Лука 1:2 - Гирами Китаб

² Учузра дурар сифте кӀулиан чпин улариинди гъяркъдари ва Аллагьдин Гафнан гъуллугъниин алидари гизафдар ктитну.

Лука 1:2 ပူးပေါင်းရင်းမြစ်များ

Марк 1:1

Аллагьдин Балкан, Иса Месигьдикан вуйи Ужувлан хабар гьамци ккебгъра.

Марк 16:20

Хъа дурар гъягъюру ва варишвариъ Ужувлан хабар рабгъуру. Дурарин му ляхниз Агъайи кюмек апӀуру, ва дурари улупру аьгъювалар аьжайиб лишнариинди мюгькам шуйи.

Марк 4:14

Убзрури Аллагьдин гаф убзуру.

Лука 24:48

Магьа гьаци хьузра гъабшибдин учву шагьидар вучва.

Югьан 15:27

Ва учвура Йиз шагьидар вучва, фицики садпи йигъланмина Узухъди хъачва.

Югьан 16:4

Хъа Узу учвуз гьамрар, вахт улубкьиган, Узу дурарикан ктитуб ичв кӀваина гъюбан бадали, гъапунзачвуз. Сифте ражари дидкан учвуз гъапундайза, гьаз гъапиш учвухъди хъайза.

Ляхнар 1:3

Учв дукӀну чӀиви гъахьихъантинара, Иса швнубсабан дурарин улихьна гъюри гъахьну ва Дугъу, Учв чӀиви хьувал усбат апӀури, хайлин шагьидвалар улупну. Учв чӀиви гъахьихъантина ягъчӀвур йигъандин арайиъ Чан вакилариз ачмиш шули, Дугъу дурариз Аллагьдин Паччагьлугъдикан ктибтури гъахьну.

Ляхнар 1:8

Гирами Рюгь учвʼина гъафиган, кьувватну ацӀдичву ва Йиз шагьидар, сифте Ерусалимдиъ хъа вари Ягьудияна Самария уьлкйириъ, ва гьацира тап дюнʼяйин тмуну кӀулизкьан, хьидичва.

Ляхнар 14:25

ва Пергдиъ аьгъювалар улупуру. Хъасин дурар Атталияйиз ктучӀвуру.

Ляхнар 16:6

Павел ва дугъахъди хъайидар Фригияна Галатия уьлкйириантина гъягъюру, амма Гирами Рюгьну дурарихьди Асия уьлкейиъ аьгъювалар улупуз гъитундар.

Ляхнар 17:11

Мушван адмийир ФессалоникайиндартӀан фикирлудар вуйи: дурари Агъайин Гаф лап аьшкьниинди кьабул гъапӀнийи. Павелина Силайи кӀурайиб гьякь вуш аьгъю апӀбан бадали, гьар йигъан БикӀбар ахтармиш апӀури гъахьнийи.

Ляхнар 26:16

Ликриина гъудужв. Гьеле увуз гъябкъюб гъубзри, хъа Узу увуз улупуз ккимбубдинра шагьид шлу, Йиз гъуллугъчиди дерккуз увухьна ачухъ духьназа.

Ляхнар 4:20

Учхьан учуз гъябкъюбдиканна гъеебхьубдикан дарпиди гъитуз шулдарчухьан.

Ляхнар 8:4

Чпин йишвариан утӀурккну, гьар йишвариъ гъадаргъу хъугънайидари Ужувлан хабар рабгъуйи.

Рим агьларихьна вуйи кагъаз 15:16

Йиз вакилвалин бурж вуди, Аллагьди жара миллетариз, Иса Месигьдин гаф ва Ужувлан хабар рабгъру багъиш тувназуз. Гьамци дурар Дугъаз, Гирами Рюгьниинди марцц духьну, Аллагьдиз ккуниси гъурбан хьиди.

Коринф-1 4:1

Гьаци вуйиган, Аллагьдин сир учʼина ихтибарлу дапӀнайи Месигьдин гъуллугъчйирси учу гьисаб апӀинай.

Жугьдариз 2:3

Хъа гьамус, зурба уьрхювал кьабул дарапӀиш, гьадабтӀру жазайиккан ухьхьан сарун фици гьергуз хьибди? Чав Агъайи сифте му уьрхювал ухьуз дебккну, му Гьадгъукан гъеебхьдари тасдикь гъапӀунчуз.

Петрин-1 5:1

Гьаци вуйиган, гьамус узу ичв аьхюдарихьна илтӀикӀураза. Даршуз узура йиз марччарин – хъугърударин аьхюр вуза. Мидлан гъайри, Месигьдикан кчӀикьу аьзабарин шагьид вуза ва, магьа, гьамус – хъа дюнʼяйиз гъиямат йигъ хьади гъюрайи Дугъан ад рубкьрударикан сар духьназа.

Петрин-2 1:16

Учу учвуз, ихь Агъа Иса Месигь кьудрат хъади кьяляхъ гъиди, гъапиган, учу шлин-вуш аьмалдар махъвар текрар гъапӀундайча. Ваъ, Дугъан зурбавал учуз ич улариинди гъябкъюнчуз!