Лука 10:2 - Гирами Китаб

² Дурариз гьамци кӀуру: – Иган гизаф а, хъа убгрудар цӀиб; гьаддиз игнин Агъайиз, Чан игниз убгрудар гьаъ кӀури, ккарагай.

Лука 10:2 ပူးပေါင်းရင်းမြစ်များ

Паччагьлугъар-3 18:22

Думуган Илʼяс пайгъамбри дурариз гъапнийи: – РАББИЙИН пайгъамбрарикан гъузнайир сар узу вуза, хъа Баалин пайгъамбрар юкьудваржна хьуцӀур кас ву.

Матта 20:1

Аьршарин Паччагьлугъ – гвачӀин ухди чан тӀумтӀин багъдиъ лихуз нежбрар агуз удучӀву эйсийиз ухшар ву.

Марк 13:34

Думу вахт, чан хал ва гьардиз рубкьру ляхин лукӀариин гъибтну, хъа гъаравлиз «ул иливну маахан» дупну, гъушу хулан эйсийихь тевуз шулу.

Марк 16:15

Дугъу дурариз кӀуру: – Вари дюнʼя вуйиси гъарахай ва Ужувлан хабар вари инсаниятдиз дебккай.

Марк 16:20

Хъа дурар гъягъюру ва варишвариъ Ужувлан хабар рабгъуру. Дурарин му ляхниз Агъайи кюмек апӀуру, ва дурари улупру аьгъювалар аьжайиб лишнариинди мюгькам шуйи.

Лука 9:1

Чан йицӀикьюр ученикдиз дих дапӀну, Исайи дурариз, вари жинарин зиин гьюкум ва уьзрар сагъ апӀбан бадали, кьувват тувру.

Ляхнар 11:19

Хъа Стефандин вахтари, зулмар дапӀну, утӀуркку хъугънайидар, жугьдаризтӀан дарди Ужувлан хабар рабгъури, Финикия, Кипр ва Антиохияйихънакьан хъуркьнийи.

Ляхнар 13:2

Дурари Агъайиз гъуллугъ апӀури, ушвар дидиснайи вахтна, Гирами Рюгьну кӀуру: – Узуз Варнавна Саул жара апӀинай, гьаз гъапиш дурари Узу чпиз пуз ккайиб тамам апӀиди.

Ляхнар 13:4

Гирами Рюгьну гьаъну, дурар Селевкияйиз гъюру, хъа душвʼан Киприина сирнав апӀуру.

Ляхнар 20:28

Ичв ва вари хъугънайидарин гъанаъ йихьай. Исайи Чан ифдиинди гъазанмиш дапӀну, Аллагьдихъ хъугънайидарин ва учвʼина Гирами Рюгьну аманат гъапӀдарин гъайгъу зигай.

Ляхнар 22:21

Гьадмуган Агъайи узуз гъапи: «Гъарах, Узу уву ярхлариз, жугьуд дарударихьна гьаъразаву».

Ляхнар 8:4

Чпин йишвариан утӀурккну, гьар йишвариъ гъадаргъу хъугънайидари Ужувлан хабар рабгъуйи.

Коринф-1 12:28

Хъугърударин арайиъ Аллагьди саспидар Месигьдин вакиларди, саспидар пайгъамбрарди, саспидар мялимарди дерккну. Дугъу гьацӀариз аьламатар улупуз шлу кьувват, гьацӀариз – сагъ апӀру, гьацӀариз – касибариз кюмекар апӀру, гьацӀариз – гьякимвал апӀру, гьацӀариз жара чӀалариинди улхру багъишар тувну.

Коринф-1 15:10

Амма, Аллагьдин ужувлиинди, узу йиз вуйир вуза, ва Дугъан узухьна вуйи ужʼвал давди гъюдубчӀвундар: узу варидитӀан гизаф ляхин гъапӀунза, яни, гъилихур узу ваъ, хъа узухъди хъайи Аллагьдин ужʼвал ву.

