Эвел 26:4 - Гирами Китаб

⁴ Завариъ хядаркьан гизаф наслар тувдизавуз. Гьадрариз гьаму вари жиларра тувдиза. Яв насларилантина дюнʼяйин вари халкьариз ужʼвал хьибди.

Эвел 26:4 ပူးပေါင်းရင်းမြစ်များ

Ляхнар 3:25

Пайгъамбрари улихьмиди дупнайи йикьрар, Аллагьди ичв абйирихъди гъийитӀдар, учвуз дурукьна. Аллагьди Ибрагьимдиз гъапнуки: «Яв тумралантина дюнʼяйин вари инсанариз ужувлар хьиди».

Галат 3:8

Гирами китабариъра, хъугъу халкьар Аллагьди гьякь апӀиди кӀури, улихьмиди дупнайи. Ибрагьимдиз, «Увлантина жугьуд дару халкьариз Аллагьдин ужʼвал хьибди», кӀури, Ужувлан хабарнакан сифте хабар гьадмугантӀан дебккнийи.

Эвел 15:5

РАББИЙИ Ибрам чӀатинди адаъну кӀуру: – Завуз лиг, хядар кудух, эгер увхьан дурар ктухуз шулуш! – Хъа давам апӀуру. – Гьадму хядаркьан увухъ наслар хьиди!

Эвел 13:16

Яв насил гьюлин гъумкьан гизаф апӀидиза. Гъум гьисаб апӀуз даршлуси, гьаци яв насилра кьадар адрубкьан хьибди.

Галат 3:16

Ибрагьимдиз ва дугъан наслиз Аллагьди гаф тувнайи. Фикир тувай, фици дупнаш: «наслариз» дупнадар – мици, гизафдарикан улхураш, кӀуру, хъа, «яв наслиз» – мици сарикан улхруган кӀурайиб ву. Ари гьадму насил – Месигь ву.

Жугьдариз 11:2

Ихь абйир, гьациб хъугъувалиинди уьмур хъапӀну, баркаллагьназ лайикь гъахьну.

Эвел 18:18

Ибрагьимдикан гьякьди зурба ва кьувватлу халкь арайиз гъибди, ва гьадму халкьдилантина дюнʼяйин вари имбуну халкьаризра ужʼвал хьибди.

Эвел 15:18

Гьадму йигъан РАББИЙИ Ибрамдихъди йикьрар йитӀуру ва кӀуру: – Узу египтарин нирхъан гъадабгъуб тап машгьур Ефратдихъна гъягъяйизкьан вуйи:

Эвел 26:24

Сабпи йишван дугъаз душваъ РАББИ ачмиш гъахьнийи. – Узу, яв адаш Ибрагьимдин Заанур, вуза, – гъапи Дугъу. – ГучӀ мапӀан, Узу увухъди хъаза. Йиз лукӀ Ибрагьим бадали, Узу уву ужувлакк ккаъдиза ва яв насил гизаф кьадар апӀидиза.

Эвел 28:3

Гъит Кьудратлу Заанури ужувлакк ккаъриву! Гъит Дугъу яв тухум бегьерлу ва артухъ апӀри, увлантина гизаф халкьар артмиш ишри!

Эвел 28:14

Гъумкьан гизаф хьиди яв наслар. Дурар ригъ гьудубчӀву, ригъ алабхъру, кьибла ва кафари терефаризди рагъиди. Увлантина ва яв насларилантина дюнʼяйин вари халкьариз ужʼвал хьибди.

Эвел 35:12

Узу Ибрагьимдизна Исакьдиз тувурза гъапи жил увузна яв наслариз тувдиза.

Эвел 47:27

Израилин тухум Египетдин Гошен жилариин ерлешмиш гъаши. Душваъ дурарихъ жилар хъиршу. Дурарин тухум бегьерлу ва артухъ гъаши.