Колосс 4:8 - Гирами Китаб

⁸ Узу думу учвухьна, ич ляхнарин хабрар кидитну, ичв юкӀвар шад апӀуз, гьаъраза.

Колосс 4:8 ပူးပေါင်းရင်းမြစ်များ

Коринф-1 4:17

Гьаддиз багьа ва гъапиб кӀулиз адабгъру, Агъайихъ ихь сатӀлан вуйи хъугъувалиъ айи йиз бай Тимофей гьаъразачвухьна. Узу хъугърударин арайиъ варишвариъ улупурайиси, узу йиз уьмриъ фици Месигь Исайин рякъди гъягъюри шулуш, дугъу кӀваин апӀидичвуз.

Коринф-2 1:4

Ихь гьарсаб читинвалиъ Дугъу ухьу ккарцура. Дердериъ ахьнайи жара адмийир ухьура гьаци ккарцбан бадали, Аллагьди ккарцурахьу.

Коринф-2 12:18

Узу учвухьна сар гъардашра хъади Тит гьаунза. Белки, Титди учвхьан фукӀа гъибисну шул? Учу ич гъуллугъ учвухь сар рюгьнаъди ва саб метлеб ади гъапӀундайинхъа?

Коринф-2 2:7

Хъа гьамус, хил алдабгъну, думу ккарцай, дердну ккагъуз мигъитанай.

Эфес 6:22

Думу гьаддиз учвухьна, ич ляхнарикан ктибтуз ва ичв юкӀварик аьшкь капӀуз гьаърайир вуйиз.

Филипп 2:28

Гьаци вуйиган, Эпофрадит хъа аьхю иштагьниинди учвухьна гьаъдиза. Думу учвухьна гъюб ичв аьхю шадвал хьибди, ва йиз дердра гьаму сабдиинди кам хьибди.

Колосс 2:2

Йиз метлеб ичв юкӀвариъ масанвалин сатӀивал ва кӀубанвал тӀапӀуб вуйиз. Масанвалин сатӀивал ва кӀубанвал аш, учвуз Аллагьдин сир, яна Месигьдикан вуйи аьгъюваларин гьубкӀу девлет хьибдичвуз.

Фессалоник-1 2:11

Учвуз аьгъюганси, адаш чан балихъди фици шулуш, учура учвухъди гьаруридихъди гьаци гъахьунча:

Фессалоник-1 3:2

Хъа ихь гъардаш Месигьдикан Ужувлан хабар рабгъру Аллагьдин гъуллугъчи Тимофей учвухьна гьаъдича. Дугъу учвуз читин хьибган, кюмек апӀиди, ккарцциди ва ичв хъугъувал мюгькам апӀиди. Учвузра аьгъячвуз гьацдар аьзабар ухьʼин алахьруб.

Фессалоник-1 3:5

Ва гьаддиз узхьан сарун, ккилигури, аьгь апӀуз шули амдруган, ичв хъугъуваликан аьгъю апӀуз Тимофей гьаунза. Алдатмиш духьну, учву рякълан улдугнийкӀан кӀури, ва ич жафйир дав гъахьнукӀан кӀури, гучӀури гъабхьунзуз.

Фессалоник-1 4:18

Гьаци вуйиган, гьамцдар гафариинди чиб-чпик юкӀв капӀри гъузай.

Фессалоник-1 5:11

Гьаци вуйиган, чиб-чпик юкӀв капӀри йихьай ва чиб-чпиз хил туври апӀинай – му учву апӀурачва.

Фессалоник-1 5:14

Гъардшар, учвкан ккун апӀурача: ляхин апӀуз даккнидарин кӀулиъ аькьюл апӀай, кагьлидариъ кӀубанвал тӀапӀай, зяифдариз гъюн ккивай, варидарихъди сабурлу йихьай.

Фессалоник-2 2:17

ичв юкӀвариъ ккарцувал тӀапӀри ва гьарсаб ужувлан ляхниз ва гафназ мюгькам апӀри.