Коринф-2 6:1

Аллагьдин гъуллугъчйири, учу, учвкан ккун апӀурача: учвуз багъиш дапӀнайи Аллагьдин ужʼвал, гьавайиб дарибшри.

Филипп 2:21

Вари имбудар чпин хайирнахъ хъа, Иса Месигь бадали вуйир гьич фужкӀара дар.

Филипп 2:25

Узу гьацира, эгер ихь гъардаш Эпофрадитра учвухьна кьяляхъ гьаиш ужу шул, кӀури, гьисаб апӀураза. Думу, йиз гъайгъу зигбан бадали, учву узухьна гьау йиз гъуллугъчи ва узуси саб гъагънакк ккайи йиз юлдаш вуйиз.

Филипп 2:30

Фицики Месигьдин ляхнар бадали дугъан лик аьжалин даргниин алди гъабхьну, дугъу чан уьмур гьяйиф гьапӀундайи. Гьаци дугъу учвхьан узуз апӀуз дархьи кюмекар гъапӀунзуз.

Колосс 1:29

Гьациб метлеб бадали узу, узуъ бегьемди артмиш шулайи Месигьди тувнайи кьувватниинди дяви гъабхури, жафа зигураза.

Колосс 4:12

Ичвдарикан саламар Месигь Исайин гъуллугънаъ айи Эпафрасди хътаура. Думу гьарган учвхъанди, учву тамамвалинна дугъривалин мюгькамвалиинди Аллагьдин ниятнахъ хъпехъури гъузри кӀури, ижмиди ккарагура.

Фессалоник-1 2:9

Ичв кӀваин илмийичвки, гъардшар, учʼин алахьу гъагъишнар ва ич аман-иман адатӀру жафйир. Учу Аллагьдихьан Ужувлан хабарнакан учвуз ктибтруган, учвʼкан гьич сариинра гъагъ илилипбан бадали, йишв-йигъ лихури гъахьунча.

Фессалоник-1 5:12

Учвкан ккун апӀурача, гъардшар, учву Агъайихъ хъаърайидариз ва, гьарсаб улупури, кӀваантӀан жафа зигурайидариз артухъ гьюрмат апӀури йихьай.

Фессалоник-2 3:1

Ва аьхириъ, учу бадали ккарагай! Гъит, Агъайин Гаф зарбди улихь гъарабхри ва аьхю гьюрматниинди, Думу учву кьабул гъапӀиганси, имбударира кьабул апӀруси ибшри.

Тимофейиз-1 4:10

Гьаддин бадали ухьу лихурира ахьа, гьаддихьна гьачӀарккурира ахьа, гьаз гъапиш умуд чӀиви Аллагьдик кайихь, хъа Думу вари адмийир Уьрхрур ву, иллагьки – Чаин хъугъвал алидар.

Тимофейиз-2 4:5

Хъа уву варибдикан марцци саягъниинди фикир апӀин, гъагъивалар аьгь апӀуз дубгъ, яв ляхин апӀин – Ужувлан хабарнакан кидибт, яв гъуллугъ гьубкӀну тамам апӀури гъуз.

Филимондиз 1:1

Иса Месигьдихъ хъугъру кӀури дустагъ дапӀнайи Павелихьанна гъардаш Тимофейихьан – ухьухъди гъуллугънаъ айи, ккуни вуйи Филимондиз

Жугьдариз 3:6

Хъа Месигьди, дугъри Балиси, Аллагьдин вари Хулʼин аьхювал гъабхура. Ари гьадму Дугъан Хал, эгер ухьу аьхиризкьан ухьу тяриф апӀурайибдиз кӀубанди ва гьаддик миж кади гъузиш, ухьу вухьа.

Ачмиш 2:1

Эфесдин хъугънайидарин малайикдиз бикӀ: «Магьа арччул хилиъ ургуб хяд Дидиснайири ва гъизилин ургуб акв апӀру алатаригъ Лицурайири фу кӀураш: