъябкъю фарисйири Исайиз гъапи: – Магьа Яв ученикари султ йигъан Къанунди гъадагъа дапӀнайи ляхин апӀура.

Матта 22:35

Дурарикан сар къанунчийи, Исайи фу кӀуруш кӀури, Дугъхьан гьерхру:

Марк 3:4

Хъа Исайи гьатмундариз кӀуру: – Султ йигъан гьапӀну ккунду: ужʼвал ясана писвал? Уьмур уьбхну ккундин, дарш пуч дапӀну? Хъа дурар ккебехъну гъузнийи.

Лука 14:2

Исайин улихь хамракк шид уч шлу аьзар кайи сар кас деънайи.

Лука 14:4

Дурар ккебехъну гъузру. Дугъу му аьзарлу дидисну, сагъ дапӀну, хулаз деетуру.

Лука 6:9

Гьадмуган Исайи дурариз гъапи: – Узу учвхьан гьерхраза: султ йигъан фу апӀуз ихтияр а? Ужʼвал, даршиш писвал? Уьмур уьбхюз, дарш пуч апӀуз? Дурар чӀалкьан даркӀури гъузру.

Югьан 7:23

Мусайин Къанун дючӀрюбгъбан бадали, учву султ йигъанра адмийин суннат апӀураш, Узу султ йигъан адми сагъ гъапӀну кӀури, Узʼин хъял гьаз иливначва?