Колосс 3:8 - Гирами Китаб

⁸ Хъа гьамус думу вари: хъял, гъизгъинвал, даккнивал, люкьнар, лайикьсуз гафар – гатӀахьай!

Колосс 3:8 ပူးပေါင်းရင်းမြစ်များ

Насигьятар 17:14

Гьюжатарин эвел гьутӀубччвуз ккайи дагриан гъябгъюрайи шидси ккебгъру, гъавриъ ахъ, гъярхьувалар ккергъайиз.

Насигьятар 19:19

Гъит гьадабтӀри жаза хъял кубчӀвруриз, дугъаз хил хъибтиш, хьибди айибтӀан пис.

Насигьятар 29:22

Хъял кайири арайиз хура гъярхьувалар, дишла хъял кубчӀврури артухъ апӀура чӀуру ляхнар.

Матта 5:22

Хъа Узу учвуз кӀуразаки, шли чан багахьлу хъюлакк гъидисиш, думу чан суд апӀбакк ккуркьди, ва шли чан гъардшиз «усал кас» гъапиш, думу Заан диванханайиъ чан суд апӀбакк ккуркьди, хъа шли жарариз «ахмакь» гъапиш, думу жегьеннемдин цӀигъ гъитбакк ккуркьди.

Рим агьларихьна вуйи кагъаз 13:13

Гъачай, йигъандин аквназ барабар вуйиси, намуслуди яшамиш шулхьа. Пиянискаваларикк ва сатӀи кьяппаваларикк кӀул ккивдархьа. Аьйиб апӀруб ва гьяясузуб апӀидархьа, гьюжатар апӀидархьа ва сар-сариин бахил хьидархьа.

Коринф-1 3:3

Учву сабан му дюнʼяйин адмийирди имичва. Ичв арайиъ бахилвална гъярхьувалар имбукьан гагьди, учву му дюнʼяйин адмийирди гъуздичва ва ичв хасиятра аьдати адмийиринсиб вуйичв.

Коринф-2 12:20

Узу учвухьна гъафиш, учву узуз ккуниси дярякъюр кӀури, гучӀ кайиз ва гьадмуган учвухъди вуйи йиз ляхнар учвуз ккуниси ваъ, хъа жараси хьиди. Ичв арайиъ узуз гьюжатар, бахилвал, хъял, гъярхьувалар, кӀучӀлар, футнийир, къуру дамагъар, къайдасузвал рябкъюр, кӀури, гучӀ кайиз.

Галат 5:15

Хъа эгер учву, чиб-чпи кчӀвукьури ва чиб-чпин йикк ипӀури гъашиш, лигайгьа, учву чиб-чпи тӀанкь апӀуз мумкин ву!

Галат 5:20

идолариз икрам апӀувал, фал китувал, душманвал, гьюжатар, жарадариин хъугъвал алдрувал, хъял, учвтӀан даккнивал, гъярхьувалар, къаршувалар,

Галат 5:26

Гьаддиз, фурс кубчӀвуз гъузидархьа, чиб-чпик хъял капӀидархьа, чиб-чпʼин бахил шули хьидархьа!

Эфес 4:22

Ичв йирси табиаьтдиз хас вуйи, улар йитӀру кучӀлин тямягьяри пуч апӀурайи мугагьназдин уьмур гъибтуз учвуз улупнийи.

Эфес 4:25

Гъит гьарсари кучӀал дипри ва жвуван багахь хьайидариз дюзвал йипри, гьаз гъапиш ухьу вари саб бедендин паяр вухьа.

Эфес 4:26

Хъял кубчӀвнади гунагь мапӀанай. Гъит ичв хъял ригъ алабхъайиз ккядябхъри,

Эфес 4:29

Гьич сабкьан ахмакь гаф мапӀанай, ужуб рякъюхъ хъаъру ва хъпехърудариз хайирлу гафар йипай.

Эфес 5:4

Ичв ушвниъ гьич фицикӀа лайикь даруб, ичӀи улхуб вая кацӀу зарафтар духьну ккундар, Аллагьдиз чухсагъул кӀури гъабшиш, ужу шул!

Колосс 3:5

Гьаддиз, учву гьаму дюнʼяйихьан дибиснайи учвуъ айиб вари: кьяппавал, чиркинвал, ктирсуз даршлу тямягьяр, асккан тямягьяр, кьискьисвал – гатӀахьай. Мицдар тӀулар идолариз икрам апӀувал ву.

Колосс 3:9

Чиб-чпиз кучӀлар мапӀанай, фицики учвʼлан ичв йирсивал илдипунчва.

Тимофейиз-1 1:13

Мугагьназ Агъайиз люкьнар апӀуйза, хъугърударихъ хъергуйза, вягьшисир вуйза. Аллагьди узлан хил алдабгъну, гьаз гъапиш, узу йиз аьгъдрувалиан ва хътругърувалиан гьаци апӀури гъахьунза.

Тимофейиз-1 1:20

Гьацдарин арайиъ Гименейна Эскендер а; узу дурар, Аллагь беябур дарапӀди яшайиш дубгъуз, иблисин хилиъ ивунза.

Жугьдариз 12:1

Лигай, ухьлан, дифаркьан, шагьидар илтӀикӀна! Гьаддиз гъачай, ухьлан ухьуз гьергуз машат апӀурайиб ва гьацира ухьу алдакуз гъитрайи гунагь вари илдипурхьа ва сабурлуди ухьуз кадабтӀнайи манзил ккадапӀурхьа.

Якьубдин 2:7

Гьадрар даринхъа, учву Чазди кадагънайи Месигьдин ччвур беябур апӀурайидар?!

Петрин-1 2:1

Гьаци вуйиган, гьарсаб чӀуруб, гьарсаб кучӀал, кью-кьюб маш гъивнайивал, маш ккадарди хьувал, гьар жюрейин футнийир гатӀахьай.

Петрин-2 2:18

Дурари чпин кьил ктру гафариинди, ичӀи улхбариинди, гьуркӀну удудукьру жандиз ккуни тямягьярин кюмекниинди, кучӀлариъди яшамиш шулайидарихьан ярхла хьуз хъюгънайидар, чпихьна хъчӀюхюру ва чпин бацаригъ чӀюркьюру.

Петрин-2 2:7

Хъа Дугъу дугъривалиинди яшамиш шулайи, ягьсуз уьмур хъапӀрайи законсузариккан аьсси духьнайи Лут, гъюрхну.

Ягьудайин 1:13

Гьюлин вягьши лепйирси, дурар, чпин ягьсуз ляхнар, чиркин кафси, зиина алдаърудар ву. Дурар аьсрариан-аьсрариз пис мучӀушназ гьязур дапӀнайи, улдугну завариъ уьргънайи хядар ву.

Ягьудайин 1:8

Чпин нивкӀариин элеъну, чпин жанар чиркин апӀурайидарра гьацдар адмийириз ухшар ву. Дурари Агъайин гьюкум тина апӀура ва аьршарин кьудратариз люкьнар апӀура.

Ачмиш 16:9

Яман убцрушнаан адмийир ургуйи ва гьацдар бедбахтвалар гьау Аллагьдин ччвурназ агьрар апӀуйи. Аммаки дурар, чпин тӀулар гъитну, швумал гъахьундайи ва Дугъан ад гъапӀундайи.