Лука 13:3 - Гирами Китаб

³ Ваъ, кӀуразачвуз: эгер учву ичв гунгьар гардандиъ дидрисиш, тахсрар апӀури гъашиш, учвура вари гьаци йихидичву.

Лука 13:3 ပူးပေါင်းရင်းမြစ်များ

Матта 12:45

Гьадмуган диди, дубшну, хъана ургубсан жин чахъди хуру, дурар дугъаъ учӀвну яшамиш шулу, ва думу касдиз улихьдитӀан гьамус артухъ пис шулу. Гьациб хьибди гьамусдин хътругъру адмийиризра.

Матта 22:7

Мидкан, пис хъял дуфну, паччагьди, чан кьушмар гьаъну, дурар тӀанкь апӀуру ва дурарин шагьрик цӀа кипру.

Матта 3:2

«Ичв гунгьар гардандиъ дидисну, уьмур дигиш апӀинай, – кӀуйи дугъу, – фицики Аллагьдин Паччагьлугъ багахь шула».

Лука 13:2

Исайи дурариз ктибтуру: – Дурариз мициб инсафсуз жаза тувуз, дурар миди вуйи Галилей уьлкейин агьлартӀан артухъди гунагькрар ву, пну, фикир апӀуранчвахъа?

Лука 13:4

Ясана учву, Силамдин чӀвурд абхъиган, гъийиху йицӀимиржир кас Ерусалимдин миди вуйи агьлартӀан артухъди тахсиркрар ву кӀури, гьисаб апӀуранчва?

Лука 13:5

Ваъ, кӀуразачвуз: эгер учву ичв гунгьар гардандиъ дидрисди, тахсрар апӀури гъашиш, учвура вари гьаци йихидичву.

Лука 24:47

ва, вардари чпин гунгьар гардандиъ дисруси, Аллагьди чпилан хил алдабгъруси, Ерусалимдилан ккебгъну варишвариъ Йиз ччвурнахъан Ужувлан хабар рабгъиди.

Ляхнар 3:19

Гьаци вуйиган, ичв тахсрар гардандиъ дисай ва, ичв гунгьарилан хил алдабгъбан бадали, Агъайихьинди илтӀикай.