Эвел 48:9 - Гирами Китаб

⁹ – Мурар, Заанури узуз гьамшваъ багъиш гъапӀу йиз баяр вуйиз, – жаваб туву Юсуфди. – Узухьнаси хъади гъач дурар, – гъапи Израили. – Узу РАББИЙИКАН берекет хьуб ккун дапӀну, дурар йиз ирснан эйсйир шлуганси апӀидиза.

Эвел 48:9 ပူးပေါင်းရင်းမြစ်များ

Эвел 27:4

Дидкан узуз ккуни ицциб гьязур апӀин ва узуз ипӀуз аьбкъин. Узу йикӀайиз, увуз, РАББИЙИКАН берекет хьуб ккун дапӀну, йиз ирснан эйси апӀидизаву.

Эвел 33:5

Хпарна бицӀидар гъяркъю Исавди: – Хъа мурар фужар вуяв? – пну гьерху. – Мурар узуз, яв лукӀраз, Заанури багъиш гъапӀу веледар вуйиз, – гъапи Якьубди.

Жугьдариз 11:21

Хъугъувал ади, йикӀурайи Якьубди Юсуфдин баяриз жа-жаради Аллагьдин ужувлар ишричвуз, гъапнийи, хъа чан маргълин кюмекниинди Аллагьдиз икрам гъапӀнийи.

Паччагьлугъар-1 1:27

Хъа магьа узу ккун гъапӀу велед. Узу Чакан ккун гъапӀганси, РАББИЙИ думу узуз тувну.

Паччагьлугъар-1 1:20

Анна гъагъдиъ шулу, дугъаз бай гъахьну. – Узу му РАББИЙИКАН ккун гъапӀунза, – дупну, дугъу балʼин Шамуил ччвур иливу.

Эвел 49:28

Магьа фицдар вуш Израилин йицӀикьюб тухум ва магьа, ужʼвал ккун апӀури фици гъапнуш чпин адашди: гьардиз, чав лайикь шулайиб, ккун гъапӀнийи дугъу.

Эвел 30:2

Хъа хъял кубчӀву Якьубди Рахилиз кӀуру: – Узу увуз бицӀидар тутруврайи Заанур вуйинхъа?