Колосс 4:5 - Гирами Китаб

⁵ Жарадарихъди фагьумлуди гъузай, гьубкьу жюрейин мумкинвал ишлетмиш апӀинай.

Колосс 4:5 ပူးပေါင်းရင်းမြစ်များ

Якьубдин 3:13

Ичв арайиъ фужкӀа дугъридан фагьумлу ва варибдин гъавриъ айи кас адарин? Эгер дицир аш, дугъу чан фагьумлувал гьякь уьмриинди улупну ккунду, фагьумлуйириси кӀул ис дапӀну ккунду.

Рим агьларихьна вуйи кагъаз 16:19

Ичв мютӀюгъваликан варидариз деебхьна. Узу учвʼин гизаф шад вуза. Учвуз ужуб аьгъяди ва гьарсаб чӀурувалихьан учву ярхлади ккундузуз.

Якьубдин 3:17

Заълан гъюрайи фагьумлувал, сифте нубатнаъ, марцциб ву, гьацира мясляаьт хурайиб ву, аькьюллуб ву, аьлакьайихъна хруб ву, рягьимлувалихьди ва ужувлан ляхнарихьди абцӀна, диди адмийир ккунидаризна даккнидариз жара апӀдар ва машназ лигдар.

Матта 10:16

Магьа Узу учву жанаврарихьна гьаърайи марччарси гьаъраза: битӀарси фагьумлудар ва луфарси аьмал кадрудар йихьай.

Тимофейиз-1 3:7

Хътругърудар дицир касдикан, кьяляхъ тягьнийир дархьуз ва иблисди ккиву чулиъ адрахъуз, ужуйи улхури ккунду.

Колосс 3:16

Гъит, учвуъ Месигьдин гаф булди яшамиш ибшри. Хъа гьадмуган учвхьан вари фагьум хъади чиб-чпиз аьгъювалар улупуз ва насигьятар тувуз хьибдичвухьан ва, рюгь баркаллагьну абцӀну, Аллагьдиз юкӀв абцӀнайивалин Аллагьдиз мяълийир, тярифнан ва рюгьнан мяълийир апӀуз хьибдичвухьан.

Марк 4:11

– Учвуз Аллагьдин Паччагьлугъдин сир аьгъю хьуб тувначвуз, – кӀуру дурариз Исайи, – хъа аьгъдрудариз тахалусариинди кӀура.

Якьубдин 1:5

Эгер учвкан шлиз аькьюл гьубкӀрадарш, дугъу, гьяйиф ктарди багъиш апӀру ва камивалар дарагру Аллагьдикан тӀалаб апӀри ва Аллагьди дугъаз тувди.

Петрин-1 3:1

Учвура, хпар, ичв жилариз гьаци мютӀюгъ йихьай. Дурарикан шли Аллагьдин Гаф кьабул апӀурадарш, чпин хпарилантина,

Даниял 2:8

Паччагьди гъапи: – Узуз рябкъюрайиси, учву вахт вахтнахъ хъибтӀрайидар вучва. Узу, йиз кьаст фу вуш, гъапунзачвуз, ва, узуз учву йиз нивкӀ ктидибтиш, учвʼин улубкьрубдикан аьгъячвуз. Магьа гьаддиз, белки фукӀа-мукӀа дигиш шул кӀури, кучӀлар апӀури, кӀулар ккадагъуз ккунди ачвуз. Хъа магьа кидибтайчва узуз йиз нивкӀ, ва думуган хъугъарза, учву дидин гъаврикк ккаур, кӀури.