Лука 11:9 - Гирами Китаб

⁹ Узу кӀуразачвуз: ча йипай – тувдичвуз; абгай – бихъидичвуз; раккник кучай – абццдичвуз.

Лука 11:9 ပူးပေါင်းရင်းမြစ်များ

Даниял 9:3

Узу Аллагьдиз, йиз Раббийиз, дих гъапӀунза; узу Дугъаз ккарагури ва миннатар апӀури гъахьунза, швумалвалин лишан вуди, ирин палат алабхьну ва рюкъдиъ дусну, ушвар дисури гъахьунза.

Матта 21:22

Хъугъувал ади учву ккарагури фу ккун гъапӀиш, гьадму хьибдичвуз.

Матта 21:31

Му кьюрикан адашдин тӀалаб шли тамам гъапӀну? Дурари кӀуру: «Сарпири». Исайи дурариз кӀуру: – Дугъриди кӀуразачвуз: налук уч апӀрударна чӀуру аднан дишагьлийир учвутӀан ухди Аллагьдин Паччагьлугъдиъ учӀвди.

Матта 6:29

КӀуразачвузки, Сулейман паччагьди чан лап ад айи вахтнара дурарихъ гьарсабдихъ хъайисдар палтар алахьури гъахьундар.

Марк 11:24

Гьаддиз Узу кӀуразачвуз: учву ккарагури фу ккун гъапӀиш, вари учвухьна рубкьрувалихъ хъугъай, рубкьидичвухьна ва думу ичв хьибди.

Марк 13:37

Узу учвуз кӀурайиб варидариз кӀураза: ул иливну мааханай.

Лука 11:10

Гьарсар ча кӀурайириз тувди; абгурайириз бихъиди; кучрайириз абццди.

Югьан 14:13

Йиз ччвур дибисну учву ккун гъапӀуб вари Узу тамам апӀидиза, ва Адашди Чан ад Чан Балʼантина улупиди.

Югьан 15:16

Узу ктагъур учву дарчва, гьаму Узу вуза учву ктагъур, гьаму Узу вуза учву дюнʼяйиз улупнайир, ва бегьер туврудар (учву вучва) – варитӀан ужуб бегьер. Ва гьадмуган Йиз Адашди учвуз, учву ккун гъапӀуб, вари тувди.

Югьан 15:7

Хъа эгер Узу учвуъ ва Йиз гафар учвуъ аш, учвуз фу ккундуш, гьадму тӀалаб апӀинай, учвуз вари тувди!

Югьан 4:10

Исайи жаваб туву: – Эгер увуз, Аллагьди адмийириз фу тувруш, аьгъяйиш ва, «Узуз убхъруб чава» КӀурайир Фуж вуш, аьгъяйиш, уву Узхьан шид ккун апӀидийва ва Узу увуз чӀиви шид тувдийза.

Рим агьларихьна вуйи кагъаз 2:7

Гьаммишан ужувлар апӀури, аднахъ, гьюрматнахъ ва аьжалсузвалихъ хъергнайидариз Дугъу гьаргандин уьмур пешкеш апӀиди.

Коринф-2 6:2

Дугъу гьамци кӀура, аьхир: «Ужуб вахтна Узуз яв дих гъеебхьунзуз, ва уьрхру йигъан Узу увуз кюмек гъапӀунза». Лигай, гьаму вахт ужуб вахт ву, гъийин йигъ уьрхру йигъ ву!

Жугьдариз 11:6

Хъугъувал адарди Аллагьдиз ккуниси апӀуз шлуб дар, гьаз гъапиш Дугъахьна гъюру гьарсар кас, Аллагь айивалихъ ва Учв агруриз Дугъу пешкеш туврувалихъ хъугъну ккунду.

Жугьдариз 4:16

Гьаддиз ухьхьан, саб гучӀ адарди, ухьуз рягьим апӀуз ва лазим вахтназ кюмек бадали ухьуз ужʼвал тувуз, Ужувлан тахтнахьна гъюз шулухьхьан.

Якьубдин 1:5

Эгер учвкан шлиз аькьюл гьубкӀрадарш, дугъу, гьяйиф ктарди багъиш апӀру ва камивалар дарагру Аллагьдикан тӀалаб апӀри ва Аллагьди дугъаз тувди.

Якьубдин 5:15

ГьубкӀну хъугъвал айи ккарагували иццурайир сагъ апӀиди ва Агъайи думу ликриин апӀиди. Хъа эгер дугъу гунагь дапӀнаш, хил алдабгъиди.

Югьандин-1 3:22

Гьаддиз Аллагьди, Чаз ккарагну Чакан фу тӀалаб гъапӀиш, гьадму тамам апӀурухьуз, фицики Дугъан табшуругъарихъди гъярахьа, ва Дугъаз ккуни ляхнар апӀурахьа.

Ачмиш 2:24

Хъа Фиатирайиъ имбудариз, гьадму каламарихъди дяргърудариз ва иблисдин фендигарвалар аьгъю дарапӀдариз Узу кӀураза: „Узу учвʼин артухъ гъагъ илипдарза“,