Эстер 7:9 - Гирами Китаб

⁹ Гьадмуган паччагьдин гъаравашарикан сар вуйи Харвонайи гъапну: «Гьякьикьатдиъра, Аманди чан гафариинди паччагь хатӀайихьан гъюрхю Мярдягьяйиз буруз гьязур апӀурайи, магьа гьамус думу къанна хьуб метр али буруз Амандин хуларин багахь дубсну!» Паччагьди амур гъапӀу: «Думу гьадушваъ буруздикк ккерхай!»

Эстер 7:9 ပူးပေါင်းရင်းမြစ်များ

Паччагьлугъар-4 9:32

Егьу унчӀваз гъилигнийи, ва дугъу гъапнийи: – Узхъан фуж ву? Фуж? УнчӀвʼан кьюр ясана шубур гъараваш гъилигнийи.

Эстер 1:10

Ургуд кӀуру йигъан чяхир дубхъну гьевес ачухъ гъабхьи паччагь чан ургур дугъаз гъуллугъ апӀурайи гъаравашдихьна илтӀикӀуру – дурариз Мехуман, Биззета, Харвона, Бигта, Авагта, Зетар ва Къаркъас кӀуйи – ва, халкьдиз ва гьякимариз чан хпир Ваштийин успагьивал (хъа думу кьадарсуз гюрчегур вуди гъахьну) улупбан бадали, дурариз чахьна, паччагьдин тажра алабхьну, хпир хъади гъюб амур апӀуру.

Эстер 5:14

Дугъан хпир Зерешди ва дустари дугъаз насигьят тувру: «Гъит къанна хьуб метр али буруз дубсри, хъа гвачӀинган паччагьдикан, Мярдягьяй гьадму буруздикк ккерхуб тӀалаб апӀин ва юкӀв азадди паччагьдихъди демраз гъарах». Му гафар Амандиз кьабул гъахьнийи, ва дугъу буруз дубсуз амур апӀуру.

Эстер 6:14

Дурари гьадму гафар дупну ккудукӀайизра, паччагьдин гъаравашар дуфну, Аман чкиди Эстери тешкил гъапӀу демраз хъади гъягъюру.

Эстер 6:2

Дурариъ Ахашʼверуш паччагь йивну йикӀуз кьаст ади гъабхьи паччагьдин дараматдин раккнар уьрхюрайи гъаравашар Бигтану ва Тереш Мярдягьяйи ашкар апӀуваликанра бикӀбар айи.

Эстер 8:7

Паччагь Ахашʼверушди паччагьдин хпир Эстериз ва жугьуд Мярдягьяйиз кӀуру: «Амандин вари девлет узу Эстериз тувунза, хъа жугьтар тӀанкь апӀуз ккун гъабхьи думу буруздикк ккерхну.

Эстер 9:14

Паччагьди Эстери гъапиб тамам апӀуз амур апӀуру – Сузыйиъ дугъан амрикан мялумат тувру, хъа Амандин йицӀур балин майтар буруздикк ккерхру.

Эстер 9:25

амма му ляхникан паччагьдиз хабар гъабхьиган, паччагьдин амриинди жугьтар терг апӀуз Амандин кӀваъ айи чӀуру кьаст чан кӀулиз адабкну: Аман ва дугъан баяр буруздикк ккерхну.

Даниял 6:24

Паччагьди Даниялиина аьрзачи гъахьи ксар хъади гъюз ва дурар, чпин веледарра, хпарра хъади, асланарихьна ичӀаз гатӀахьуз амур апӀуру. Дурар, ичӀан кӀаназ хъуркьайизра, асланари, алархьну, тикйир-тикйир гъапӀнийи.

Даниял 6:7

Паччагьлугъдиъ айикьан вари гьюкумдрари, шагьрарин аьхюдари ва юрдарин гьякимари, паччагьдин багахьна вуйидари ва дерккнайи кьадйири – гьамрар вардари гьисаб апӀураки, паччагьди гъадагъайин буйругъ тувуб лазим ву: эгер сар фужкӀа сумчӀур йигъандин арайиъ, увуз ктарди, жан паччагь, шлизкӀа жарариз – я гирами бутдиз, ясана сар касдиз – ккарагиш, думу асланари итӀуз ичӀаз гатӀахьну ккунду.

Паччагьлугъар-1 17:51

Хъасин думу филистимдихьна гъажаргъу, дугъан багахь дийигъу ва, дугъан тур халариан уьчӀюбгъну, думу бегьемди йивну гъакӀи ва дугъан кӀул алдабтӀу. Чпин пягьливан йивну гъакӀиб гъябкъиган, филистимар гьергуз хъюгъю.