Эвел 48:4 - Гирами Китаб

⁴ гъапизуз: «Узу яв тухум бегьерлу ва артухъ апӀидиза. Узу увлантина гизаф халкьар апӀидиза, ва му жил яв наслариз гьаргандиз вуди тувдиза».

Эвел 48:4 ပူးပေါင်းရင်းမြစ်များ

Эвел 17:8

Узу, уву гьамусяаьт гъурабади яшамиш шулайи вари Ханаан жил, увуз ва яв наслариз гьаргандиз тувдиза ва дурарин Заанур Узу хьидиза.

Эвел 35:11

Дугъаз Заанури гьамцира гъапнийи: – Узу Кьудратлу Заанур вуза. Яв тухум бегьерлу ва артухъ хьиди: увкан халкь арайиз гъиди, аьхю чӀвеъ халкьар арайиз гъиди! Увкан паччгьар арайиз гъиди!

Эвел 47:27

Израилин тухум Египетдин Гошен жилариин ерлешмиш гъаши. Душваъ дурарихъ жилар хъиршу. Дурарин тухум бегьерлу ва артухъ гъаши.

Эвел 46:3

Хъасин Заанури гъапи: – Узу Заанур вуза, яв адашдин Заанур, Египетдиз гъягъюз гучӀ мапӀан, фицики Узу увлантина гьадушваъ зурба халкь артмиш апӀидиза.

Эвел 32:12

Узу уьрхидизаву дупну гаф Тувур Уву дайнахъа! Уву гаф тувундайнахъа йиз насил сан-гьисаб адру гьюлин гъумкьан гизаф хьиди кӀури!»

Эвел 28:3

Гъит Кьудратлу Заанури ужувлакк ккаъриву! Гъит Дугъу яв тухум бегьерлу ва артухъ апӀри, увлантина гизаф халкьар артмиш ишри!

Эвел 26:4

Завариъ хядаркьан гизаф наслар тувдизавуз. Гьадрариз гьаму вари жиларра тувдиза. Яв насларилантина дюнʼяйин вари халкьариз ужʼвал хьибди.

Эвел 22:17

Узу уву ужувлакк ккаъдизаву! Узу увуз завуъ хядаркьан, гьюлихъ гъумкьан гизаф наслар багъиш апӀидиза. Ва яв веледарин хилиъ душмнарин шагьрар ахьри хьиди!

Эвел 17:13

Саб гаф адарди суннат дапӀну ккунду яв хулаъ бабкан гъахьиринси пулихъ гъадагъдаринра. Узухъди вуйи йикьрарнан му лишан ичв бедендиин гьаргандиз хьибди.

Эвел 12:2

Хъа Узу увкан зурба халкь артмиш апӀидиза. Ужувлакк ккаъдизаву. Яв ччвур адлу апӀидиза, ва увлантина варидариз ужʼвал хьибди.

Эвел 17:6

Узу уву гизаф бегьерлу апӀидизаву. Узу увлантина халкьар арайиз хидиза; увкан хьиди паччгьар.