Эстер 7:4 - Гирами Китаб

⁴ Эгер учу лукӀвализ туврайиш, учкан лукӀар апӀурайиш, узу ккебехъуйза – гьятта гьациб бедбахтвалиъра узу паччагь сикинсуз апӀдайза!»

Эстер 7:4 ပူးပေါင်းရင်းမြစ်များ

Эстер 3:13

Паччагьлугъдин вари вилаятариз жугьтар, бицӀидарилан гъадабгъуб кьабидариинакьан, дишагьлийирра, бицӀидарра, саризра инсаф дарапӀди, вари сад йигъан, йицӀикьюб кӀуру вазлин йицӀишубубпи йигъан йивну йикӀуб, яни тӀанкь, хъа мулк тӀараш апӀуб амур апӀурайи къарар хьади чархачйир гьаънийи.

Эстер 3:9

Эгер паччагьдиз ккун гъабхьиш, дугъу думу халкь терг апӀуз къарар адабгъиди, гьадмуган паччагьдин хазнайиз узу шубудварж агъзур кило арс хибдиза».

Эстер 7:5

Паччагь Ахашʼверушди Эстерихьан гьерхбар-хъерхбар апӀуз хъюгъру: «Шли? Фуж ву думу дициб ляхин гъапӀур? Наан а думу?»

Эстер 7:6

Эстери жаваб тувру: «Думу къаршу душман – магьа гьаму инсафсуз Аман ву!» Паччагьдин ва дугъан хпирин улихь Амандик къурху кабхъру.

Эстер 8:11

Ахашʼверушдин паччагьлугъдин вари вилаятариъ сад йигъан, йицӀикьюбпи адар вазлин йицӀишубудпи йигъан, гьадму къарариинди паччагьди гьарсаб шагьриъ яшамиш шулайи жугьтариз, уч духьну, жвувхъанди женг гъабхуз ихтияр тувру. Эгер хилиъ яракь айи инсанар, фуну вилаятдиъ вушра, фуну миллетдикан вушра, жугьтариин алархьиш, думуган жугьтариз, дурар чпин бицӀидарра, хпарра хъади, тӀанкь апӀуз, хъа дурарин мулк тӀараш апӀуз ихтияр тувра.

Эстер 8:6

Йиз халкьдиина бедбахтвал фици гъюраш, узхьан архаинди лигуз шулинхъа, йиз багахьлуйир фици тӀанкь шулаш, узхьан рябкъюз шулинхъа?»

Эстер 9:25

амма му ляхникан паччагьдиз хабар гъабхьиган, паччагьдин амриинди жугьтар терг апӀуз Амандин кӀваъ айи чӀуру кьаст чан кӀулиз адабкну: Аман ва дугъан баяр буруздикк ккерхну.

Даниял 6:2

Хъа дурарин зиинра – шубур гьюкумдар (гьадму гьисабнаан Даниялра), юрдарин гьадму гьякимари мурарин улихь сургъу-гьисаб тувруси ва паччагьдизра саб зарар даршлуси.

Лука 12:45

Эгерки гъуллугъчийи чан кӀваан: «Йиз агъа багаригьди гъидар» пну, гъаравшариз йивуз, ипӀуз-убхъуз ва пиянвалар апӀуз хъюгъиш,

Паччагьлугъар-1 22:23

Узухь гъуз ва гучӀ мапӀан. Узу йивну йикӀуз ккунириз увура йивну йикӀуз ккунду, хъа узухь уву хатӀасузвалиъ хьидива.