Колосс 2:9 - Гирами Китаб

⁹ Гьаз гъапиш вари Аллагьдин тамамвал Гьадгъаъ рябкъюри а.

Колосс 2:9 ပူးပေါင်းရင်းမြစ်များ

Матта 1:23

«Магьа, шурак БицӀир киршди, Бай апӀиди ва Дугъʼин Эммануил, яна „Ухьухъди Аллагь хъа“, кӀуру ччвур иливиди».

Лука 14:22

ЛукӀрура, душну гьаци дапӀну, кӀуру: «Агъа, яв буйругъ тамам гъапӀунза, вушра саб хъана йишв ими».

Лука 3:22

ва Аллагьдин Рюгь луф жюрейиинди Исайиина ис шулу, хъа завʼан дих шулу: – Уву Йиз масан Бай вува! Узу Увʼин гизаф рази вуза!

Югьан 1:14

Гаф Инсандиз илтӀикӀуру ва ухьухъди яшамиш шулу. Ухьуз Дугъан Аллагьвалин зурбавал ва кьувват гъябкъюнхьуз, масанвали ва гьякьвали ацӀнайидар – Дугъаз дурар, Адашдихъ хъайи сар Бай вуди хьпаз гъурукьну.

Югьан 1:16

Дугъан абцӀнайи ужувлиинди ухьуз ужувлахъди ужʼвал гъабхьунхьуз.

Югьан 10:30

хъа Узуна Йиз Адаш сар вуча.

Югьан 10:38

Хъа эгер Узу дурар апӀураш, учвхьан Узухъ хътругъуз шулчвухьан, саки Йиз ляхнарихъкьан хъугъай! Гьадмуган, учвуз аьгъю хьибдичвуз ва: Узуъ – Йиз Адаш, хъа Узу – Дугъаъ айибдин гъавриъ хьидичва.

Югьан 14:20

Ва гьадму йигъан учвуз аьгъю хьибдичвуз, Узу Йиз Адашдиъ шулайиб, учву – Узуъ, хъа Узу – учвуъ.

Югьан 17:21

Гъит дурар вари саб хилди ишри, Уву Узуъ фици шулаш, хъа Узу Увуъ фици шулаш, гъит гьадрар Ухьуъ ишри. Ва гъит дюнʼяйиз Узу Уву гьаънайивал аьгъю ибшри.

Югьан 2:21

Исайи Аллагьдин хулкан улхурайиб Чан бедендикан кӀурайивал вуйи.

Ляхнар 17:29

Гьаци вуйиган, ухьу Аллагьдин веледар вуди, Аллагь гъизилиз, арсраз вая гъвандиз, инсандин устадвалиинди ва хиялниинди яратмиш дапӀнайи суратназ ухшар ву пну, фикир дапӀну ккундар.

Коринф-2 5:19

Яни Аллагьди, Месигьдиланмина Чаинди вари дюнʼя чпи гъапӀу гунгьариз дилигди, албагну. Ари гьаму албагбакан Хабар дебкк дупначуз.

Колосс 1:19

фицики Аллагьдиз, вари тамамвал Гьадгъаъ ади хьуб ккун гъабхьну.

Тимофейиз-1 3:16

Саб гаф адарди ихь хъугъувалин сир зурба ву: Думу бедендиъди гъафну, Рюгьну гьякь гъапӀну, Думу малайикариз гъяркъну, Дугъкан халкьариз ктибтну, Думу дюнʼяйиъ хъугъувалиинди кьабул гъапӀну, Думу адлуди завариз за гъахьну.

Титдиз 2:13

Диди ихь умудар тамам шлу хушбахтавар Йигъ гъяйиз ккилигури гъузуз улупурахьуз. Думу Йигъ Чан аднаъди зурба вуйи Аллагь ва ухьу Уьрхрур – Иса Месигь гъюру Йигъ хьибди.

Югьандин-1 5:20

Ухьуз, Аллагьдин Бай гъафиваликан ва гьякь Аллагь аьгъю хьуз ухьу гъаврикк ккауваликанра аьгъяхьуз. Ухьу гьякь Вуйириъ айибра аьгъяхьуз, фицики ухьу Дугъан Бай – Иса Месигьдиъ ахьа. Думу – гьякь вуйи Аллагь ву. Думу – гьаргандин уьмурра ву.

Югьандин-1 5:7

Гьаз гъапиш, дидин шубур шагьид а: