Лука 11:2 - Гирами Китаб

² Дугъу дурариз гъапи: – Ккарагруган, йипай: Я ич Адаш! Яв ччвур гирами ибшри; Яв Паччагьлугъ улубкьри;

Лука 11:2 ပူးပေါင်းရင်းမြစ်များ

Паччагьлугъар-3 8:43

заварилан, Уву айи йишвʼлан, ебхь ва гъураба касди Увкан ккун апӀруб вари тамам апӀин. Гьамци жилиин вари халкьариз Яв ччвур аьгъю ва, Яв халкьдизси, Израилизси, Увхьан гучӀ ва узу тикмиш гъапӀу гьаму Хал Яв ччвурнахъ вуйиб аьгъю хьибди.

Паччагьлугъар-4 19:19

Гьамус, ич Заанур вуйи РАББИ, миннат апӀурза, жилин вари паччагьлугъариз анжагъ Уву, РАББИ, сар Заанур вуйивал аьгъю хьпан бадали, учу дугъан хилккан къутармиш апӀин.

Даниял 2:28

Амма завариин Аллагь ал, сирар ачмиш АпӀрур, – ари Гьадму ву Навухаднасар паччагьдиз, замана аьхирихъна гъюруган фу шулуш, гъапир. Уву яв ахникк даахнайиган, увуз гъябкъюб магьа.

Даниял 2:44

Думу паччагьлугъарин вахтари Заварин Аллагьди даима паччагьлугъ тикмиш апӀиди, сарун ккададабхъруб, имбу халкьарихьан рабгъуз даршлуб. Диди вари гьаму паччагьлугъар ккидирчиди ва дагъитмиш апӀиди, хъа учв гьаммишандиз гъубзди.

Даниял 7:18

Амма хъасин паччагьлугъ ВаритӀанзаанурин марццидарихьна тувди, ва дурари аьсрариинди ва гьаммишандиз паччагьвал апӀиди.

Даниял 7:27

Хъа ВаритӀанзаанурин марццидарин халкьдиз паччагьвална, гьюкумна заварин кӀанакк вари паччагьлугъарин кьудрат тувди. Дугъан паччагьлугъ даима паччагьлугъ ву, гьар фуну гьюкум дугъаз мютӀюгъ ва табигъ хьибди.

Матта 10:32

Гьаддиз Узу адмийирин улихь кьабул гъапӀу гьарсар кас Узура Йиз Адашдин улихь кьабул апӀидиза.

Матта 3:2

«Ичв гунгьар гардандиъ дидисну, уьмур дигиш апӀинай, – кӀуйи дугъу, – фицики Аллагьдин Паччагьлугъ багахь шула».

Матта 5:16

Гъит гьаци ичв аквну инсанарин арайиъ акв туври, ичв ужудар ляхнар дурариз рякъруганси ва дурари Аьршарин ичв Адаш адлу апӀбан бадали.

Лука 11:1

Сабан Иса саб йишваъ ккарагурайи. Ккарагбахъан, Дугъан ученикарикан сари Дугъаз гъапну: – Агъа! Ягьʼяйи чан ученикариз ккарагуз фици улупнуш, учузра ккарагуз улупа.

Рим агьларихьна вуйи кагъаз 1:7

Узу му, учвуз, вари Римдиъ яшамиш шулайидар, Аллагьдиз ккунидар ва Аллагьдин гирами халкь хьуз дих дапӀнайидар, бикӀуразачвуз. Ужʼвал ва мясляаьт ибшричвуз Аллагьдихьан, ихь Адашдихьан ва Агъа Иса Месигьдихьан.

Рим агьларихьна вуйи кагъаз 8:15

Ухьу кьабул дапӀнайи Рюгьну ухьу лукӀариз илтӀикӀурадар ва ухьуз цӀийи гучӀ ккапӀрадар, му Рюгьну ухьу Аллагьдин веледариз илтӀикӀура. Ва Дугъу «Авва», яна «Адаш» кӀури, гьарай апӀуз гъитра.

