Эвел 26:3 - Гирами Китаб

³ Саб вахтназ гьаму ругариин биналамиш йихь. Узу увухъди хьидиза ва уву ужувлакк ккаъдиза. Гьаз гъапиш, яв адаш Ибрагьимдиз туву гаф Узу тамам апӀидиза. Гьаму вари жилар увуз ва яв наслариз тувдиза.

Эвел 26:3 ပူးပေါင်းရင်းမြစ်များ

Эвел 28:15

Аьгъю йибхь, Узу увухъди хьидиза. Уву наанди гъушишра, Узу уву уьрхюри хьидиза. Узу уву думу Ханаан уьлкейиз кьяляхъ апӀидизаву, уву ялгъузди гъитидарза. Йиз туву гафар вари тамам апӀидиза.

Эвел 20:1

Ибрагьим учв айи йишвариан, кьибла терефнаъ айи Негев кӀуру ичӀи чюлин багарихьна, удучӀвну гъягъюру ва Кадешна Сур йишварин арайиъ яшамиш хьуз хъюгъру. Ибрагьимди гъурабади Герариъ бина ккебгъру,

Эвел 17:8

Узу, уву гьамусяаьт гъурабади яшамиш шулайи вари Ханаан жил, увуз ва яв наслариз гьаргандиз тувдиза ва дурарин Заанур Узу хьидиза.

Эвел 15:18

Гьадму йигъан РАББИЙИ Ибрамдихъди йикьрар йитӀуру ва кӀуру: – Узу египтарин нирхъан гъадабгъуб тап машгьур Ефратдихъна гъягъяйизкьан вуйи:

Эвел 13:17

Гъарах, му жилин ярхишназ ва яркьушназ лиг – му жил Узу увуз тувраза.

Эвел 13:15

Увуз рябкъюрайи гьадму вари жил Узу увуз ва яв наслариз гьаргандиз тувдиза.

Эвел 12:7

РАББИ Ибрамдиз ачмиш шулу ва Дугъу кӀуру: «Яв наслариз Узу гьаму жил тувдиза». Ибрамди душваъ чаз ашкар гъахьи РАББИЙИЗ гъурбан апӀрушв тикмиш апӀуру.

Жугьдариз 11:9

Хъугъувал ади, думу, Аллагьди гаф тувну гъурубкьу жилиин, жара йишвʼан удучӀвну гъафи адмиси, чадрарикк яшамиш хьуз хъюгъну. Дугъахъди чадрикк Исакьра, Якьубра яшамиш гъахьну. Тувнайи гафниинди жил гьадраризра дурубкьну ккундийи.

Филипп 4:9

Узхъан гъудубгъуб, узхьан гъурубкьуб, узкан гъеебхьуб, узуъ гъябкъюб – вари тамам апӀинай, ва гьадмуган мясляаьтнан булагъ вуйи Аллагь учвухъди хьиди.

Эвел 39:21

Душваъра РАББИ гьадгъвахъди хъайи. РАББИЙИ дугъаз рягьимлувал ва дустагъдин аьхюрин ихтибарлувал тувнийи.

Эвел 39:2

РАББИ Юсуфдихъди хъайи. Египет жвуван, чан аьхюрин, хулаъ яшамиш шули Юсуфди, хъуркьувалар гъазанмиш апӀурайи.

Эвел 26:14

Дугъахъ мал-марччлин лижарна бегьем гъаравшар хъайи. Филистимар дугъʼин бахил шулу.

Эвел 26:12

Гьадму гьюкуматдиз удучӀвну гъафи Исакьди рузи убзуз хъюгънийи. РАББИЙИ думу ужувлакк ккаънийи ва думу йисан Исакьди варж ражари артухъ ризкь ккадабцӀнийи.

Жугьдариз 6:17

Гьаци Аллагьдира, Чан ниятар гьюдюхрудар дариз, кӀури, Чав гаф тувуриз ачухъди улупуз ккунди айиган, Чан гаф ху апӀбиинди мюгькам гъапӀну.

Эвел 25:11

Ибрагьим гъакӀихъанмина РАББИЙИ дугъан бай Исакь ужувлакк ккаънийи. Исакь, Беэр-Лахай-Руи кӀурушван багарихь яшамиш шулайи.

Эвел 26:24

Сабпи йишван дугъаз душваъ РАББИ ачмиш гъахьнийи. – Узу, яв адаш Ибрагьимдин Заанур, вуза, – гъапи Дугъу. – ГучӀ мапӀан, Узу увухъди хъаза. Йиз лукӀ Ибрагьим бадали, Узу уву ужувлакк ккаъдиза ва яв насил гизаф кьадар апӀидиза.

Эвел 28:13

РАББИ зиин дийигъну Якьубдиз кӀуру: – Узу, яв аба Ибрагьимдин Заанур ва адаш Исакьдин Заанур, РАББИ вуза. Уву дахънайи гьаму жилар Узу увуз ва яв наслариз багъиш апӀидиза.

Эвел 31:3

Хъа РАББИЙИ Якьубдиз гъапи: – Яв уьлкейиз, яв багахьлуйирихьна кьяляхъ гъарах. Узу увухъди хьидиза.

Эвел 35:12

Узу Ибрагьимдизна Исакьдиз тувурза гъапи жил увузна яв наслариз тувдиза.

Эвел 48:21

Хъасин Израили Юсуфдиз кӀуру: – Багарихьди узу йикӀиди. Заанур учвухъди хьиди ва Дугъу ичв абйирин ругариина кьяляхъ гъахидичву.

Эвел 50:24

– Багарихьди узу йикӀиди, – гъапи дугъу гъардшариз. – Хъа гьациб йигъ гъибдики: Заанури учву кӀваин апӀиди ва учву мушвʼан Чав Ибрагьимдиз, Исакьдиз ва Якьубдиз гаф тувну улупнайи ругариина гъахидичву.

Эвел 17:19

Ибрагьимдиз Заанури гъапи: – Увуз бай апӀрур яв хпир Сара хьиди. Дугъʼин Исакь («думу аьлхъюра») кӀуру ччвур иливидива. Йиз йикьрар Узу гьадгъвахъди ва гьадгъвалантина вуйи насларихъди гьаммишандиз вуйи йикьрар вуди йитӀидиза.