Эвел 27:4 - Гирами Китаб

⁴ Дидкан узуз ккуни ицциб гьязур апӀин ва узуз ипӀуз аьбкъин. Узу йикӀайиз, увуз, РАББИЙИКАН берекет хьуб ккун дапӀну, йиз ирснан эйси апӀидизаву.

Эвел 27:4 ပူးပေါင်းရင်းမြစ်များ

Жугьдариз 11:20

Хъугъувал ади, Исакьди чпин ярхи уьмрариъ Якьубдизна Исавдиз, Аллагьдин ужувлар ишричвуз, гъапнийи.

Эвел 48:9

– Мурар, Заанури узуз гьамшваъ багъиш гъапӀу йиз баяр вуйиз, – жаваб туву Юсуфди. – Узухьнаси хъади гъач дурар, – гъапи Израили. – Узу РАББИЙИКАН берекет хьуб ккун дапӀну, дурар йиз ирснан эйсйир шлуганси апӀидиза.

Эвел 49:28

Магьа фицдар вуш Израилин йицӀикьюб тухум ва магьа, ужʼвал ккун апӀури фици гъапнуш чпин адашди: гьардиз, чав лайикь шулайиб, ккун гъапӀнийи дугъу.

Эвел 27:25

Хъа Исакьди гъапи: – Ча яв хюрч, йиз бай, ипӀурза, хъа увуз, РАББИЙИКАН берекет хьуб ккун дапӀну, йиз ирснан эйси апӀидизаву. Якьубди чпин адашдиз ипӀрубна чяхир туву. ИпӀуб-убхъуб гъапӀхъан,

Лука 24:51

Дурариз ужувлар ккун апӀури айи арайиъ, Иса, ученикарихьан гьудучӀвури, завуз за шулу.

Лука 2:34

Симеонди, дурариз ужʼвал ккун дапӀну, Марʼямдиз гьамци кӀуру: – Гьаму яв Бай Израилиъ гизафдар асккан хьпан, гьам заан хьпан себеб хьиди. Мугълантина гизаф улхбар хьиди.

Эвел 27:7

Дугъу дугъаз: «ЧӀурдин фукӀа-мукӀа дубхну, йиз ккуни хураг гьязур апӀин. Узу ипӀидиза ва узу йикӀайиз, увуз, РАББИЙИКАН берекет хьуб ккун дапӀну, йиз ирснан эйси апӀидизаву», – гъапну.

Эвел 28:3

Гъит Кьудратлу Заанури ужувлакк ккаъриву! Гъит Дугъу яв тухум бегьерлу ва артухъ апӀри, увлантина гизаф халкьар артмиш ишри!

Эвел 27:31

Дугъу ицциб гьязур дапӀну чан адашдиз хуру ва кӀуру: – Гъудужв, йиз адаш, уву узу адашʼвалин ужувлакк ккаъбан бадали, яв балин хюрч ипӀин.

Эвел 27:27

Якьуб багахь духьну адашдиз мак апӀуру ва, дугъан ккурттарин ниъ гъафири, Исакьди дугъаз гьамцдар гафариинди РАББИЙИКАН берекет хьуб ккун апӀуру: Йиз балин ниъ – РАББИЙИ ужувлакк ккаънайи хутӀларин ниъ ву.

Эвел 27:23

Якьубдин хилар Исавдиндарси чӀарарихьди элеркнайиган, Исакьдиз думу аьгъю гъахьундайи ва гьаддиз дугъу Якьубдиз РАББИЙИКАН берекет хьуб ккун апӀуру.

Эвел 24:60

Хуландари, Ребекайиз РАББИЙИКАН берекет хьуб ккун дапӀну, дугъаз кӀуру: Гъит яв наслар, чи, агъзрариинди агъзрар ишрияв! Гъит яв веледарин хилиъ душмнарин шагьрар ахьри.

Эвел 14:19

Дугъу Ибрамдиз РАББИЙИКАН берекет хьуб ккун апӀуру ва кӀуру: – Гъит Первердигар Заанури, жилна зав халкь ГъапӀури, Ибрам ужувлакк ккаъри!

Эвел 27:5

Исакьди чан бай Исавдиз кӀурайи гафар, дурарихъ хъебехънайи, Ребекайиз гъеерхьнийи. Исав чӀурариз хюрчаз гъушиган,

Эвел 27:9

Лижягъна душну кьюб ужударстар мудрар гъядягъну гъач. Узу яв адашдиз дурарикан чаз ккуни ицциб гьязур апӀидиза,

Эвел 27:14

Думу мудрар хуз гъягъюру; чан дадайихьна хуру, хъа дадайи дурарикан, адашдиз ккуни ицциб гьязур апӀуру.

Эвел 27:17

ва чав гьязур гъапӀу иццибна уьл дадайи чан балин хилиъ ивру.

Эвел 27:19

Якьубди чан адашдиз кӀуру: – Узу Исав вуза, яв сарпир. Узу уву гъапибси гъапӀунза. Гъудужвну, ахниин деъ ва гьаму ипӀин, хъасин узуз РАББИЙИКАН берекет хьуб ккун апӀин.