Колосс 2:8 - Гирами Китаб

⁸ Лигайгьа, гьич сарира, Месигьдихьан ваъ, хъа адмийирин аьдатарихьан ва гьаму дюнʼяйин кьудратарихьан гъюру ичӀи ва кучӀлин фикрари учву чпин чулиинди дисуз мигъитанай.

Колосс 2:8 ပူးပေါင်းရင်းမြစ်များ

Матта 10:17

Адмийирихьан ихтият апӀинай, фицики дурари учву судариз гъахиди ва чпин мистариъ урччвиди.

Матта 16:6

Исайи дурариз кӀуру: – Лигай-гьа, фарисйиринна саддукйирин дунихьан ихтият йихьай.

Матта 7:15

Кьюб маш гъяйи пайгъамбрихьан ихтият йихьай. Учвухьна дурар марччлин гъидикь алди гъюра, айтӀан кӀуруш дурар вягьши жанаврар ву.

Ляхнар 17:18

Сакьюдар эпикурчйир ва стоикар вуйи философар дугъахъди гьюжатнаъ учӀвру. Дурарикан сакьюдари: «Му лягълягъиз фу пуз ккунди айкӀан?», тмундари: «Думу, рякъру гьялариан, яд аллагьарикан улупурайир вуйкӀан?» – кӀури шуйи. Дурари мици гьаддиз кӀурайи, гьаз гъапиш Павели Исайикан ва Думу чӀиви хьуваликан Ужувлан хабар рабгъурайи.

Ляхнар 17:32

ГъачӀихъан чӀиви хьубкан деебхьну, дурарикан бязидар: «Мидкан хъа ражари ктибтара» пну, кялхъюз хъюгъру.

Рим агьларихьна вуйи кагъаз 16:17

Учвкан миннат апӀураза, гъардшар, учвуз улупу аьгъювалариз къаршу удучӀвури, гьюжатар апӀрударихьан ва машат апӀрударихьан ярхлади гъузай.

Коринф-1 10:12

Гьаци вуйиган гъит, гьар шли учв ижмиди ликриин дийигъназа кӀури, фикир апӀураш, алдакуз гъидритри!

Коринф-1 8:9

Амма лигайки, ичв азадвал зяифдариз ликриккан ккибиргъру гъван дарибшри.

Коринф-2 10:5

ва Аллагьдин фагьмиз къаршу дяви гъабхрудар ккидирчурача. Учу гьарсаб фикир, Месигьдихъ хъпехъруси, йисирвализ гъадабгъурача.

Галат 1:14

Йиз таярик узукьан жугьуд дин улихь гъабхру кас адайи, абйирин аьдатар алдарди тамам апӀуйза.

Галат 4:3

Ари гьаци ухьура ахьа: ухьу бицӀиди айиган, гьаму дюнʼяйин кьудратарин хиликк ккайхьа.

Галат 4:9

Гьамус, учвуз Аллагь аьгъю гъахьиган, яна дюзди гъапиш – Аллагьдиз учву аьгъю гъахьиган, гьаз учву хъана гьадму зяиф ва касиб дюнʼяйин кьудратарихьна хътакурачва? Гьадрарин лукӀвалиъ учӀвуз ккунди анчвуз?

Галат 5:15

Хъа эгер учву, чиб-чпи кчӀвукьури ва чиб-чпин йикк ипӀури гъашиш, лигайгьа, учву чиб-чпи тӀанкь апӀуз мумкин ву!

Эфес 2:2

ва, гьаму дюнʼяйиъ фици апӀури гъахьнуш, учвура Аллагьдиз къаршуди удучӀвнайидариъ айи рюгьнан гьавайиъ айи чӀуру кьувватарин аьхюрин хиликкди гьаци апӀуйчва.

Эфес 4:20

Хъа учвуз Месигь дици аьгъю гъахьундарчвуз.

Эфес 5:6

Гъит, зиихъ дупнайибдиз къаршу удучӀвну, гьич сарира учву алдатмиш дарапӀри, гьаз гъапиш мютӀюгъ дарудари чпиина Аллагьдин хъял алапӀура.

Филипп 3:2

Суннат апӀури, бедендиз зиян тувру намуссуз „хуйирихьан“ ихтият йихьай!

Колосс 2:18

МютӀюгълуди хьуз ккунидари, малайикариз икрам апӀрудари учвук тахсир кипруси мапӀанай. Дурар чпин гьугъужвувалариъ ахьна. Давди, чпин фагьмиин элеъну, фурс апӀура – думу гьаму дюнʼяйинуб ву!

Колосс 2:20

Учву, Месигьдихъди дукӀнайидар, му дюнʼяйин кьудратарихьан азад вуйиган, дюнʼяйиндариси, гьамци кӀури, къайдйир гьаз уьрхюрачва:

Колосс 2:22

Гьаму вари гъадагъа дапӀнайиб ишлетмиш апӀруган, жвартӀ шлу мутмйирикан къайдйирна аьдатар арайиз дуфнадарин?

Колосс 2:23

Диндин аьдатариз мютӀюгъваликан, жвув гьадатӀуваликан, бедендиз ккуниб дарапӀуваликан кӀуру гьамцдар къайдйир, зиълан гъилигган, фагьумлударси рякъюру. Амма дурари бедендин тямягьариз къаршу дийигъуз кюмек апӀдар!

Тимофейиз-1 6:20

Тимофей, яв хилиъ ивнайиб вари уьбх. Аллагьсузвалин улхбар-рахбарихьан ва кучӀлин аьгъюваларин гьюжатарихьан гьудучӀв.

Тимофейиз-2 3:13

Хъа пис адмийирна алдатмиш апӀрудар исина-исина кучӀлин кьарнаъ арсди, дурари чпихъди имбударра алдатмиш апӀиди.

Жугьдариз 13:9

Ужувлан хабарназ къаршу гьар жюре каламари учву гьякьʼвалихьан гьадауз мигъитанай. ЮкӀвар, фициб хураг ипӀуруш, гьаддин къайдйириинди мюгькам дарапӀди (дурар тамам апӀрудариз дурари хайир гъабхундар), хъа Аллагьдин ужувлиинди апӀуруш, ужу шул.

Жугьдариз 3:12

Гъардшар, ичв саринкьан юкӀв пис даршлуси, вафалуди гъузруси, чӀиви Аллагьдихьан гьидидицруси, ихтият йихьай.

Петрин-1 1:18

Аьгъю йибхьайки, ичв абйирихьан дурубкьнайи гьаму файдасуз уьмриккан учву, гъизилна арсси чӀур дубхьну гъябгърубдихъ кьимат тувну гъадагъну азадвалиъ тӀаънадар,

Петрин-2 3:17

Хъа, йиз ккунидар, учвуз мидкан мугагьназра хабар айиган, намус адру адмийирин кучӀлари учву чпихьинди хъчӀючӀюхюз ва ичв ижми бин ккидидипуз, ихтиятди гъузай.

Югьандин-2 1:8

Лигай гьа, учву фу бадали гъилихнуш, гьадму ичв дубгруси дарибшри гьа, хъа ичв пешкеш гьубкӀну учвухьна рубкьруганси апӀинай.