Эвел 13:2 - Гирами Китаб

² Гьамус Ибрам гизаф девлетлур вуйи. Дугъаз мал-къара, арс, гъизил айи.

Эвел 13:2 ပူးပေါင်းရင်းမြစ်များ

Эвел 24:35

РАББИЙИ йиз агъа гизаф ужувларикк ккаъну ва думу девлетлу гъахьну. Заанури дугъаз гизаф мал-марчч, арсна-гъизил, лукӀарди жиларна хпар, девйирна дажйир тувну.

Насигьятар 10:22

РАББИЙИН ужʼвали уву девлетлу апӀиди, дерд сарун аьгъю хьибдар увуз дидихъди.

Тимофейиз-1 4:8

Бедендиз вуйи гьяракатарикан сацӀиб мянфяаьт а, хъа хъугъувалин тӀалабарихъ хьуб варибдиъ мянфяаьтлу ву, фицики диди, гьамусси, гъюру вахтариъра уьмур тувди.

Матта 6:33

Сифтена-сифте учву Аллагьдин Паччагьлугъдихъ хъергай ва Дугъу кӀурайиб вари тамам апӀбахъ йихьай. Гьаци гъапӀиш, имбуб вари Дугъу тувдичвуз.

Паччагьлугъар-1 2:7

РАББИЙИ касиб апӀуру, девлетра тувру, Чаз ккундуш. Чаз ккундуш, асккан апӀуру, заан апӀуру, Чаз ккундуш.

Эвел 12:16

Гьаци Ибрамдизра ужуйи вуйи. Дугъахъ марччар, малар, дажйир, лукӀар (жилар ва хпар) ва девйир хъиршру.

Эвел 13:6

Жил сарун дурар кьюридигъна гьубкӀри имдайи. Дурарин мал-мутму гьадмукьан гизаф вуйики, сарун дурар саб йишвʼин улуршурадайи.

Эвел 24:1

Ибрагьим сарун бегьем кьаби гъахьнайи. Вари ляхнариъ думу РАББИЙИ ужʼваликк ккаънийи.

Эвел 30:43

Якьубдикан кентхуда гъахьнийи. Дугъахъ марччар-цӀигьарин сюрйир, лукӀар вуйи гизаф жиларна хпар, девйирна дажйир гъахьнийи.

Эвел 26:14

Дугъахъ мал-марччлин лижарна бегьем гъаравшар хъайи. Филистимар дугъʼин бахил шулу.