Коринф-1 1:3

Аллагьдихьан, Аьршарин ихь Адашдихьан ва Агъа Иса Месигьдихьан ужʼвал ва мясляаьт ибшричвуз!

Коринф-2 1:2

Аллагьдихьан, ихь Адашдихьан ва Агъа Иса Месигьдихьан мясляаьт ва ужʼвал ибшричвуз!

Галат 1:4

Дугъу, Адаш Аллагьдин ният тамам гъапӀну, писвали агъавал апӀурайи гьаму дюнʼяйин гьюкмиккан ухьу азад апӀбан бадали ихь гунгьарихъанди Чан жан тувну.

Эфес 1:2

ужʼвал ва мясляаьт учвуз, ихь Адаш Аллагьдихьан ва Агъа Иса Месигьдихьан!

Филипп 1:2

Ужʼвал ва мясляаьт учвуз, ихь Адаш Аллагьдихьан ва Агъа Иса Месигьдихьан!

Филипп 4:20

Аьсрариан аьсрариз ихь Адашдин, Аллагьдин ад ибшри. Амин.

Колосс 1:2

Колосс шагьриъ айи Месигьдихъди гьякь гъардшар вуйи Аллагьдин гирами халкьдиз – саламар. Адаш Аллагьдихьан учвуз ужʼвал ва мясляаьт ибшри!

Фессалоник-1 1:1

Павелихьан, Силвандихьан ва Тимофейихьан – Фессалоникдиъ айи Адаш Аллагьдин ва Агъа Иса Месигьдин хъугърудариз. Ужʼвал учвуз ва мясляаьт!

Фессалоник-1 1:3

Учу ихь Адаш Аллагьдин улихь ичв ляхнариинди вуйи хъугъвал, юкӀв абцӀну зигру масанвалин жафа, ихь Агъа Иса Месигьдихъ хъугъувалиин ичв мюгькамди дийигънайивал гьаммишан кӀваинди гъибтрача.

Фессалоник-2 2:16

ва гъит ухьу ккун гъапӀу, ва Чан ужувлиинди ухьуз зат ккудудубкӀру ккарцувал ва ужувлан умуд багъиш гъапӀу Чав, Агъа Иса Месигьди, ва Аллагьди, ихь Адашди,

Ачмиш 11:15

Ургурпи малайикди зурна хъапӀу, ва завариъ гьамци кӀурайи зурба дихар арайиз гъафи: «Гьаму дюнʼяйин паччагьлугъ ич Агъайин ва Дугъан Месигьдин Паччагьлугъ гъабхьну. Дугъу гьаргандиз, аьсрариан аьсрариз паччагьвал апӀиди!»

Ачмиш 15:4

Шлиз, Агъа, Увхьан гучӀ хьибдар, ва шли Яв ччвур адлу апӀидар?! Гьаз гъапиш Уву сар вува, Гирамир! Ва Яв улихь дахьди икрамназ! Гьаз гъапиш Яв гьякьвал ачухъ гъабхьну!»

Ачмиш 19:6

Узуз адмийирин зурба гъварчнан гъугъ, ясана урсрайи штарин гъугъ, ясана кьудратлуди завар рахурайи гъугърумарин гъугъсиб дих гъеебхьунзуз: «Аллилуя! Агъа, ихь Аллагь, вари хилиъ Дибиснайир, паччагьди дийигъну!

Ачмиш 20:4

Хъа узуз, суд апӀуз гьюкум тувнайидар деънайи тахтар ва, Исайикан шагьидвал дапӀну ва Аллагьдин Гафналантина ккахъну, кӀулар алдатӀу рюгьяр гъяркъзуз. Мурар вягьши гьяйванатдиз, я дидин суратназ икрам дарапӀдар ва унтӀʼин, ясана хилʼин дидин лишан капӀуз гъидритдар ву. Дурар чӀиви гъахьнийи, ва дурари Месигьдихъди агъзур йисан паччагьвал апӀиди.